المساعد الشخصي الرقمي

مشاهدة النسخة كاملة : يوميات حب من نوع خاص



pr!nce$ & $o$o
12-09-2010, 06:53 PM
بسم الله الرحمن الرحيم


بصوا انا جيبالكم يوميات لسه تحت الانشاء يعنى انا بقرأها معاكم وانا بكتبها




اعرفكم على الشخصيات




أحمد:شاب عادى زى كل الشباب نفسه يتغير للآحسن بس محتاج شويه وقت يعنى لسه فى أول طريق الالتزام.طالب فى كلية الهندسة فى سنة ثالثة فى جامعة القاهرة. أسرته محترمة جدا تعيش فى ريف بسيط.




جنى:بنت عادية برده ولكنها اكثر التزاما من أحمد.جارة أحمد فى نفس الشارع.طالبة فى كلية الصيدلة فى سنة ثانية فى جامعة القاهرة.




سامح:أخو أحمد ,أكبرمنه فى أخرسنة فى كلية هندسة.




حبيبة:أخت أحمد الوحيدة,أصغر منه بثلاث سنين فى سنة ثالثة ثانوى.




سهيلة:أخت جنى الكبيرة ومخطوبة.




ليلى:زميلة جنى فى نفس الكلية ونفس السنة.




منى:زميلة أحمد فى نفس الكلية ونفس السنة وبرده زميلة جنى




منقووووووووووووووووووووووول






الحلقة الأولى



خلصنا المحاضرة وطليعنا من الكلية واقفة بين زملائى الاقى اللى ينادى عليه.



جنى:ياترى مين؟ أحمد!!! (فى سرها)غريبة.http://files.fatakat.com/bigsmilies/mood25.gifhttp://files.fatakat.com/bigsmilies/mood25.gif




أحمد:السلام عليكم.




جنى:وعليكم السلام.اهلابيك يابشمهندس فى كليتنا.




أحمد:أهلا بيك ياجنى انت عاملة ايه؟




جنى: الحمد لله وانت ايه أخبار الكلية معاك؟




أحمد:الحمد لله وانتى؟




جنى:الحمد لله هو أنت جاى هنا ليه هو أنت عارف حد هنا؟




أحمد:جاى أسلم عليك وأطمن




جنى:ومن امتى الكلام ده؟




أحمد:أنت مضايقة




جنى:طبعا انت عارف انى هضايق يعنى انت واقف معاى بصفتك ايه!!!دلوقتى زملائى يقولوا عليه ايه.http://files.fatakat.com/bigsmilies/mood19.gifhttp://files.fatakat.com/bigsmilies/mood19.gif




أحمد:أنا آسف جدا بس ما بقتش اشوفك خالص.




جنى:قصدك ايه!!!!!!




أحمد:فى البلد يعنى.




جنى:اه اصل انا قاعده هنا فى المدينة أريح.




أحمد:اه ماانا عارف أنا قصدى مانزلتيش اجازات من زمان.




جنى:ان شاء الله هنزل اجازة اخر الاسبوع,



يوم الاربعاء هوصل البلد.




أحمد:كويس توصلى بالسلامة.




جنى:ان شاء الله.




أحمد:جنى ممكن اطلب منك طلب؟




جنى:اتفضل




أحمد:ينفع لو فاضية دلوقتى نقعد فى كافيه عاوز اتكلم معاكى شوية.




جنى:بخصوص ايه؟؟؟




أحمد:هتفهمى لما نقعد.




جنى:يابشمهندس أحمد أنت أكيد فاهم انك بكده بضايقنى.



http://files.fatakat.com/bigsmilies/mood8.gifhttp://files.fatakat.com/bigsmilies/mood19.gifوكمان انا لازم امشى حالا عشان وقفتنا مع بعض دى وحشة اوى.




أحمد:خلاص انا آسف جدا بس انا كنت عاوز اكلمك ضرورى.




جنى:http://files.fatakat.com/bigsmilies/mood8.gifhttp://files.fatakat.com/bigsmilies/mood8.gifماشى يابشمهندس نقعد فى كافيه قريب من هنا.




أحمد:شكرا انت وافقتى؟




جنى:أهم حاجة ما طولش عليه عشان انا ورايه حاجات كتير.




أحمد:مش هاخذ من وقتك كتير.




وذهبوا الى الكافيه



بينما جنى تقول فى نفسها ياترى ياأحمد عاوزنى فى ايه؟ استرها يارب.




مستنيه ردودكم اكمل ولا

sooosooo
12-09-2010, 08:11 PM
جميلة يا سوسو

يلا كملى يا جميل

~هُــــــــدُوءْ,,,
12-09-2010, 08:18 PM
حلوة كتيير

leave me alone
12-09-2010, 08:29 PM
كملى يا قمر

pr!nce$ & $o$o
12-09-2010, 08:43 PM
جميلة يا سوسو

يلا كملى يا جميل


حلوة كتيير


كملى يا قمر



اوكى ياقمرات هكمل بس لما الاقى تفاعل شوية على القصة
خلوكى معاياوينكوا يا بنانيت:@:@

Princess Noor
12-09-2010, 08:45 PM
ايوة طبعا كملي انا بحب القصص دي اوي يلا بقى كمليها انا هتابع معاكي هههههه

♥ Tota ♥
12-09-2010, 08:46 PM
كملى يا سكر

Princess Noor
12-09-2010, 08:47 PM
انتي لسه هتفكري؟؟؟؟؟ يلا ياحبيبتي اكيد لما هتكملي هتلاقي تفاعل هو انا مش ماليه عينك ولا ايه ههههههههههههههههههههههههه بهزر معاكي طبعا يلا كملي هههه

pr!nce$ & $o$o
12-09-2010, 09:12 PM
ايوة طبعا كملي انا بحب القصص دي اوي يلا بقى كمليها انا هتابع معاكي هههههه


كملى يا سكر


انتي لسه هتفكري؟؟؟؟؟ يلا ياحبيبتي اكيد لما هتكملي هتلاقي تفاعل هو انا مش ماليه عينك ولا ايه ههههههههههههههههههههههههه بهزر معاكي طبعا يلا كملي هههه


عادى يا سوسو
انا مش بزعل من صحباتى
وبعدين كفاية انك على اسمى ياقمر


اوكى ياقمرات هكمل علشان خاطركم بس
بس
بس
بس
بس
بس
بس
بس
بس
بس
بس
بس
بكرة بقا
:p:p:p
يكون بقيت البنانيت شافوها

xx.Sad NaNoO.xx
12-09-2010, 09:50 PM
حلوووووه اوووي اووووي ياا حبيبتي وشكل الجااي احلى
يلااااا بسررعه كملي ,, ومش تتاخرري

مزيونه بس مجنونه
12-09-2010, 09:53 PM
كثير حلوه تسلمين يا سوسو كملي يا حبيبتي

مرامـ وكلي غرامـ..
12-09-2010, 10:23 PM
شوقتيني لي القصه يله كملي

مريم أبراهيم
12-09-2010, 10:36 PM
كملى كملى كملى

pr!nce$ & $o$o
12-09-2010, 10:47 PM
من عيونى يا بنات
بس بكرة ان شاء الله

اسيـــــ خيالى ـــــره
12-09-2010, 11:11 PM
ينقل للقسم المناسب يا عسل ومنتظريييين جديدك

اسيـــــ خيالى ـــــره
12-09-2010, 11:12 PM
ينقل للقسم المناسب يا عسل ومنتظريييين جديدك

passant
12-09-2010, 11:57 PM
kmly ya amr shklha 7lwa mtt25rish b2a

Hamsa sense
13-09-2010, 12:14 AM
ايه ده !! حلقه واحده بس كملى ياقمرى بسرعه شكلها جامد

pr!nce$ & $o$o
13-09-2010, 12:21 AM
kmly ya amr shklha 7lwa mtt25rish b2a


ايه ده !! حلقه واحده بس كملى ياقمرى بسرعه شكلها جامد


والله انتوا قومتوها فى دماغى
حالا هنزل حلقة جديدة علشان مش تزعلوا
:d:d

pr!nce$ & $o$o
13-09-2010, 12:22 AM
الحلقة الثانية




جنى : إتفضل يلا عاوز تقول إيه ؟
بس لازم تعرف حاجة أنا واقفت عشان أنا معتبراك أخوى بس ياريت الحكاية دى لو سمحت ما تحصلش تانى.
http://files.fatakat.com/bigsmilies/mood19.gif





أحمد : جنى أنا عارف إنك ملتزمة أكثر منى بس أنا بجد بحاول بأى طريقة أتكلم معاكى ومش عارف
فكرت قولت أجيلك عشان اتكلم معاكى وبجد أنا مش هكررها ثانى .


جنى : ماشى يا بشمهندس يلا


أحمد : تشربى إيه الأول


جنى : ما فيش يا أحمد بجد أنا مش فاضية وراية حاجات كتير
http://files.fatakat.com/bigsmilies/mood8.gifhttp://files.fatakat.com/bigsmilies/mood8.gif


أحمد : جنى أنت مش حاسة بإتجاهى من نحيتك بأى شىء
http://files.fatakat.com/bigsmilies/mood6.gif


جنى : إزاى يعنى


أحمد : جنى بصراحة أنا معجب بيكى ومن زمان من أيام الثانوية مش عارف إنتى كنت ملاحظة ولا لا بس أنا بجد بحبك ونفسى تكونى إنتى الإنسانة اللى تشركينى حياتى وتكون زوجة صالحة لى بس أنا مستقبلى طويل
ومش عارف هتستنينى ولا لا . جنى إنتى مش حاسة بإتجاهى بأى شىء ؟


جنى : أنا عمرى ما حسيت بإتجاهك بأى شىء طول عمرى بعتبرك أخوى الثانى أنا مش عارفة أقولك إيه بس بجد أنا اتفجئت من كلامك
http://files.fatakat.com/bigsmilies/mood15.gifhttp://files.fatakat.com/bigsmilies/mood25.gif



أحمد : يعنى إيه!


http://files.fatakat.com/bigsmilies/mood25.gifhttp://files.fatakat.com/bigsmilies/mood25.gif
جنى : يعنى إنت أخوى وبس وموضوع الحب ده أنا عمرى ما أحب ولا أفكر فى الحب إلا من زوجى اللى هيكون نصيبى إن شاء الله أما أنا أحب وأعشق والكلام ده ما لى فيه


أحمد : أنا مش بقولك هنعيش جوبات غرام وحب وكدة لا أنا عمرى ما هقبل عليك كدة أنا لازم أحافظ عليك
لأنى بحبك بجد بس أنا بقولك إنى بحبك ونفسى تكونى بتحبينى أو على الاقل تعطينى امل بس إنك على الأقل مرتاحة لى


جنى : أنا لازم أمشى
http://files.fatakat.com/bigsmilies/mood24.gifhttp://files.fatakat.com/bigsmilies/mood24.gif


أحمد : ما قولتش رأيك فى كلامى؟؟



جنى : أحمد مش عارفة بجد أقولك إيه دلوقتى, بس إنت لو بتحبينى بجد إدعى ربنا وإلتجىء إليه وإدعى إنى أكون من نصيبك


أحمد :يعنى كلامك ده معناها إرتياح
http://files.fatakat.com/bigsmilies/mood0.gifhttp://files.fatakat.com/bigsmilies/mood0.gif




جنى : أحمد إفهمنى أنا بقولك أنا ما بفكر فى أى حاجة ولو فيه إرتياح فده مش معناه إنى بحبك أنا قولتلك ان انت أخوى فياريت تسيبنى أمشى بقى


أحمد : ماشى بس ياريت تفكرى فى الكلام ده . جنى انا بحبك بجد والله العظيم بحبك


http://files.fatakat.com/bigsmilies/mood6.gifhttp://files.fatakat.com/bigsmilies/mood6.gif
جنى : إن شاء الله يلا مع السلامة


أحمد : إستينى أوصلك للمدنية بتاعتك


جنى : لا شكرا . مع السلامة


وذهبت جنى إلى المدنية


يا ترا جنى هتفكر فى الموضوع ولا لا ؟؟ وياترا أحمد هيعمل إيه ؟؟


وياترا جنى هتفضل على طريق إلتزامها ولا الشيطان هيخدها لطرق تانى؟؟؟؟؟

pr!nce$ & $o$o
13-09-2010, 12:23 AM
اى خدعة يا بنانيت

pr!nce$ & $o$o
13-09-2010, 12:24 AM
عايزة اشوف الردود الحلوة بقا
ومتنسوش التقييــــــــــــــــــــــــــــــــــــــــــــ ـــــــــــــــــم

passant
13-09-2010, 12:27 AM
kmly kmly d shklha gmda w ht7lwa mstnyaky

soso cute
13-09-2010, 01:50 AM
جــــــــــــــمــــــــــــــيــــــــــلــــــــ ـهـــــــــ
اخـــــــــــــــر
حــــــــــــــــــــــــــاجــــــــــــــهــــــ ـــــ
يـــــــلا
كـــــــــمـــــــــلـــــــــيــــــــ

sooosooo
13-09-2010, 03:08 AM
جميله يا سوسو تسلمى كملى يا قمر

Hamsa sense
13-09-2010, 03:23 AM
حلوه اوى كملى ياقمرى بسرعه

عاشقه ليس لها عنوان
13-09-2010, 04:19 AM
قصه جميله اوي يا قمر
وانا هتبعها معاكي ان شاء الله
وياريت لما تنزلي حلقات جديده تبقي تبعتيلي اللينك بتاعها اوك يا قمر

pr!nce$ & $o$o
13-09-2010, 02:01 PM
kmly kmly d shklha gmda w ht7lwa mstnyaky


جــــــــــــــمــــــــــــــيــــــــــلــــــــ ـهـــــــــ
اخـــــــــــــــر
حــــــــــــــــــــــــــاجــــــــــــــهــــــ ـــــ
يـــــــلا
كـــــــــمـــــــــلـــــــــيــــــــ
اوكى يا قمر بس بليل ان شاء الله

جميله يا سوسو تسلمى كملى يا قمر
اوكى يا جميل

حلوه اوى كملى ياقمرى بسرعه
بليل يا قمر ان شاء الله

قصه جميله اوي يا قمر
وانا هتبعها معاكي ان شاء الله
وياريت لما تنزلي حلقات جديده تبقي تبعتيلي اللينك بتاعها اوك يا قمر
ان شاء الله يا جميل ابقا ابعتلك اللينك


ميرسي كتير يا بنات على ردودكم

dianaa
13-09-2010, 03:35 PM
جميل اوي
يلا كمليها بسرعة

pr!nce$ & $o$o
13-09-2010, 05:12 PM
بليل يا قمر ان شاء الله هنزل الحلقة

rody_35
13-09-2010, 05:36 PM
جااااااااااااااااااااااااااااااااامدة ياسوسو
كملي

العسولة شوشو
13-09-2010, 06:38 PM
كملى كملى قصة حلوة اوى

pr!nce$ & $o$o
13-09-2010, 09:22 PM
جااااااااااااااااااااااااااااااااامدة ياسوسو
كملي


كملى كملى قصة حلوة اوى


اوكى يا قمرات
هنزل الحلقة حالا

pr!nce$ & $o$o
13-09-2010, 09:24 PM
الحلقة الثالثة


دخلت جنى حجرتها فى المدنية ( معاها فى الحجرتين بنتين منى وليلى )



منى : إنتى اتأخرتى النهاردة كدة ليه؟؟؟؟؟؟؟


جنى : أصل المحاضرات كانت كتير اوى النهاردة وكمان...........
http://files.fatakat.com/bigsmilies/mood24.gifhttp://files.fatakat.com/bigsmilies/mood24.gif


منى : وكمان إيه إتكلمى . سكتى ليه؟؟؟؟؟


جنى : مافيش يلا عاوزين حاجة أنا هنام
http://files.fatakat.com/bigsmilies/mood15.gifhttp://files.fatakat.com/bigsmilies/mood15.gif


ليلى : إيه يا بنتى مش هتقوليلى أخذتوا إيه فى المحاضرات النهاردة






جنى : أنا تعبانة وعاوزة أنام أريح شوية عشان أقوم أذاكر
http://files.fatakat.com/bigsmilies/mood24.gif





ليلى : ماشى يا جنى يعنى كدة
http://files.fatakat.com/bigsmilies/mood22.gif http://files.fatakat.com/bigsmilies/mood22.gif


جنى : وهوحد قالك تغيبى النهاردة ما كنت تيجى معى احسن


ليلى : إنت عارفة كويس إنى كنت تعبانة وأنت وعدتنى إنك هتشرحلى
http://files.fatakat.com/bigsmilies/mood22.gif



منى : ما خلاص بقى إشرحليها يا جنى
جنى : هو أنا قلت لا . هنام شوية وهقوم أشرحلك



( وظلت جنى تتقلب على السرير تحاول النوم ولكنها تتذكر كلام احمد جارها والذى كانت تلاحظ من زمان نظراته إليها أيام الثانوية ولكنها لم تعطى له أى إهتمام ولكنها تفكر ماذا تقول له عندما يتحدث معاها مرة أخرى ؟ )



صحيت جنى من النوم وشرحت لليلى اللى هى عاوزها ثم بدأت المذاكرة وبعدين نامت وصحيت اليوم الثانى,
ذهبت الجامعة هى وليلى وقضيت يومها بطريقة عادية ولكن لما طلعت وخلصت محاضراتها وخرجت من البوابة لقت اللى ينتظرها
ياترى ميــــــــــــــن؟؟؟؟؟؟؟؟؟؟؟؟؟




احمد : السلام عليكم جنى ممكن أتكلم معاكى شوية؟؟؟


جنى : وعليكم السلام هو إنت قاعد مدينة هنا !!!!!!!!
http://files.fatakat.com/bigsmilies/mood25.gif


أحمد : اه قاعد مدينة


جنى : خير فى حاجة!!!!!!!!!!


أحمد : فكرتى فى كلام إمبارح


جنى : لا . انا مشغولة بالمذاكرة ومش هفكر فى حاجة ولوسمحت سيبنى ومشت
http://files.fatakat.com/bigsmilies/mood19.gif http://files.fatakat.com/bigsmilies/mood19.gif


أحمد : جنى إستنى جنى


ولم تعطى جنى له أى إهتمام



جنى (فى سرها) أنا اللى غلطانة إنى واقفت المرة اللى فاتت أقعد معاه مفروض كنت أصده من أول مرة,
إستغفر الله العظيم يارب سامحينى
ليلى : مين ده يا جنى؟؟


جنى : ده أحمد جارى فى نفس الشارع فى كلية هندسة فى سنة ثالثة


ليلى : اه مع منى


جنى : اه
ليلى : وهو عاوز منك إيه ؟


جنى : مش عارفة قفلى على الموضوع ده أنا مخنوقة وعلى أخرى
http://files.fatakat.com/bigsmilies/mood21.gif http://files.fatakat.com/bigsmilies/mood21.gif


ليلى : ماشى ماشى أنا سكت أهوه


ذهبت ليلى وجنى إلى حجرتهم ولكن جنى كانت مخنوقة وعلى أخرها إزاى أحمد يجرؤ يعمل فيها كدة
ما كانت متوقعة منه هذه التصرفات



أحمد خلص كليته وفضل ماشى فى الشارع شوية يفكر ماذا يفعل ؟؟
فأحمد من النوع الشباب اللى تفكيرهم غير مستقر ولكنه محتار ماذا يفعل ؟



وأخيرااا ذهب إلى المدينة


أحمد : السلام عليكم ؟ إزيكو يا شباب


سامح : وعليكم السلام إيه يأحمد اتأخرت كدة ليه ؟
أيمن مخلص محاضراته من زمان وجاى من ساعتين
إنت كنت فين ؟؟




أحمد : ما كنتش . كنت بتمشى شوية وجيت أهوه
http://files.fatakat.com/bigsmilies/mood7.gif





سامح : إنت حالك مش عاجبنى كدة وانت لازم تشد حيلك شوية الإمتحانات قربت وانت يا أستاذ نايم على نفسك,
فوق شوية بقى مش كفاية الترم الأول تقديرك فيه مقبول


أحمد : إن شاء الله


http://files.fatakat.com/bigsmilies/mood22.gifhttp://files.fatakat.com/bigsmilies/mood22.gif




" أيمن زميل أحمد معاه فى نفس السنة "

pr!nce$ & $o$o
13-09-2010, 09:25 PM
عايزة اشوف الردود الجميلة بقا

beautiful angle
13-09-2010, 09:57 PM
بجد قصه حلوه ياسوسو كملى بقا فى انتظارك

Emo.Eman
13-09-2010, 10:13 PM
ميرسي ايسو ياحبي
جميلة مووووووووت كملى

فيروزية
13-09-2010, 11:04 PM
معندناش بنات تتردد اية ده خليكى جامدة زى القصة بتاعتك وكملى وميهمكيش

MooLeee
14-09-2010, 12:32 AM
كملى ياقمرى

انا جيت اهو وهتابع معاكى

بقى معاكى حد زياده

يلا بقى ههريكى زن

اسيـــــ خيالى ـــــره
14-09-2010, 12:52 AM
يلا يا عسل كملى مستنيك بس كنتى طولتيها شويه انتو بخله كده ليه ف موضوع القصص ده

passant
14-09-2010, 02:13 AM
كملي يلااااااااا بس نزلي كام حلقة كدة

Emo.Eman
14-09-2010, 08:53 AM
كملى ياحبي انا مستنياكى يلا
يا ايسووووووووو

CuTe RoRo
14-09-2010, 08:56 AM
l2 bgd lazm tkmlyha ya 2mr gamela

pr!nce$ & $o$o
14-09-2010, 05:32 PM
بجد قصه حلوه ياسوسو كملى بقا فى انتظارك


ميرسي ايسو ياحبي
جميلة مووووووووت كملى


معندناش بنات تتردد اية ده خليكى جامدة زى القصة بتاعتك وكملى وميهمكيش


كملى ياقمرى

انا جيت اهو وهتابع معاكى

بقى معاكى حد زياده

يلا بقى ههريكى زن


يلا يا عسل كملى مستنيك بس كنتى طولتيها شويه انتو بخله كده ليه ف موضوع القصص ده



كملي يلااااااااا بس نزلي كام حلقة كدة



كملى ياحبي انا مستنياكى يلا
يا ايسووووووووو



l2 bgd lazm tkmlyha ya 2mr gamela



اوكى يا قمرات هكمل دلوقتى
وانزل حلقة دلوقتى وحلقتين بليل
لان المداااااااااااااااااارس على الابواب
ومش هتشوفوا وشى الا كل خميس وجمعه بسسسسسسسسسسسسسسسسسس
دانا هدوخكوا
:d:d:d
;);)

pr!nce$ & $o$o
14-09-2010, 05:33 PM
الحلقة الرابعة


صحيت جنى من النوم هى وليلى


ليلى : يلا اجهزى عشان نروح الكلية.

جنى : لا أنا مش هروح النهاردة.

ليلى : ليه يا بنتى ؟؟؟


جنى : أنا تعبانة النهاردة أوووى ( ولكن ده مش السبب فكانت جنى خائفة جدا عشان أحمد ممكن يجى ثانى )

ليلى : ماشى بس أنت أشطر منى وسريعة عنى فى كتابة المحاضرات ورى الدكتور وانا مش بلحق أكتب وراه كله

جنى : إتصرفى يا ليلى إنقلى من أى أحد
http://files.fatakat.com/bigsmilies/mood21.gif http://files.fatakat.com/bigsmilies/mood21.gif


ليلى : ماشى وانت مالك متعصبة كدة ليه!!!!


جنى : ما فيش يلا روحى
http://files.fatakat.com/bigsmilies/mood15.gif http://files.fatakat.com/bigsmilies/mood15.gif


وذهبت ليلى إلى الكلية

جنى : منى إصحى يلا هتتأخرى على الكلية


منى : أنا تعبانة أووى ومش هقدر أروح النهاردة ومش هنأخذ حاجة مهمة النهاردة


جنى : قومى يا بنتى روحى أنا على الاقل لو فادتنى حاجة مهمة ليلى هتشرحلى
اما أنت مفيش


منى : إزاى يعنى!!! ما لى صحاب إنت نسيتى يا دكتورة البنات اللى فى الأوضة اللى جبنا فيهم لمياء
بنت جدعة أووى وإن شاء الله لما ترجع هروحلها وهأنقل اللى أخذوه


جنى : اه صدقى انا نسيتها هى ما عدتش بتيجى ليه تقعد معانا فى الأوضة؟؟؟


منى : تقريبا كان عندهم ظروف فى البلد عشان كدة كانت قاعدة هناك كام يوم..


جنى : واللى فاتها هتعمل فى إيه ؟
http://files.fatakat.com/bigsmilies/mood25.gif http://files.fatakat.com/bigsmilies/mood25.gif


منى : أكيد هتتصرف
قوليلى بقى مالك من إمبارح كدة مخنوقة ومزاجك مش مظبوط


جنى : مافيش
http://files.fatakat.com/bigsmilies/mood15.gif


منى : ما فيش إيه!!!!!! دا أنا صحبتك وعارفاكى كويس..


جنى : والله يا منى أنا مخنوقة أووى وحاسة إنى تايهة .
الزمن ده صعب أووى


منى : خير يا حبيبتى؟؟ إحكى مالك


جنى : أنا حاسة إنى أغضبت ربنا
http://files.fatakat.com/bigsmilies/mood15.gif

منى : إزاى يعنى!!!!!!!
http://files.fatakat.com/bigsmilies/mood25.gifhttp://files.fatakat.com/bigsmilies/mood25.gif

وحكت جنى لمنى على تصرفات أحمد وأنها ندمانة إنها واقفت تقعد معاها

منى : بصى يا جنى إحنا كلنا بنغلط أهم حاجة نعرف غلطنا إيه
ولازم تكونى قوية كدة إحنا فى كلية مختلطة وإنتى ممكن تتعرضى لأى موقف زى ده


جنى : إنتى عارفة كويس إنى عمرى ما أسمح لنفسى إنى امشى مع أحد أو اكلم احد
http://files.fatakat.com/bigsmilies/mood19.gif

منى : أنا واثقة فى أخلاقك يا جنى أنا مش قصدى أنا قصدى إنتى لازم تعرفى إنك هتتعرضى لمواقف زى دى كتير ولازم تحكمى عقلك وشوفى هتصرفى إزاى؟؟؟؟


جنى : أنا والله يا منى هجنن من الزمن الغريب ده
لازم كل بنت قبل الزاوج تكون حبت ومشت وكلمت والمشكلة إنك لو ما حبيتى ومشتى وكلمتى
تبقى بنت معقدة نفسيا
دا انا يا بنتى أيام الثانوية دى شوفت مواهب كنت كل يوم بنام وأنا مرعوبة على نفسى
من الزمن ده
http://files.fatakat.com/bigsmilies/mood23.gif http://files.fatakat.com/bigsmilies/mood23.gif

منى : عندك حق والله بس نعمل إيه؟؟
لازم نقوى إيمانا ونتوكل على الله فى كل أمورنا


جنى : يارب

منى : هو بصراحة يا جنى السنة اللى فادت أحمد حاول يتكلم معى
وأنا كنت مضايقة على اخرى بس هو قالى انا بجد عاوزة أشورك فى موضوع مهم وكدة
والمهم قالى لو فى بنت ملتزمة وعاوز أعبرها عن إعجابى بيها أعمل إيه
سعتها انا كنت لسة طبعا ما اعرف إنتوا جيران ولا أعرف مين البنت دى
قولتله أى بنت ملتزمة مش هترضى بكدة
هتكزن عاوزة الدخول المباشر تروح تتقدم لأهلها
وبعدين مشيت علطول ومش أعطته فرصة للكلام لأنى مش ينفع لو أعطته فرصة ففى شباب تانيين هيفتكرونى
بقى بنت عادية وممكن اقبل الصداقة والكلام الفارغ ده


جنى : ما دام أنتى قولتيله كدة امال حاول يكلمنى ليه!!!!!!
http://files.fatakat.com/bigsmilies/mood15.gif http://files.fatakat.com/bigsmilies/mood15.gif

منى : ياجنى الشيطان ما بيسيب الانسان فى حاله مادام إيمانه ضعيف
وأكيد هو كان بيقوام والشيطان سيطر عليه
وخلى بالك إنه عمره ما يقدر يتقدم حالا وهو لسة طالب لو بيحبك بجد زى ما بيقول


جنى : أنا مش شغلة نفسى بالموضوع ده نهائى والحمد لله


منى : ربنا يثبتك يا حبيبتى ويحمينا جمعيا ويسترنا

جنى : امين يارب


رجعت ليلى من الكلية


ليلى : السلام عليكم يا بنات


جنى : وعليكم السلام إيه الأخبار ؟


ليلى : المحاضرات كانت بسيطة النهاردة
هشرحلك بس هنام شوية الأول


جنى : ماشى


منى : وأنا هروح للمياء والبنات فى الأوضة اللى جبنا


جنى : ماشى


وظلت جنى بمفردها تذاكر
وفجأة المحمول يرن
إيه ده رقم غريب
يا ترا مين ؟؟
http://files.fatakat.com/bigsmilies/mood25.gif http://files.fatakat.com/bigsmilies/mood25.gif

يا ترا مين على التليفون ؟؟




هنعرف الحلقة الجاية

pr!nce$ & $o$o
14-09-2010, 09:35 PM
مش هنزل الحقتين غير لما الاقى 3 ردود على الاقل
انا قولتلكوا اهو
:p:p:p:p:p:p
مستنية ال3 ردود
;);)

اسيـــــ خيالى ـــــره
14-09-2010, 09:44 PM
طيب يا ستى انا هكتبلك 3 ردود انا هعيط منك كده

اسيـــــ خيالى ـــــره
14-09-2010, 09:44 PM
يلا يااا عسل كملى

اسيـــــ خيالى ـــــره
14-09-2010, 09:45 PM
ها شوفتى بقء انا شطوره ازاى 3 ردود اهو كملى القصه لانها جديده من نوعها

pr!nce$ & $o$o
14-09-2010, 10:12 PM
ميرسي يا اسيرة خيالى على ردك الجميل
بس انا مش هتنازل عن ال3 ردود
يلا بسرعة بل ما ازرودهم الضعف

العسولة شوشو
14-09-2010, 10:26 PM
ياللا يا حبيبتى كملى

العسولة شوشو
14-09-2010, 10:26 PM
ياللا كملى يا عسل القصة حلوة اوى

pr!nce$ & $o$o
14-09-2010, 11:43 PM
اوكى انا هنزل الحلقتين دلوقتى علشان انتوا صبتوا عليا
هههههههههههههههههههههههههههههههههههههههه
علشان تعرفوا انا حنينة قد اية بس

pr!nce$ & $o$o
14-09-2010, 11:47 PM
وادى الحلقة الخامسة
اى خدعة

الحلقة الخامسة



المتصل : السلام عليكم إزيك ؟


جنى : وعليكم السلام مين معى ؟
http://files.fatakat.com/bigsmilies/mood25.gif


المتصل : أنا أحمد


جنى : أحمد مين!!!!!!!!
http://files.fatakat.com/bigsmilies/mood25.gif


أحمد : أنتى نستينى أنا أحمد جارك


جنى : اه اسفة هو أنت جبت رقمى منين ؟
http://files.fatakat.com/bigsmilies/mood24.gif


أحمد : أصل أنا جتلك النهاردة الكلية وما لقيتك بس لقيت صحبتك اللى بتمشى معاكى سألتها عليكى؟؟؟؟
قالت تعبانة شوية فقلقت,
سألتها على نمرة موبيلك عشان أطمن عليك ؟


جنى : وهى إزاى تديهالك من غير إذنى!!!!!!!
ماشى ياليلى
http://files.fatakat.com/bigsmilies/mood19.gif


أحمد : جنى أنا أتحيلت عليها وبجد هى ما كانت عاوزة خالص تديهالى بس أنا ضغطت عليها عشان تديهالى .


جنى : والله!!
ماشى يا بشمهندس عاوز إيه دلوقتى ؟
http://files.fatakat.com/bigsmilies/mood8.gif


أحمد : مش عاوز بس كنت بطمن عليك وكنت عاوز أقولك ألف سلامة


جنى : صدق إنت بتستعبط وأنا بجد إتخنقت منك
http://files.fatakat.com/bigsmilies/mood8.gif


احمد : ليه كل ده عشان إتصلت أطمن عليك
http://files.fatakat.com/bigsmilies/mood25.gif


جنى : إفهم يأستاذ لو سمحت إنت بتكلم واحدة محترمة ما لهاش فى الشغل ده


احمد : خلاص خلاص أنا قلقت عليك بس وكنت عاوز أطمن


جنى : ماشى شكرا...
فى حاجة ثانية؟؟؟؟


أحمد : مافيش.....
شكلك مضايقة ومش هعرف أكلمك فأنا هقفل أحسن


جنى : ياريت مع السلامة
http://files.fatakat.com/bigsmilies/mood19.gif


أحمد : مع السلامة


وظلت جنى مستغربة من تصرفات أحمد فهى كانت دائما تنظر له أخ فقط وكانت تظن


أنه متلزم اكثر من ذلك ولكن ظنها شكله مش فى محله


وبعد دقائق وهى تذاكر لقت رسالة تفتح الموبيل برده من رقم غريب نظرت إلى الرقم


اللى إتصل بيه أحمد وإلى رقم الرسالة لقيته هوهو


تقرأ الرسالة
( جنى أنا اسف جدا إنى بضيقق بس إنتى مش مدينى فرصة أكلمك بس أقسم بالله أنا
بحبك حب لا يعلمه إلا الله ودائما بنظر إليك بإنك إنسانة رقيقة وهادية وكمان محترمة
وملتزمة وكنت نفسى من زمان أكلمك بس كنت خائف وفى نفس الوقت قولت أكلمك بصفتى إيه
وكنت متأكد من رد فعلك بس أنا عاوزك بس تقوليلى إنك بتحبينى أو على الأقل عاوزانى ومستعدة تنتظرينى ولا لا أنا مش هتصل ثانى ولا هجيلك بس ياريت تردى على بعد
ما تفكرى . منتظرك ) بحبك
قرأت جنى الرسالة ونظرت بإستغراب وتفكيرها بدأ يتشدت ومش عارفة تذاكر .
http://files.fatakat.com/bigsmilies/mood25.gif




قامت ليلى من النوم


ليلى : يلا يا جنى عشان هشرحلك بس هأكل حاجة على السريع الأول


جنى : إنت إزاى تعطى نمرتى لحد من غير إذنى
http://files.fatakat.com/bigsmilies/mood19.gif


ليلى : والله يا جنى أنا ما رضيت خالص بس هو كان مصمم وبصراحة صعب على
http://files.fatakat.com/bigsmilies/mood22.gif


جنى : والله!!!!!!!!!!!
ما يصعب عليك غالى تعرفى يا ليلى أنت لو كررتى الحكاية دى ثانى هيكون اخر كلام بينى وبينك
http://files.fatakat.com/bigsmilies/mood21.gif


ليلى : فى إيه عشان كل ده أنا عملت إيه قولتلك اسفة وكمان ضغط على, أعملك إيه يعنى وكمان هو جالك مرتين وإنتى إتكلمتى معاه يعنى عارفاه يعنى أنا ما أعطت رقمك لحد غريب .
http://files.fatakat.com/bigsmilies/mood19.gif


جنى : أنا كلمته يا ليلى وإنت عارفة كويس إنى ما أعطته وش
http://files.fatakat.com/bigsmilies/mood15.gif


ليلى : خلاص يا جنى انا ماليش دعوة بيكى وشكرا
http://files.fatakat.com/bigsmilies/mood19.gif


جنى : يعنى تعملى المصيبة وتسكتى
http://files.fatakat.com/bigsmilies/mood21.gif


ليلى : بجد إنت إنسانة غريبة قولتلك اسفة يا بنتى مافيش فايدة فيكى


جنى : والله ..................
اسفة تعملى إيه دلوقتى وأنت عارفة إنه هيشتغلنى وكل شوية هيرن ويتصل ويقرفنى أنا
http://files.fatakat.com/bigsmilies/mood8.gif


ليلى : أنا ما كنت اعرف إنك مش طيقاه كدة بس هو شكله بيحبك بجد داأنا يا بنتى
لما قولتله إنك بس تعبانة شوية حسيت إن شخص ثانى قدامى
وقعد يسألنى مالها وحاسة بإيه وحسيت إنه أبوكى وخايف عليكى
جنى : الله أعلم بنيته


ليلى : كل ده والله أعلم


جنى : إسكتى بقى وقفلى على الموضوع أنا اتخنقت
http://files.fatakat.com/bigsmilies/mood19.gif


منى دخلت عليهم فى إيه ؟




بتزعقوا كدة ليه صوتكم واصل لبرة فى إيه ؟


ليلى : أنا هحكيلك وإحكمى أنا غلطانة ولا لا


جنى : ما تحكيش حاجة وتكبرى الموضوع, الموضوع إنتهى


ليلى : يعنى أنا اللى بكبره دلوقتى ما أنتى من ساعتها مكبره وهو مش مستاهل كل ده


جنى : خلاص يا ليلى أنا أعصابى تعبانة دلوقتى واسفة إذ كنت إتعصبت عليك بس بجد حسوا بى لما تلاقى واحد فجأة ظهر فى حياتك وقاعد يظهر لك كل شوية وبيقولك انا
بحبك ونفسى تكونى زوجة صالحة لى والكلام ده تعملى إيه ؟
منى : خلاص إهدى يا جنى فكرى بهدوء وشوفى لو كلمك ثانى هتقوليله إيه ؟


ليلى : بس بصراحة هو شكله بيحبك بجد


جنى : ربنا يسهل دعواتكم


منى : هدعيلك يا جنى إن ربنا يرشدك لطريق الصح ويبعد عنك كل إنسان وحش


ليلى : وأنا هدعيلك إنك تحبيه وتجوزيه


جنى : صدقى إنتى شكلك عاوزة تنضربى


ليلى : ههههههه أنا بهزر


جنى : ماشى يارخمة قومى كلى عشان تشرحيلى


ليلى : ماشى ما تيجوا ننزل نتعشى ونأخذ الوجبة بتعدنا


منى : ماشى يلا


جنى : ماشى يلا هلبس وننزل






ونزلوا جمعيا ولما طلعوا لقت جنى تليفونها يرن وبرده رقم غريب


يا ترا مين ؟؟؟


احمد برده بس أحمد وعدها إنه ما هيتصل أكيد حد ثانى


يلا مع الحلقة الجاية هنشوف مين الحد ده أحمد ولا مين ؟؟


وهنشوف جنى هتصرف إزاى فى موضوع احمد ؟؟؟



فى الحلقة الجايـــــــــــــة

pr!nce$ & $o$o
15-09-2010, 01:14 AM
ودى كمان حلقة
عايزة اشوف ردودكم الجميلة بقا
مش الى تدخل تقرا وتمشي
:@ :@ :@


الحلقة السادسة




جنى : يا ترا مين???
احمد برده!!!!!!!!!!


منى : إيه يا بنتى إنتى قولتى إنه وعدك مش هيتصل ثانى
http://files.fatakat.com/bigsmilies/mood25.gif


ليلى : ردى وهنعرف مين



المتصل : السلام عليكم إزيك يا قمر ؟



جنى : وعليكم السلام مين معى ؟



المتصل : إخص عليك يا جنى لحقتى تنسى صوتى



جنى : اه حبيبة إزيك عاملة إيه ؟



حبيبة : الحمد لله يا وحشة



جنى : أنا اسفة والله ياحبيية بس إنت عارفة المذاكرة بقى ودماغى مش مركزة


حبيبة : سماح المره دى إنت عاملة إيه ؟


جنى : الحمد لله وإنتى؟


حبيبة : الحمد لله .....
والله يا جنى أنا خايفة مووووت من الإمتحانات
http://files.fatakat.com/bigsmilies/mood15.gif


جنى : لا ما تخافى أهم حاجة تعملى اللى عليكى وتذاكرى كويس عشان أيام الإمتحانات
تحلى إختبارات وبس


حبيبة : إن شاء الله دعواتك


جنى : ماشى يا قمر إن شاء الله هدعيلك ولو عوزتى أى حاجة قوليلى


حبيبة : إن شاء الله


جنى : حبيبة هو إنتى جبتى رقمى منين؟؟؟
http://files.fatakat.com/bigsmilies/mood25.gif


حبيبة : اه جبته من أختك سهيلة


جنى : ماشى يلا سلام عشان تروحى تذاكرى


حبيبة : ماشى يا عسل عاوزة حاجة


جنى : عاوزة سلامتك مع السلامة


حبيبة : مع السلامة


منى : مين دى


جنى : دى أخت أحمد أصغر منه ب3 سنين فى 3 ثانوى


ليلى : ربنا يعينها أصعب حاجة أيام الثانوية


جنى : لا والله ما فيش أصعب من الكلية


منى : عندك حق والله يا جنى ربنا يعينا


جنى : يلا قوموا ذاكروا شوية قبل ما نام


منى : على فكرة بكرة الاربعاء أنا هروح الخميس عشان بجد أهلى وحشونى


ليلى : وأنا كمان


جنى : وانا هروح بكرة هرجع من الكلية وأجهز نفسى وأمشى


منى : بس إنتى كدة هتوصلى البلد فى وقت متأخر


جنى : لا ما أنا هحاول أمشى قبل المغرب وهوصل على هناك الساعة 11 كدة


ليلى : بس كدة متأخر أووى


جنى : ما أنا هركب القطار السريع يعنى هوصل على 10 أو 9 كمان


منى : ربنا يوصلك بالسلامة خلى بالك من نفسك أنا بسمع بلاوى كتير بتحصل


فى القطار السريع



جنى : ربنا يستر


منى : وهترجعى إمتى ؟


جنى : يوم الجمعة ان شاء الله.
وإنتوا ؟


ليلى : أنا هرجع يوم السبت.
وإنتى يا منى؟


منى : أنا هرجع لوحدى يعنى؟
أكيد يوم السبت معاكى


منى وليلى من نفس البلد



جنى : يعنى هرجع قبلكم زى كل مرة


منى : إنتى هتطلعى إمتى من البيت يوم الجمعة


جنى : تبع التساهيل هتغذى وأمشى ان شاء الله.


منى : ماشى إتصلى بى لما ترجعى وطمنينى بوصولك


جنى : إن شاء الله يلا أنا تعبانة أوى هقوم أنام مش هقدر أذاكر


ليلى : لا أنا هذاكر شوية


منى : وأنا كمان


ليلى : جنى إنتى نسيتى اللى هشرحولك


جنى : اه ماشى يلا إشرحلى عشان اذاكره وأنام



وظلوا جمعيا مستمرين فى المذاكرة
وبدأ اليوم الثانى وقضيت جنى يومها هى وليلى فى الكلية عادى ثم ذهبوا إلى المدينة
أما منى فعليها محاضرات كثيرة


منى : أخيرا خلصت محاضرات


لمياء : الحمد لله كان يوم مكثف النهاردة


منى : اه إفتكرت دا جنى هتمشى حالا لازم أروح أسلم عليها قبل ما تمشى


لمياء : ماشى يلا بسرعة وسلميلى عليها


وتمشى منى بسرعة ولكن ينادى عليها شخص ما
ياترى مين ؟


أحمد : السلام عليكم إزيك يا منى ؟


منى : وعليكم السلام إزيك ياأحمد ؟


احمد : الحمد لله منى ممكن لوسمحتى أخذ الكشكول بتاعك بتاع محاضرات الدكتور مصطفى أصل مش معايه محاضرات كثير له


منى : ماشى إتفضل بس ياريت تخلصه فى أسرع وقت


أحمد : إن شاء الله


منى : واه بالحق ممكن تعطيه لجنى هى جارتك برده


أحمد : اه انت تعرفيها منين


منى : هى قاعدة معى فى المدينة فى نفس الأوضة
هى هتنزل البلد النهاردة وهترجع يوم الجمعة فياريت تديهولها قبل ما ترجع


احمد : إن شاء الله وأنا كمان همشى النهاردة
وجنى عاملة إيه ؟


منى : الحمد لله يلا بقى أنا همشى عشان ألحق أسلم عليها


أحمد : ماشى سلام


وذهبت منى إلى المدينة وسلمت على جنى وذهبت جنى إلى المحطة
وركبت القطار السريع
ولكن سوف يحدث لها شىء ما
يا ترا ما هو ؟؟
ويا ترا إيه اللى هيحصل ؟؟



كل ده هنعرفه الحلقة الجاية

Emo.Eman
15-09-2010, 02:05 AM
القصة دي جامدة جدا ميرسي ياسوسو
تسلم ايدك ياقلبى

Emo.Eman
15-09-2010, 02:15 AM
كملى ياموزتي

pr!nce$ & $o$o
15-09-2010, 08:59 PM
الحلقة السابعة

جلست جنى فى القطار على المقعد ولكن القطار كان زحمة جدا
ورأت جنى رجلا عجوزا يقف فقامت من مكانها وطلبت منه أن يجلس وهى تقوم فجأة التليفون رن


منى : السلام عليكم إيه يا جنى إنتى فين دلوقتى

جنى : انا فى القطار


منى : خلى بالك من نفسك

جنى : إن شاء الله


وفجأة وهى واقفة تلاقى اللى يغلس عليها وشخص اخر ينظر إليها
نظرات غريبة ( فقد كان شابان يريدان سرق شنطتها فأتفقا أن أحدهما يغلس عليها والاخر يسرق شنطتها ويجرى )


جنى: إلحقونى

فقد كان أحمد وسامح فى هذا الوقت موجودين معاها فى القطار بس كانوا يجلسوا بعيدا


سامح : فى إيه ؟ إيه الصريخ ده ؟

أحمد : خلينا فى حالنا مالناش دعوة باحد

سامح : يعنى إزاى ما لناش دعوة باحد أنا هقوم أشوف فى إيه ؟

أحمد : قوم وإرجع قولى

سامح : إيه ده دى جنى اللى هنالك دى وحاوليها ناس كتير

أحمد : ليه فى إيه
http://files.fatakat.com/bigsmilies/mood25.gif

سامح : أنا هروح اشوف فى إيه ؟

أحمد : وانا جاى معاك

سامح : السلام عليكم..
إيه فى إيه يا جنى ؟


جنى : واحد سرق شنطتى
http://files.fatakat.com/bigsmilies/mood12.gif

سامح : إزاى سرقها والناس كتير كدة

أحمد : وهو فين دلوقتى

جنى : فى واحد جرى وراه ما لحقهوش نط من الباب
http://files.fatakat.com/bigsmilies/mood12.gif

سامح : معلشى إهدى حصل خير

احمد : إنتى تعرفى الشخص ده

جنى : هعرفه منين يعنى واحد حرامى
http://files.fatakat.com/bigsmilies/mood12.gif

أحمد : قصدى شوفتيه قبل كدة مثلا

جنى : لا
http://files.fatakat.com/bigsmilies/mood12.gif

سامح : هى الشنطة كان فيها كام ؟

جنى : يعنى مش مبلغ كبير أوى 100جنية و فكة يجى 30 جنية
http://files.fatakat.com/bigsmilies/mood22.gif

احمد : والموبيل فين

جنى : الموبيل!!!!!!!
إستنى أشوف كدة
لا الحمد لله فى جيبى

احمد : بصى فى مكان أمامنا تعالى أقعدى عشان ما يحصلشى حاجة ثانية

سامح : تعالى فى مكان فاضى وجنبه بنات

وذهبت جنى معاهم وهى حاسة بإخراج شديد جدا
فليس معاها مال نهائى دلوقتى ولا تعرف ماذا تفعل عندما تنزل من القطار لسة هتركب مواصلات داخلية

جنى : انا مش عارفة هعمل إيه دلوقتى

احمد : فى إيه ؟

جنى : مفيش حاجة وسكتت


نظر أحمد إليها وكان يفهم ماذا تريد أن تقول ؟
ونزلوا من القطار وجنى محتارة مش عارفة تعمل إيه ؟


سامح : هو إنتى راحة فين ؟

جنى : راحة فين يعنى؟؟؟؟
مروحة

احمد : يعنى معانا يلا إمشى قدامنا

جنى : لا ما أنا هتصل بسهيلة وهى هتقابلنى عند موقف العربيات
http://files.fatakat.com/bigsmilies/mood18.gif

سامح : يعنى ده ينفع يا جنى تكونى مع رجالة وتقولى كدة

جنى : ما أنا عارفة أنتوا رجالة أمال أنتوا إيه

أحمد : امال إيه يا دكتورة


جنى : أنا مش عاوزة أتعبكم معى
http://files.fatakat.com/bigsmilies/mood15.gif

سامح : تعب إيه بس ما إحنا مروحين إحنا كمان يلا

احمد : خلاص سيبها على راحتها بلاش عشان ما نضيقها

سامح : بس ما ينفعش يأحمد
بصى يا جنى أنا عندى حل كويس
أنا عارف إنك مكسوفة تركبى معانا العربية وعموما فده راحتك الشخصية فهنركبك تكتك وإحنا هنركب تكتك وهنمشى وراكى عشان نطمن وصولك بسلامة

جنى : ماشى
http://files.fatakat.com/bigsmilies/mood18.gif



وركبت جنى وركب سامح واحمد


وفجأة


تنظر جنى ما تلاقى التكتك اللى راكبين فيه احمد وسامح


وفجأة


تنظر وراها تلاقى ............







الحلقة الجاية


هنشوف جنى هتلاقى إيه ؟؟


وإيه اللى هيحصل ؟؟

MooLeee
15-09-2010, 09:21 PM
لقت ايه لقت ايه

... هــــــــــــــــــا
قولى يلا


لقت ايه

passant
15-09-2010, 11:32 PM
yla kmly kmly 3iza 23rf l2t eh yla mtt25rish

Emo.Eman
16-09-2010, 03:28 AM
يلا ياسوسو كملى قبل المداااارس

Princess Noor
16-09-2010, 08:09 PM
يلا يا اسراء هاتي الحلقه التامنه بسرعه قبل الدراسه يابنتي بس ابقي ابعتيلي اللينك على الملف الشخصي علشان انا بنسى خالص والله وميرسي على كلامك اللي انا لسه شايفاه دلوقتي هههه انا مبسوطه ان اسمك زي اسمي علشان مانساهوش ههه بس اوعي تنزلي الحلقه وماتقليليش هضربك

اسيـــــ خيالى ـــــره
16-09-2010, 08:46 PM
لقوا ايه قولى بسرعه بالله عليكى فعلا حاولى تكملى القصه قبل الدراسه ان اه مش طالبه بس مدرسه وهبقء الوضع مزدحم جدا

princess A
16-09-2010, 09:14 PM
كمليها بسرعه جميله اوووووي

تحياتي لمن دمر حياتي
16-09-2010, 10:59 PM
يلا يااااعسل بسررررررعه كمليها يلالالالالا تحمست كثير

xx.Sad NaNoO.xx
17-09-2010, 01:35 AM
حلوووووووووه اوووي ياا سكرره
ويلا بسررعه كملي مستنيااكي

pr!nce$ & $o$o
17-09-2010, 02:09 AM
الحلقة الثامنة



تنظر جنى تلاقى عربية خبطت التكتك والتكتك مقلوب وأغمى على أحمد وسامح والسواق





تتصل بإلاسعاف بسرعة





وصلت الإسعاف وركبت معاهم





فى المستشفى






الدكتور يقول للممرضة : بسرعة إعمليلهم أشعة على المخ





جنى : فى إيه يا دكتور ؟





الدكتور : خير إن شاء الله





جنى : أمال إيه الأشعة دى





الدكتور : ده بس عشان نطمن





جنى : وحالتهم إيه دلوقتى





الدكتور : بصراحة الأستاذ أحمد نزف كتير ومحتاج لنقل دم ضرورى أما سامح فجرحه بسيط وذراعه انكسر





جنى : وأحمد فصيلته إيه يا دكتور ؟





الدكتور : فصيلته o والمشكلة إن الفصيلة دى بتوجد بقلة





جنى : أنا فصيلتى كدة





الدكتور : بسرعة تعالى يلا نعملك التحاليل عشان تتبرعى بالدم






وذهبت جنى وطلعت التحاليل سليمة وتبرعت بالدم





وقامت بإلاتصال بأهل أحمد وسامح






جنى : إيه يادكتور إيه الاخبار

الدكتور : سامح هيخرج على بكرة إن شاء الله أما أحمد فبعد يومين وكمان إكتشفنا كسر فى رجله





جنى : لا حول ولا قوة إلا بالله
http://files.fatakat.com/bigsmilies/mood22.gif





الدكتور : إحمدى ربنا إنها جات على قد كدة الحادثة كانت جامدة





جنى : الحمد لله رب العالمين اه بالحق والسواق يا دكتور

الدكتور : حالة السواق بيتبعها الدكتور جمال هو فى الاوضه اللى هناك دى






تدخل جنى على الدكتور جمال






جنى : السلام عليكم يا دكتور





الدكتور جمال : جنى ! وعليكم السلام إزيك يا جنى ؟

جنى : الحمد لله إزيك يا دكتور جمال هو حالة السواق عاملة إيه ؟





الدكتور : بتاع الحادثة اللى حصلت دلوقتى





جنى : اه





الدكتور : بصراحة الحادثة كانت جامدة وكمان السواق كان فى الوش والزجاج كله
وقع عليه فده سببله نزيف شديد فى المخ وحالته متأخرة جدا





جنى : لاحول ولا قوة إلا بالله العلى العظيم
إن لله وإن إليه راجعون
http://files.fatakat.com/bigsmilies/mood22.gif http://files.fatakat.com/bigsmilies/mood22.gif





الدكتور : بس إنتى إيه علاقتك بالحادثة وإيه اللى جابك هنا ؟

جنى : هبقى أقولك بعدين أهم حاجة دلوقتى عاوزة أشوف حاجات السواق وأحمد وسامح





الدكتور : اه ماهى فى واحد جابها وحطها فى الأمانات لما يجوا أهلهم هيستلمهم





جنى : بس أنا عاوزة أشوف لو كان لسواق موبيل عشان أعرف نمرة أهله وأتصل بيهم

الدكتور : ما أنا عملت كدة وإتصلت بيهم وزمانهم جايين فى الطريق





الدكتور : شكل أهل المرضى جاءوا أنا هروح أطمنهم





جنى : ماشى يا دكتور وأنا جاية مع حضرتك





أبو أحمد وسامح إسمه فتحى
وأمهم إسمها سامية






الحاج فتحى : فى إيه يا جنى إيه اللى حصل ؟





جنى : خير يا عمو ما تقلق وإحنا مروحين حصلت حادثة بسيطة وإن شاء الله خير





الدكتور جمال : ما تقلق ياحاج

بالنسبة لسامح فإن شاء الله هيخرج بكرة الصبح وهو عنده كسر بسيط فى إيديه

أما أحمد فيومين كدة وهيخرج وعنده كسر فى رجليه





الحاجة سامية : ليه يا دكتور هو أحمد ماله ؟
http://files.fatakat.com/bigsmilies/mood11.gif





الدكتور : ما تقلقيش والله بس هو لازم يقعد معانا يومين عشان هو نزف كتير ومحتاج يعوض نزيفه بمحاليل وكدة





الأم : لا إله إلا الله إسترها يارب
http://files.fatakat.com/bigsmilies/mood12.gif

الدكتور : ما تقلقيش يا حاجة دا شىء طبيعى ولو مش مطمنة روحى اسألى الدكتور

محمد هو متابع حالتهم أنا متابع حالة السواق





جنى : ما تقلقيش يا طنط أنا اطمنت عليهم من الدكتور محمد





الحاج فتحى : وهى حالة السواق عاملة إيه دلوقتى ؟





الدكتور جمال : حالته متأخرة إدعوله





الحاجة سامية : ما ينفع نشوف أحمد وسامح دلوقتى يا دكتور





الدكتور جمال : اسألوا الدكتور محمد هو هناك أهوه





وذهبوا لدكتور محمد





الدكتور جمال : جنى الوقت إتأخر مش هتروحى بقى





جنى : ماشى بس هروح أطمن عليهم وأروح

الدكتور جمال : ماشى أنا منتظرك فى الاوضة عشان أوصلك





جنى : ماشى






( الدكتور جمال خطيب سهيلة أخت جنى وهيجوزوا قريب إن شاء الله )






يلا الحلقة الجاية هنشوف إيه اللى هيحصل ؟؟

pr!nce$ & $o$o
17-09-2010, 02:12 AM
الحلقة التاسعة



الحاجة سامية: إيه ياحبيبى مالكم إيه اللى حصل؟ إحكولى





جنى: ياطنط هم بخير قدامك أهوه ما تقلقيش


الأم:امال يا جنى الدكتور بيقول احمد هيخرج بعد يومين ليه


جنى: يا طنط احمد نزف كتير وكان محتاج نقل دم وبصراحة المشكلة إن فصيلته وجودها قليل


الأم:وهو فصيلته إيه يا بنتى وإحنا نتصرف


جنى: يا طنط ما خلاص هو بقى كويس دلوقتى خلاص هو كان محتاج كيس دم بس وهو لازم يفضل هنا يومين عشان المحاليل وكدة


الأم: يا حبييى ربنا يسترها ويقوموا بسلامة


سامح: يأمى ما تقلقى أنا خلاص هخرج بكرة وهنبقى كويسين وده كسر بسيط


الأم: إنت الكسر فى إيديك ووراك إمتحانات قريب هتعمل إيه؟ وأحمد الكسر فى رجله هيمشى إزاى


الأب: لا حول ولا قوة إلا بالله فى إيه يا حاجة سيبى أمرك على ربنا

هو قادر على كل شىء براحة شوية ما ينفعش كدة احمدى ربك إنهم موجودين قدامك


الأم: الحمد لله


جنى: ما تقلقيش يا طنط أنا هبقى أجى أطمن عليهم وبالنسبة للمحاليل بتاعة أحمد لو يا ستى انتى مش عاوزة يفضل هنا أنا ممكن أكلم الدكتور ونركبله المحاليل فى البيت بس أنا أفضل وجوده هنا أحسن عشان الراعية هنا أكبر


الأم: لا يا بنتى خلاص الحمد لله


جنى: أيوة كدة لازم تكونى قوية


الأب: الحمد لله يا بنتى ربنا يستر بس إنت ما حكتيلنا إيه اللى حصل ؟


جنى: مافيش يا عمو أنا كنت راكبة القطار مع أحمد وسامح المهم الشنطة بتاعتى إتسرقت سامح صمم أروح معاهم فركبونى تكتك وركبوا تكتك وراى وفجأة بنظر وراية لقيت التكتك مقلوب وعربية مخبوطة فيه والحمد لله إنها جات على قد كده


الأب: الحمد لله يلا يا جنى إنتى عشان إتأخرتى أهلك زمانهم قلقانين عليكى خالص


جنى:ماشى يا عمو يلا عاوزين حاجة


احمد: جنى لو سمحتى ياريد يوم الجمعة تأخذى كشكول من حبيبة أختى وأعطيه لمنى زميلتك أصل كنت واخذه منها عشان أنقل المحاضرات بس شكلى مش هلحق


جنى:لا إن شاء الله هتلحق وكمان إنت هتطلع يوم الجمعة وأنا قررت أسافر يوم السبت عشان تلحق تنقله


أحمد:ماشى شكرا


جنى:ألف سلامة عليكوا إنتوا الأثنين ويا عمو لو إحتجتوا أى حاجة إتصلوا بى يلا مع السلامة


احمد:هو إنتى هتروحى لوحدك استنى بابا يوصلك


الأب:اه استنى يا بنتى معلشى مش واخذ بالى


جنى:لا يا عمو ما تتعب نفسك الدكتور جمال هيوصلنى


احمد:مين الدكتور جمال ده
http://files.fatakat.com/bigsmilies/mood19.gif

جنى:خطيب سهيلة


احمد:اه ماشى يلا ياحبيبة قومى إنتى بقى وكمان ماما عشان تروحوا تناموا


الأم: لا يا بنى أنا هفضل جنبكوا هنا


الأب: روحى إنتى يا جنى عشان ما تتأخرى


جنى:ماشى سلام


الأب : يلا يا حاجة قومى أنتى وحبيبة وأنا هقعد جنبهم شوية وأقوم أحصلكوا


الأم: لا يا حاج هنمشى معاك


احمد: ربنا يخليكم لينا يارب وما يحرمنا منكم


الأب: وانتوا كمان يا حبيبى



دخل الدكتور: كيف حالكم يا شباب ؟


سامح: الحمد لله يادكتور


احمد: الحمد لله هو انت الدكتور جمال


الدكتور:لا أنا الدكتور محمد الدكتور جمال مشى عشان يوصل الانسة جنى


احمد:اه دكتور هو ما ينفع أخرج بكرة مع سامح


الدكتور محمد: هو ممكن ينفع بس أنا هفضل وجودك هنا أحسن عشان المحاليل وكمان الكسر بتاعك صعب شوية عن سامح


الأم:يعنى إيه يا دكتور


الدكتور:ما تقلقيش يا حاجة خير إن شاء الله


الأب:شكرا يا دكتور على إهتمامك


الدكتور:لا شكر على واجب الدكتورة جنى موصية عليكم جامد وما شاء الله عليها رغم إنها مش فى كلية طب بس كانت بإستمرار فى الأجازة تيجى تتعلم بعض الحاجات


احمد:هو مين يا دكتور اللى تبرع بكيس الدم


الدكتور:جنى خطيبتك


احمد: جنى خطيبة مين
http://files.fatakat.com/bigsmilies/mood25.gif


الأب: جنى مش خطيبة احمد يا دكتور



الدكتور: امال إيه أصل مهتمية بكم ما شاء الله



الأم :هى بنت جادعة ومخلصة ربنا يخليها لأهلها هى جارتنا يادكتور




الدكتور: ربنا يدوم المحبة بينكم




الكل:اميييين




احمد: بس كيس دم مش كتير يا دكتور على بنت



الدكتور: هى ممكن تعوض ده بشرب السوائل وكده يعنى




احمد:ربنا يستر

( وكان احمد يتكلم مع نفسه خائفا على جنى )




الدكتور:أنتوا ممكن تروحوا وتسيبهم يرتاحوا




سامح:يلا يا بابا قوم أنت وماما وحبيبة




احمد:لو سمحت يا يابابا ممكن تجيبلنا الموبيلات




الدكتور:الحاجات فى الأمانات ممكن تستلمهم دلوقتى بس ربنا يستر وما يكون الموبيلات اتكسرت


والدهم استلم الأمانات وطلعت سليمة والحمد لله نوى احمد الإتصال بجنى لكى يشكرها على تبرعها بالدم




سامح:أنت هتتصل بمين




احمد:بجنى




سامح:ليه حاسس بحاجة ننادى الدكتور




احمد:لا عاوز أشكرها على تبرعها بالدم




سامح:إنت عبيط يااحمد ممكن تزعل هى معتبرانا إخواتها الكبار وكمان دا موقف عادى ممكن تعمله مع أى أحد وكمان الوقت إتأخر كل دى أسباب تخليك ما تتصل




احمد:عندك حق
( وكان احمد يتحدث مع نفسه المجروحة بأنه يحب جنى حبا شديدا ولكنها تعامله أخا فقط )


إسم أم جنى ( نادية ) وإسم أبوها ( حسن )




وقامت جنى من النوم




الحاجة نادية: يلا يا جنى قومى إفطرى وبعد العصر هنروح أنا وانت نزور احمد وسامح




جنى:لا معلشى ياماما روحى انتى ما ينفع أروح




الأم:ليه يا بنتى




جنى:أنا قمت بالواجب إمبارح وكمان أنا تعبانة أووى عاوزة أقعد فى البيت أرتاح




الأم:ماشى يا جنى أخذ أختك سهيلة وعلى الأقل هيكون جمال هناك ويطمنا




جنى:ماشى يا ماما

(وظلت جنى تفكر ماذا تفعل مع احمد فرفضت الخروج مع أمها حتى لا ترى احمد لانها تلاحظ منه نظرة تعذبها ولا تدرى لها حلا )




سهيلة: إيه يا جنى مالك سرحانة ليه ؟




جنى:مفيش أنا هقوم أصلى ركعتين الضحى قبل ما الظهر يأذن




سهيلة:ماشى




الأم:هى جنى فين ؟




سهيلة:فى الحمام بس إتأخرت أووى




الأم:هروح أشوفها كده




الأم:إلحقنى يا سهيلة




سهيلةتقوم بفزع وتجرى



فى الحلقة الجاية




يا ترا إيه اللى هيحصل ؟؟

pr!nce$ & $o$o
17-09-2010, 02:16 AM
الدكتور جمال : بتقولى فى إيه ؟ خلاص إهدى يا سهيلة أنا جاى أهوه



احمد : خير يا دكتور فى حاجة



الدكتور : خير إن شاء الله أنا هنادى لدكتور محمد يطمن عليك ويطمن على سامح قبل الخروج وانا مضطر أمشى حالا



الأب : ماشى يا دكتور بسلامة



احمد : بابا أنا حاسس إنى فى حاجة



الأب : يا بنى إحنا ما لناش دعوة



احمد : بابا هو كان بيكلم سهيلة اخت جنى يعنى فى حاجة فى بيتهم



الأم : لما يجى يا حبيبى نبقى نطمن فى إيه



الأب : بس دى خصوصيات وما لنا ندخل فيها



سامح : عندك حق يابابا بس ممكن يكون حد تعبان عندهم



احمد : أنا عندى إحساس إن فى حاجة



سامح : خلاص يأحمد هنبقى نشوف بعدين



مالك ؟؟



(وكان يهمس احمد فى سره بأنه قلق جدا على جنى )



حبيبة : السلام عليكم إزيك يااحمد ازيك يا سامح ؟؟



الأب : إيه اللى جابك ما احنا قاعدين هنا اهوه معاهم



حبيبة : قولت أطمن عليهم وأمشى علطول



احمد : خلى بالك من مذكرتك الإمتحانات قربت



سامح : عاوزينك تدخلى طب إن شاء الله



حبيبة : لا أنا عاوزة أدخل صيدلة عشان أكون مع جنى



احمد : ههههههه يادلوعة أمك أنتى



سامح : وليه يعنى ؟



حبيبة : عشان لو احتجت حاجة تساعدينى



احمد : بتاعة مصلحة انتى



الدكتور محمد : السلام عليكم كيفكم ياشباب ؟؟



احمد : الحمد لله......
دكتور هو سامح هيخرج دلوقتى ولا إيه ؟



الدكتور : هنشوف كدة وربنا يسهل



سامح : هو السواق حالته عاملة إيه دلوقتى



الدكتور : للأسف الحالة كانت خاطرة جدا البقاء لله



الأب : لاحول ولا قوة إلا بالله



الأم : إن لله وإن إليه راجعون ربنا يصبر أهله يارب



الجميع : ااامين



احمد : اه بالحق يا دكتور الدكتور جمال مشى فجأة كدة هو فى حاجة ؟



الدكتور : شكل الانسة جنى أخت خطيبته تعبانة شوية



احمد : أنا قلتلكم أنا حاسس إن فى حاجة



حبيبة : عشان كدة شوفت الدكتور جمال عندهم



احمد : ماما ما تقومى كدة إتصلى بيهم وإطمنى عليهم



الأب : يا بنى الدكتور لما يجى نعرف منه ممكن يكون حبة تعب خفاف



ونقلقهم على الفاضى بإتصالنا




( سكت احمد ولكن كان فنفسه يتصل بيها ويطمن عليها بس



وعدها إنه مش هيتصل خالص بيها ولا هيكلمها فى الموضوع ده ثانى )




الدكتور : خلاص تقدروا تأخذوا سامح دلوقتى اما احمد فعلى بكرة إن شاء الله بس



تبع حالته يعنى ممكن يستنى كمان يومين معانا



الأب : ماشى يا دكتور شكرا



الأم : ماشى يأبوسامح روح أنت مع سامح وانا هفضل مع احمد هنا



الأب : ماشى ياحاجة يلا يا سامح قوم يا حبيبى



هاد إيديك أسنتك



سامح : ماشى يا بابا يلا يا حبيبة معانا



حبيبة : ماشى



وذهبوا الثلاثة إلى البيت وفجأة وهم قاعدين يسمعوا صوت غريب




يا ترا إيه الصوت ده ؟


وياترا جنى مالها ؟


وياترا إيه اللى هيحصل ؟




هنعرف كل ده فى الحلقة الجاية

pr!nce$ & $o$o
17-09-2010, 02:22 AM
انا نزلت 3 حلقات دلوقتى
وهنزل 3 بكرة ان شاء الله
علشان المدارس
الى هيدخل يقرا ومش هيرد هيشوف شغله معايا انا بقولكوا اهو من اولها

beautiful angle
17-09-2010, 03:15 AM
تسلمى ياسوسو ياجميل على الحلقات الحلوه ده ومستنينك بكره اوعى تتاخرى ماشى

pr!nce$ & $o$o
17-09-2010, 05:39 PM
الحلقة الحادى عشر











الدكتور: هى فاقدة الوعى يا سهيلة وأنا مش عارف إيه السبب




سهيلة: إسترها يارب بسرعة ننقلها المستشفى




اتصلوا بالإسعاف




حبيبة: إيه الصوت الغريب ده




الأب: قومى وشوفى من البلكونة




حبيبة: إلحق يابابا دا إسعاف شكلها جاى عند جنى




الأب:إسترها يارب خليكى مع أخوكى سامح وأنا هنزل أشوف فى إيه ؟




الحاج فتحى:إيه يا سهيلة يا بنتى فى إيه ؟




سهيلة:والله يا عمو ما نعرف فجأة لقينا جنى واقعة وفقدة الوعى




الحاج فتحى:لا حول ولا قوة إلا بالله يلا يا سهيلة إركبى بسرعة معاها




حبيبة: فى إيه يابابا ؟




الأب: دا جنى تعبانة وهينقلوها المستشفى




حبيبة: لا حول ولا قوة إلا بالله




الأب: أنا هلبس وأروح المستشفى أحصلهم ممكن يحتاجوا حاجة




حبيبة: ماشى يا بابا وابقى طمنا




الدكتور محمد: إيه يا دكتورجمال خير فى إيه ؟




الدكتورجمال: والله يادكتور هى فاقدة الوعى بقالها نصف ساعة ومش عارفين نفوقها




الدكتورمحمد: ما تقلقش خير




وبعد فتره فاقت جنى




الأم ( أم جنى ):إيه يادكتور مالها




الدكتورمحمد: هى باين كانت عندها هبوط ودوخة ووقعت على دماغها والمنطقة اللى وقعت فيها على دماغها سببتلها فقد وعى




سهيلة:يعنى إيه يا جمال هى عاملة إيه دلوقتى




الدكتورجمال: هتبقى كويسة ما تقلقوش إدخلولها




الحاج فتحى: خير يا دكتور إيه أخبار جنى ؟




الدكتور: خير إن شاء الله هتبقى كويسة إدعولها




الحاج فتحى: السلام عليكم يأم سهيلة




الحاجة نادية: وعليكم السلام إزيك يأبو سامح




الحاج فتحى: الحمد لله خير




الحاجة نادية: خير إن شاء الله




جنى: إقعد يا عمو




الحاج فتحى: كدة يابنتى وقعت قلبنا




سهيلة:والله يا عمو أنا كنت هموت من الخوف عليها




جنى:هو إيه اللى حصل




سهيلة:مفروض إحنا اللى نسألك




جنى:أنا اخر حاجة فاكرها إنى كنت فى الحمام وفجأة دوخت ووقعت




الأم:الحمد لله يا بنتى إنها جات على قد كدة




الحاج فتحى:الحمد لله ماشى أنا رايح بقى عند احمد عاوزين حاجة




سهيلة:عاوزين سلامتك يا عمو




الحاج فتحى:السلام عليكم




الحاجة سامية:وعليكم السلام إيه يأبوسامح إنت لحقت تروح وتيجى




الأب:أنا روحت بس جيت أطمن على جنى




احمد: خير يابابا مالها جنى


http://files.fatakat.com/bigsmilies/mood25.gif



الأب: خير يا بنى إن شاء الله هى وقعت فجأة وفقدت الوعى ونقلوها المستشفى




الأم:وهى عاملة إيه دلوقتى




الأب:الحمد لله كويسة




احمد: بابا انا ممكن أتكلم معاك شوية




الأم:وأنا بقى أروح فين




احمد:لا وأنتى كمان ياست الكل طبعا




الأب: خير ياحمد إتكلم يا حبيبى



احمد:بابا أنا بصراحة عاوز أخطب
http://files.fatakat.com/bigsmilies/mood15.gif



الأب: إيه تخطب !
http://files.fatakat.com/bigsmilies/mood25.gif



الأم:إيه يااحمد الكلام ده أنت لسة صغير


الأب: وخير بقى إيه اللى جاب الفكرة دى فى دماغك


احمد: يابابا أنا عارف إنى لسة صغير بس أنا تعبان تعبان اوى


الأم:من إيه ياحبيبى


احمد: ياماما أنا معجب بوحدة وبحبها حب لا يعلمه إلا الله وخايف تروح منى


وممكن يتقدم لها أى احد وتوافق


الأب: ومين دى بقى وحبتها إمتى ؟
http://files.fatakat.com/bigsmilies/mood19.gif



احمد: اقول بس ما تزعق
http://files.fatakat.com/bigsmilies/mood15.gif



الأم: قول ياحمد وما تخاف


احمد: جنى جارتنا


الأب: صدق إنت ولد عاوز الضرب وشكلك كدة إتعبط


احمد: ليه يعنى أنا قولت إيه
http://files.fatakat.com/bigsmilies/mood15.gif



الأب: إنت عارف كويس إنت مستقبلك طويل لسة يعنى لسة سنتين لغاية ما تتخرج وكمان لسة لغاية ما تجهز نفسك


احمد:يا بابا أنا هخطبها وبعد كدة يحلها الحلال


الأب: تخطبها وتقعدها جنبك 5 سنين أو اكثر


الأم:براحة يا حاج عليه


الأب:هو إيه اللى براحة هو الكلام ده فىه تهريج


احمد:يابابا مانا أعمل إيه يعنى ما هى ممكن تضيع منى سعتها مش هجوز خالص


الأم:ما تقولش كدة يأحمد ياحبيبى الجواز ده قسمة ونصيب ولو هى من نصيبك فهى محجوزالك عند ربنا وعمرها ما هتروح منك


الأب:عنك ما اتجوزت وكمان حب إيه ده
الإنسان المتزن بيحب بإتزان ولازم يؤمن بكل شىء إنت لو بتحبها فأنت لازم تتمنلها الخير وتعرف إنها ممكن فى ثانية تتخطب لأى احد


احمد:يا بابا عشان خاطرى ما تقولشى الكلام ده أنا بخاف


الأب:إنت أكيد إتهبلت أنا مش عاوز كلام فى الموضوع ده ثانى ماشى


الأم:ماشى ياحاج خلاص إهدى


احمد:شايفة ياماما بابا بيعاملنى إزاى ؟
http://files.fatakat.com/bigsmilies/mood15.gif



الأم:يأحمد يا حبيبى كلامك برده يجنن أنت عارف إن مستقبلك لسه طويل وكمان لسة سامح أخوك يا حبيبى المواضيع دى لازم الإنسان يفكر فيها بعقل, الحب مش كفاية فى زمنا ده


احمد:هو إيه اللى بقى فى زمنا ده كل حاجة حلوة راحت ما عدشى غير الهم والحزن
http://files.fatakat.com/bigsmilies/mood15.gif



الأم:إيه اليأس ده يأحمد سيب أمرك على ربنا ربنا كبير ولو هى نصيبك صدقنى مش هتروح وخلى إيمانك قوى ولازم تعرف إن إلتزامك وإيمانك هما اللى هحببو فيك الناس صدقنى يا حبيبى ولو أنت ما قدرت تجهز نفسك هى ممكن توافق عليك عشان إلتزامك


وأخلاقك بس إوعى ياأحمد تحاول تكلمها فى الموضوع ده أنا عارفك دماغك طايشة وممكن تعملها البنت الملتزمة ما تحبش كدة


احمد:أنا بصراحة عملت كدة وهى صددنى
http://files.fatakat.com/bigsmilies/mood18.gif



الأم:أنا كنت متاكدة إن فى حاجة الله يسامحك يأحمد بس سبحان الله البنت طلعت عاقلة ما بانش عليها يوم الحادثة أى شىء


احمد: لانها معتبرانى أخوها وبس
http://files.fatakat.com/bigsmilies/mood19.gif



الأم:ههههههههه وأنت زعلان على فكرة هى ممكن تكون عاوزاك أكثر من انت تكون


عاوزها بس هى بنت ذكية وعاقلة بتغلى نفسها عشان لما تيجى تتقدملها تشوف مدى حبك لها


احمد: بجد يا ماما
http://files.fatakat.com/bigsmilies/mood0.gif


الأم:الله أعلم أنا بقول ممكن وخليك عاقل كدة وعاوزاك يكون إيمانك


وثقتك بربنا قوية يأحمد ياحبيبى دائما ثق بالله. لو أنت أطاعته


وعملت اللى عليك عمره ما هيخذلك أبدا ولو هى مش نصيبك ربنا هيعوضك غيرها وممكن كمان احسن منها


احمد: إدعيلى يأمى إن ربنا يهدينى ويصلح أحوالى ويحقق مراضى


الأم: إن شاء الله يا حبيبى أنا هقوم بقى أشوف أبوك راح فين وأطمن على جنى


احمد:وطمنينى معاك


الأم: ما فيش فايدة فيك أبوك لو سمعك ممكن يطلع عينك
اعقل بقى ياحمد


احمد:ما انا عاقل اهوه امال انا مجنون
http://files.fatakat.com/bigsmilies/mood21.gif



الأم:أنا همشى من هنا أحسن ما يجيلى نقطه منك


احمد:ماشى يا قمر


الأم:ماشى يا مغلبنى


يا ترا إيه اللى هيحصل فى موضوع احمد وجنى ؟؟؟


ويا ترا هيكونوا من نصيب بعض أم لا ؟؟؟؟




هنعرف كل ده فى الحلقات الجاية

pr!nce$ & $o$o
17-09-2010, 05:41 PM
الحلقة الثانية عشر









دخلت أم أحمد عند جنى




الحاجة سامية : السلام عليكم ألف سلامة ياجنى




جنى : وعليكم السلام الله يسلمك يا طنط




الحاجة نادية : وأحمد عامل إيه دلوقتى يأم سامح




الحاجة سامية : الحمد لله ربنا يسهل كدة وممكن يخرج النهاردة امال جنى هتخرج إمتى ؟؟




الحاجة نادية : إن شاء الله لسة هنسأل الدكتور




الدكتورجمال : السلام عليكم




الحاجة نادية : وعليكم السلام يا دكتور




الدكتورجمال : إيه أخبار الدكتورة جنى ؟




جنى : الحمد لله يا دكتور




الدكتور : الحمد لله على فكرة إنتى تقدرى تروحى النهاردة بس بشرط لازم راحة تامة النهاردة وبكرة




جنى : بجد يا دكتور الحمد لله




الدكتور : يلا جهزوا حالكم . سهيلة ممكن تيجى عاوزك شوية




سهيلة : ماشى جاية أهوه




الأم : خير يا بنتى عاوزك فى إيه ؟




سهيلة : معرفشى ياماما لسة هشوف




إيه يا جمال فى إيه ؟




الدكتورجمال : خير ما تقلقى أنا إن شاء الله كدة خلصت تشطيب الشقة وإن شاء الله



يبقى كدة لسة العفش شوفى بقى عشان ننزل نشتريه




سهيلة : ماشى هكلم ماما وبابا هكلمه على النت وأشوف كدة ربنا يسهل




جمال : ومين اللى هيجى معانا وإحنا بنشترى




سهيلة : إن شاء الله بابا هيكون نزل




جمال : إيه يا سهيلة هو إحنا بنلعب بقالك شهرين كل شوية تقوليلى بابا زمانه نازل




سهيلة : لا إن شاء الله دى اخر مرة وأكيد هينزل اخر الشهر ده




جمال : أما نشوف ربنا يسهل




سهيلة : أنا هروح لماما




جمال : ماشى ما تنسيش الموضوع




سهيلة : ده موضوع ما يتنساش




جمال : سلام وقوليلى لما تكلمى باباكى




سهيلة : إن شاء الله




الأم : خير يا سهيلة كان عاوزك ليه ؟




سهيلة : هبقى أقولك بعدين ياماما يلا




وذهبوا إلى البيت جمعيا وذهب أهل أحمد إلى البيت برده

pr!nce$ & $o$o
17-09-2010, 05:42 PM
الحلقة الرابعة عشر









وعدت الأيام




الحاجة نادية : الحمد لله كدة خلصنا من تجهيز سهيلة عقبال جنى يارب


الحاج حسن : إن شاء الله ربنا كريم


........


سهيلة : طبعا فرحى هيكون إسلامى ما فيهوش إختلاط


جنى : أكيد يا سهيلة إنتى كلمتى جمال فى الموضوع ده


سهيلة : اه كلمته بس حاسة إنه متردد


جنى : إزاى يعنى ؟


سهيلة : حاسيت إنه عاوز يقولى حاجة بس خايف


جنى : خايف من إيه ؟


سهيلة : مش عارفة
ربنا يسهل كدة وهكلمه ثانى


.........


سهيلة : إيه يا جمال حجزت النادى


جمال : اه حجزته...............
سهيلة فى موضوع كدة عاوز أكلمك فيه


سهيلة : إتفضل


جمال : هو طبعا الفرح مش هيبقى مختلط


سهيلة : طبعا


جمال : بس أهلى رافضين المبدأ ده


سهيلة : إزاى يعنى ؟


جمال : إنتى عارفة إن أهلى مش ملتزمين وعادى بالنسبة لهم


سهيلة : وأنت ليه ما حاولتش توصلهم وجهة نظرك


جمال : حاولت بس مصممين


سهيلة : جمال أنا عمرى ما هعمل فرح مختلط ويبقى فيه المسخرة اللى بشوفها فى الأفراح دى


جمال : بصى فى حل كويس هو مش هيبقى مختلط بس الأغانى هتبقى عادية


سهيلة : لا طبعا دا مش حل كويس عاوزنى أشغل فى فرحى اللى هيكون ليلة واحدة فى العمر وما هتتعوض العنب العنب والكلام الأهبل ده


جمال : أنا طبعا مش موافق وأنت عارفة كدة كويس بس أعمل إيه أهلى هيزعلوا جامد


سهيلة : بص كدة فهمهم إن الأناشيد هتبقى جميلة جدا وكمان أنا محضرة حبة أناشيد روعة يعنى مش هنزهقهم


جمال : حاولت وما عرفت قالولى مش هتكون أول ابن لينا ونعمل فرح سكيتى


سهيلة : سكيتى !
http://files.fatakat.com/bigsmilies/mood25.gif
خلاص ياجمال سيبها على ربك إدعى ربنا وربنا يسهل


جمال : أنا هصلى ركعتين قيام النهاردة إن ربنا يهدى أهلى كدة وما يعملوا مشاكل


سهيلة : وأنا كمان هصلى وربنا يستر


...........




جمال : عشان خاطرى يابابا وافق أنا مش عاوز أرتكب سئيات فى اليوم ده الله يخليك وافق


الأب : وإحنا هنرتكب سيئات ليه يعنى


جمال : طبعا هنرتكب مجرد إن الفرح يكون مختلط يعنى نساء على رجالة وشباب على بنات يعنى هيكون الشياطين حضره الفرح معانا


الأب : ليه يعنى
http://files.fatakat.com/bigsmilies/mood25.gif

جمال : بابا ياحبيبى الأغانى بتجلب الشياطين وكمان خلى بالك إحنا فى مجتمع مش ناقص الأفراح المختلطة بيبقى فيها رقص بنات على صبيان ومسخرة والله يا بابا زى ما احنا بنشوف


الأب : خلاص يا جمال اعمل اللى شايفه صح


جمال : ربنا يخليك ياحبيبى يارب وما يحرمنى منك







يوم الفرح



جنى قاعدة على التربيزة


منى : الف مبروك يا جنى عقبالك


جنى : الله يبارك فيكى يا منى عقبالك إنتى


ليلى : عقبالكم كلكم


جنى : تعرفوا أنا علطول بدعى إن ربنا يرزقنى بزوج صالح وأهله يكونوا طيبين


منى : امين يارب بس تعرفى يا جنى ما بتكمل العريس لو كويس أهله سعات ما بيكنوش كويسين


ليلى : مش شرط ولو زى ما بتقولى فده بيبقى إبتلاء من الله وبيختبر الإنسان ده


جنى : يلا نقوم نرقص العروسة يلا


البنات : يلاااااااا


وإنتهى الفرح


...........



جنى : إيه يا ماما الزغاريط دى


الأم : شكل نتيجة الثانوية بانت


جنى : اه دا أنا نسيت خالص وما تعرفى حبيبة عاملة إيه ؟؟


الأم : لا أنا هروح أبارك لهم


جنى : أنا هروح معاكى عشان أشوف حبيبة عملت إيه ؟


........


الحاجة نادية :السلام عليكم الف مبروك ياأم سامح


الحاجة سامية : الله يبارك فيكى


جنى : هى حبيبة فين يا طنط


الحاجة سامية : شكلها جوه فى الأوضة إدخللها


جنى : قاعدة مع حد


الحاجة سامية : باين يا بنتى معاها زملائها


حبيبة : مين ؟ إدخل


جنى : السلام عليكم إزيك يا حبيبة ؟


حبيبة : وعليكم السلام إزيك يا جنى ؟ عاملة إيه ؟


جنى : الحمد لله ألف مبروك يا حبيبة


حبيبة : الله يبارك فيكى تعرفى أنا جبت كام


جنى : كام ؟؟؟؟


حبيبة : 97,3%

http://files.fatakat.com/bigsmilies/mood0.gif http://files.fatakat.com/bigsmilies/mood0.gif
جنى : الف مبروك


حبيبة : سبحان الله كنت متوقعة إن هجيب المجموع ده


جنى : يعنى إنتى زعلانة ولا فرحانة


حبيبة : أنا على نفسى فرحانة لأن ده نصيب والحمد لله المشكلة فى أهلى كانوا فنفسهم أجيب 98 عشان ألحق طب


جنى : الحمد لله شاء الله وما قدر فعل


حبيبة : الحمد لله


جنى : والتنسيق هيظهر إمتى ؟؟


حبيبة : كمان أسبوع كدة


جنى : تبقى تطمنى


حبيبة : إن شاء الله


الباب بيخبط


حبيبة : مين


: أنا أحمد يا حبيبة


حبيبة : ثوانى ياجماعة


إيه يأحمد ؟


احمد : بتقولك ماما مش هتطلعى تسلمى على الناس اللى برة


حبيبة : ماشى هطلع أهوه


احمد : أنا سامع صوت جنى هى جوه


حبيبة : اه ليه


احمد : ما فيش بسأل


حبيبة : ماشى يلا هوينا عشان أطلع البنات من الأوضة


احمد : ماشى


حبيبة : تعالوا يا بنات نقعد برة


جنى : يلا ياماما نمشى


حبيبة : إيه ياجنى مستعجلة ليه ؟ إقعدى شوية


جنى : ماشى عشان خاطرك بس


احمد : سامح أنا عاوز أطلع برة


سامح : ليه ؟


احمد : عاوز أشوف جنى عملت إيه فى النتيجة ؟


سامح : والله !!!!!!!!
نادى أختك تسألها يأستاذ


احمد : ما أنا عاوز أشوفها


سامح : تعرف يأحمد أنا نفسى أعرف إنت عبيط ولا بتستهبل


احمد : ليه يعنى عملت إيه ؟


سامح : يا بنى لازم تعرف إن جنى دى بنت ملتزمة


احمد : ما أنا عارف


سامح : أحمد ما ينفع كدة فكر بعقلك ربنا يهديك يارب


احمد : يارب امين


سامح : احمد أيمن على التليفون تعال كلمه


احمد : السلام عليكم إزيك يأحمد ؟


أحمد : الحمد لله


أيمن : إيه أختك عملت إيه ؟؟


أحمد : الحمد لله جابت 97,3%


ايمن : الف مبروك


احمد : الله يبارك فيك


أيمن : أنا عاوز أجى ازوك لانك واحشتنى


احمد : وانت اكثر والله ماشى تنور يا معلم إمتى ؟


أيمن : يوم الثلاثاء إن شاء الله حلو


احمد : اه حلو ماشى تنور


ايمن : ماشى يلا السلام عليكم


احمد : وعليكم السلام .. منتظرك



يا ترا مستقبل هؤلاء الشباب هيبقى عامل إزاى ؟؟


ويا ترا حبيبة هتقبل كلية إيه ؟ صيدلة زى ما هى عاوزة ولا لا ؟؟


ويا ترا أحمد ماذا يفعل فى موضوعه ؟؟



كل ده هنعرفه فى الحلقات الجاية

pr!nce$ & $o$o
17-09-2010, 05:43 PM
الحلقة الخامسة عشر












أحمد : منور يأيمن



أيمن : دا نورك



أحمد : إيه أخبارك ؟



أيمن : الحمد لله وأنت أخبارك إيه ؟



أحمد : والله يأيمن أنا محتاجلك أووى
إدعيلى



أيمن : خير يأحمد مالك ؟



أحمد : أنا تعبان فى موضوع جنى ده تعبان أووى سعات بعمل بكلام ماما وبدعى كتير لما بصلى إنها تكون من نصيبى بس سعات لما بقعد لوحدى الاقى الشيطان شغال فى دماغى وهى إيه يعنى لما تكلمها لغاية لما تخطبها لسة بدرى لغاية ما تخطبها والكلام ده بس هى أصلا مش مديالى فرصة أكلمها خالص



أيمن : وهى لو كانت خلتك تكلمها وتصحبها بقى وتخرجوا وتتفسحوا والكلام ده كنت هترضى تتجوزها فى الاخر ماظنش , عارف ليه



أحمد : ليه



أيمن : لأن أى ولد فينا مشى مع بنت وإتكلم معاها عمره ما هيجوزها ولو إتجوزها هيكون جواز فاشل أبسط مشكلة هتحصل بينهم هيقولها وأنا إيه اللى طمنى إنك ما تكونى مشيتى مع أحد ثانى قبلى والكلام ده



أحمد : بس جنى محترجة وملتزمة وأنا عمرى ما أشك فيها



أيمن : هههههه الشيطان شاطر ياأحمد

عموما لازم تعرف إن الشيطان بيسيب الإنسان العاصى ليه بقى عشان خلاص عارف إنه غرقان فى معصية الله ويروح للإنسان المذبذب اللى إيمانه ضعيف عشان يسيطر عليه وما يخليه يتقدم خطوة للأمام إحنا دورنا إيه بقى دورنا إننا نقوى إيمانا ونقوى صلتنا بربنا



أحمد : بحاول والله



أيمن : أنا معاك وهنحاول مع بعض وبالنسبة لموضوع جنى أنا عندى فكرة



أحمد : قول



أيمن : هى عندها أخ صح



أحمد : اه



ايمن : كلمه وعارفه وقوله على كل اللى فى قلبك



أحمد : وهو هيعمل إيه ؟



أيمن : على الأقل هيكلم أخته ويشوفها لو عندها قبول من نحيتك خلاص كدة الموضوع منتهى



أحمد : إزاى يعنى ؟



ايمن : يعنى لما يتقدم لها أى شخص اخر أكيد هيرفوضه لغاية ما تتقدم أنت



أحمد : بس ياأيمن أهلها أكيد مش هيقعدوها جنبهم وبزاد هى اللى عليها الدور



أيمن : سيبها على ربنا وما تفكر كتير أهم حاجة تعمل اللى عليك



أحمد : إن شاء الله



حبيبة : إيه يااحمد بتنادى على ليه وزميلك هنا



أحمد : لا أيمن مشى
حبيبة أنا عاوز منك مساعدة



حبيبة : مساعدة إيه ؟



أحمد : عايزك تجيبلى إيميل أخو جنى



حبيبة : يوسف



أحمد : هو فى غيره



حبيبة : لا............
ليه؟؟؟



أحمد : هو كل ما أطلب منك حاجة تقوليلى ليه ؟



حبيبة : خلاص ما تزعقش إفرض سألتنى



أحمد : قوليلها سامح عاوزه عشان يسأله على حاجة



حبيبة : ماشى يا بشمهندس

.......................

أحمد : عاملتى إيه ؟



حبيبة : إتفضل الإيميل أهوه



أحمد : شكرا ياحبيبة



حبيبة : هى ماما فين ؟



أحمد : مش عارف باين على السطح



حبيبة : أصل جنى خطوبتها بعد أسبوع



أحمد : بتقولى إيه ؟؟
http://files.fatakat.com/bigsmilies/mood25.gif


حبيبة : بقول اللى سمعته



ووقع أحمد على الأرض مغما عليه



حبيبة : أحمد فى إيه ؟ مالك يأحمد رد على



ماماااااااااا بابااااااااا إلحقونى

http://files.fatakat.com/bigsmilies/mood12.gif http://files.fatakat.com/bigsmilies/mood12.gif



يا ترا إيه موضوع خطوبة جنى دى ؟؟



ويا ترا هل أحمد من نصيب جنى ؟؟




كل ده هنعرفه فى الحلقات الجاية

pr!nce$ & $o$o
17-09-2010, 05:45 PM
اى خدمه مدلعاكوا على الاخر اهو
عايزة اشوف احلى ردود بقا
دول 5 حلقات مرة واحدة
ومش ان فى قبلهم غير رد واحد

Princess Noor
17-09-2010, 08:22 PM
ياجااااااااااااااااااااااااااااامد تسلم ايدك ياست الكل بس انتي ليه مانزلتيش عشرة خلينا نخلص قبل الدراسه بقى انا حبيت القصه اوي كمليها بسرعه ياجميل وانا انزلك ردود زي مانتي عايزة ههههه

Princess Noor
17-09-2010, 08:27 PM
http://files.fatakat.com/2010/1/1262981129.gif

Princess Noor
17-09-2010, 08:29 PM
http://4upz.almsloob.com/uploads/images/www.almsloob.com-7040438209.gif

Princess Noor
17-09-2010, 08:34 PM
http://files.fatakat.com/2009/3/1237963347.gif

Manour
17-09-2010, 08:39 PM
يا لهوووووووووووووووووووووووووووووى اتخطبت ليه كده:s
ربنا يصبرك يا أحمد ويصبرنا احنا كمان
اهئ اهئ اهئ اهئ اهئ
حرام عليكى يا سوسو كده تعلقينا
كملى بسرعة ربنا يخليكى

اسيـــــ خيالى ـــــره
17-09-2010, 08:52 PM
كملى بسرعه بالله عليكى البت هتتخطب والوااااااااد هيروح فيييييييييييييييييييييييييييين

SaD G!RL
18-09-2010, 09:29 AM
حلووووووة اوووووووووووى
يلا كملي

عاشقه ليس لها عنوان
19-09-2010, 04:59 AM
جميله اوي القصه يا قمر

كملي انا متبعاكي

شقاوة أنثى
19-09-2010, 06:06 AM
إستمــري ..... إستمــري,,,,,

مشكـــوووووووره
لا تحـرمينــا مـن جـديـدك ومفيـدك
لكـي منـي جـزيــل الشكــر والتقـديــر

تقبلـي ودي قبـل ردي

مـع تحيــآآتـي / شقاوة أنثى .....

passant
20-09-2010, 12:21 AM
gmila ya amr yla kmly bsor3aaaaa

اسيـــــ خيالى ـــــره
21-09-2010, 12:48 AM
انتى يا بنتى روحتى فين تعالى كملى القصه شوقتينا ده انا هقرب احلم بيها هههههههههههههههههههههههه

pr!nce$ & $o$o
23-09-2010, 10:57 PM
سورى يا جماعه على التاخير
بس والله مش كنت بدخل نت خااااااااااااااااااااالص
هكمل دلوقتى
:زفاف:
الحلقة السادسة عشر











الحاج فتحى : إيه اللى حصل ياحبيبة ؟



حبيبة : ما فيش يابابا كنا بنتكلم وفجأة أغمى عليه



الأم : قوم ياأحمد ياحبيبى
http://files.fatakat.com/bigsmilies/mood12.gif



الأب: هاتى الكلنية أو بصلة بسرعة


...........................

وفاق أحمد



الاب: مالك يأحمد ؟ حاسس بإيه ؟



أحمد : مافيش يابابا دوخت بس



الأب : ماشى يا بنى نام شوية وإرتاح

...........................



وخرج الجميع



الأم : إنتوا كنتوا بتكلموا فى إيه ياحبيبة ؟



حبيبة : ما فيش ياماما كنا بنكلم عادى......
اه بالحق ياماما نسيت أقولك جنى بنت طنط نادية خطوبتها بعد أسبوع



الأم : إيه خطوبة مييين ؟؟
http://files.fatakat.com/bigsmilies/mood25.gif



حبيبة : هو فى إيه إنت وأحمد مستعجبين كدة ليه ؟



الأم : وأنتى قولتى لأحمد
http://files.fatakat.com/bigsmilies/mood15.gif



جنى : اه يا ماما



الأم : صدقى إنتى غبية



حبيبة : فى إيه ياماما غبية ليه
http://files.fatakat.com/bigsmilies/mood22.gif



الأم : مافيش غورى من قدامى دلوقتى

.................



تدخل الأم عند أحمد



الأم : إيه يأحمد نمت ولا لسة



أحمد : (يخبى دموع عينه ) اه ياماما بحاول أنام
http://files.fatakat.com/bigsmilies/mood12.gif http://files.fatakat.com/bigsmilies/mood12.gif



الأم : بص ياأحمد أنا مش هقولك حاجة غير لازم تعرف إن الجواز ده قسمة ونصيب وصدقنى مش عشان جنى إتخطبت يبقى ده اخر الدنيا ياحبيبى الحب مش كل حاجة برده سبحان الله ربنا خلقنا نحب ونميل للجنس الاخر ده شىء طبيعى فى الطبيعة البشرية بس برده لازم يبقى لينا هدف نسعى إليه ,,أنا هسيبك الان بس هقولك حاجة وما تسألنى إزاى ؟ جنى هتكون من نصيبك إن شاء الله بس لازم تغير حياتك وتغير نفسك عشان ربنا يحقق مراضك وخلى شعارك دايما فى الحياة ( حياتى كلها لله . وعجلت إليك ربى ) أحمد عشان خاطرى ياحبيبى خلى إيمانك قوى وثقتك بالله قوية وخلى عندك أمل فى الله ولا تيأس أبدا صدقنى ياأحمد ياحبيبى اللى فاضل فى الدنيا دى أخلاقك وإيمانك ماشى ياأحمد ربنا يهديك يابنى يارب



أحمد : يارب مالى غيرك ما تسيبنى قوى إيمانى



ويقوم أحمد يصلى ركعتين بخشوع ويتقرب إلى الله فقد أثر فيه كلام أمه وهو يسجد



يدعوا الله ويبكى بشدة ( يارب أذنبت يارب أخطأت يارب أسأت يارب أنت مجيب الدعاء أجب دعائى يارب قربنى منك اللهم إنى أسألك حبك وحب من يحبك وحب عمل يقربنى إلى حبك اللهم ما ارزقنى مما أحب فاجعله قوة لى فيما تحب وما زويت عنى مما أحب فاجعله فراغا عنى فيما تحب .. يارب أرزقنى بزوجة صالحة لى لكى نسعى إلى طاعتك معا يارب تبت إليك فتقبل توبتى )



( وظل أحمد يفكر فى السنين اللى فاتت ماذا فعل فيها فقد كان شابا عاديا يعيش حياته ببساطة لا يعلم أن الله خلقنا لهدف وهو إرضائه عزوجل )



دخل الأب على أحمد



الأب : إيه يأحمد



أحمد : إيه يابابا ؟



الأب : أنا عرفت بموضوع خطوبة جنى



أحمد : ربنا يوفقها ويسعدها
http://files.fatakat.com/bigsmilies/mood15.gif



الأب : إيه العقل ده كله
http://files.fatakat.com/bigsmilies/mood4.gif



أحمد : أنا بدأت حياة جديدة إدعيلى يابابا



الأب : بدعيلك يابنى أنا نازل أصلى فى الجامع هتنزل معى ولا هتكسل زى كل مرة وتقولى هصلى فى البيت



أحمد : لا يابابا هنزل أصلى معاك

............................



ونزلوا صلوا



الأب : بص يأحمد أنا كنت بحب أمك أووى من غير ما تعرف كانت جارتنا والبلكونة قصاد البلكونة كانت البنت الوحيدة لأمها كان بيعجبنى فيها أدبها وشيلنها للمسئولية وكنت هموت وأجوزها بس بصيت لنفسى لقيت نفسى مش نافع خالص كنت شاب سعتها لسة مخلص دبلوم قولت لازم أشتغل وأكون راجل وبجد إتغيرت حياتى تماما لقيت أمك زات نفسها بدأت تلتفت لى



أحمد : إزاى يعنى



الأب : (بخجول) إحساس بقى ياأحمد المهم بدأت فى خطوة الخطوبة وصدق إيه اللى حصل ؟
http://files.fatakat.com/bigsmilies/mood18.gif



أحمد : إيه اللى حصل



الأب : إترفضت



أحمد : إترفضت !!
http://files.fatakat.com/bigsmilies/mood25.gif



الأب : اه كان عندهم الحق إزاى يعطوا بنتهم لى



أحمد : بس أنت قولت إن حياتك إتغيرت



الأب : إتغيرت إيمانا وأخلاقا وده مش كفاية برده



أحمد : بس يابابا أهم حاجة فى الإنسان المتقدم الإيمان والأخلاق



الأب : ده مش وجهة نظر كله فى ناس أهم حاجة عندهم الفلوس وفى ناس أهم حاجة عندهم الأخلاق وفى ناس عندهم الأثنين



أحمد : وأهل ماما كان عندهم إيه ؟



الأب : تعال نكمل كلامنا فى البيت وأحكيلك على يوميات أبوك



أحمد : ههههههه ماشى يلا
http://files.fatakat.com/bigsmilies/mood0.gif





ياترى احمد هيثبت فى الطريق ده
ولا الشيطان هيرجعه تانى؟؟؟؟



هنعرف كل ده فى الحلقة الجاية

pr!nce$ & $o$o
23-09-2010, 10:58 PM
الحلقة السابعة عشر








أحمد : يلا إحكيلى عن يومياتك يا بابا



الأب المهم أنت كنت سألتنى أهل أمك كان عندهم إيه المهم صح ؟



أحمد : اه صح



الأب : هم كانوا مبدائهم الإيمان والأخلاق طبعا بس برده ما ينفعشى يرموا بنتهم فى الشارع على الأقل شقة ووظيفة نعيش منها



أحمد : وأنت ما كنش عندك أى حاجة ولا وظيفة ولا شقة



الأب : ما كانش عندى شىء المهم بدأت أتحرك وأدور على الشغل لقيت وظيفة كويسة وكمان حكومية وإشتغلت بجانبها حاجات كتير دهان وسباك لغاية ما ربنا قدرنى وبنيت شقة ودلوقتى أقدر أتقدم بنفس جامدة وإتقدمت والحمد لله وافقوا وفى فترة الخطوبة قدرت أجهز الشقة وأمك وقفت بجانبى وساعدتنى ودلوقتى شايف عيالى رجاله كبار قدامى ونفسى ربنا يقدرنى إنكم تكونوا بجد أولاد تدخلونى الجنة أنا وأمك



أحمد : إن شاء الله يابابا هنكون شباب ما فيش زيهم وأول ما ننزل الشارع يقولوا دول أكيد ولاد الحاج فتحى
http://files.fatakat.com/bigsmilies/mood6.gif



الأب : هههههه ماشى يا بكاش
http://files.fatakat.com/bigsmilies/mood0.gif http://files.fatakat.com/bigsmilies/mood0.gif



الأم : أنتوا مش هتتغدوا



الأب : هنقوم أهوه



.............



وهم على الغداء



حبيبة : غريبة يعنى ياماما ما سألتنى جنى هتتخطب لمين ؟



الأم : حبيبة إسكتى ربنا يهديكى يارب



حبيبة : هو فى إيه يا جماعة كل ما أجيب سيرة جنى تقولولى إسكتى ليه



سامح : إنتى مش هترتاحى إلا لما تقولى خلاص قولى يا ستى



حبيبة : لدكتور شافها فى فرح سهيلة أختها وجاء النصيب وإتقدم وتصدقوا إكتشفت إنه دكتور فى الجامعة عندهم إسمه خالد بس هى ما كانت شافته خالص



أحمد : اظن كدة إرتحتى ممكن تسكتى بقى



الأم : إخرسى بقى ياأبلة



حبيبة : إنتوا بجد كلامكم غريب النهاردة وأنا مش هكمل أكل وهقوم عشان ترتاحوا



الأم : فى داهية



الأب : براحة شوية يا حاجة هى برده لسة صغيرة ومش فاهمة



..............



الباب بيخبط على أوضة حبيبة



أحمد : ممكن أدخل



حبيبة : مين



أحمد : أنا احمد



حبيبة : إتفضل



أحمد : إيه القمر بيعيط ليه ؟



حبيبة : مفيش



أحمد : مفيش إزاى امال الدموع دى إيه ؟



حبيبة : يعنى عجبك كدة من الصبح بتشتم ومش عارفة ليه وكل ما اسأل على السبب بتشتم أكثر



أحمد : بص كدة يا جنى . قصدى يا حبيبة



حبيبة : مالك يأحمد حاسة فى صوتك نبرة حزن



أحمد : حبيبة عايزك تتقربى من جنى أوى وخليكى صديقة لها



حبيبة : بحاول والله لأنها بجد بنت جدعة وطيبة وتتحب



أحمد : كويس عاوزة تعرفى بقى سبب تهزيك ده ليه ؟



حبيبة : اه ليه ؟



أحمد : هقولك يا حبيبة أنا معجب بجنى وكنت نفسى أتقدملها بس أنتى شايفة الظروف



حبيبة : بجد وإزاى ما لاحظت فى الفترة دى كلها



أحمد : مش مشكلة المهم هى دلوقتى هتتخطب وما ينفعش أجيب سيرتها خالص صح



حبيبة : اه صح أنا اسفة يأحمد ما كانش قصدى أجرحك



أحمد : عادى يا حبيبة ده قسمة ونصيب



..........



ويخرج أحمد من الأوضة ويدخل أوضه ويبكى بشدة



أحمد : يارب أنا ما لى غيرك قوينى يارب على الدنيا دى وصبرنى ونسينى جنى يارب إجعلنى انشغل بحبك والسعى فى رضاك يارب



.........



حبيبة : ماما إنتى مش هتروحى تباركى لأم جنى



الأم : يوم الخطوبة نبقى نروح كلنا



حبيبة : لا ما هى مش هتعمل خطوبة هتعملها سكيتى



الأم : ليه كده ؟



حبيبة : هى بنت عاقلة أووى لما سألتها على السبب قالت لى الخطوبة دى فترة تعارف وممكن يكون الشخص ده مش كويس مثلا فلو عملت خطوبة كبيرة وما حصل نصيب لقدر الله هتكتب على خطوبة وبس وأنتى عارفة الناس بقى وكلامها الكثير



الأم : ربنا يوفقها



سامح : حبيبة تعالى بسرعة



حبيبة : فى إيه يا سامح ؟



سامح : التنسيق شكله بان على النت تعالى بسرعة



حبيبة : جاية أهوه






فى الحلقة الجاية هنشوف حبيبة هتدخل كلية إيه ؟؟



وهنشوف مين خالد ده ؟؟

pr!nce$ & $o$o
23-09-2010, 10:59 PM
الحلقة الثامنة عشر











سامح : يعنى كدة الصيدلة بتأخذ من 97% وخمسة من عشرة



حبيبة : يعنى أنا مش هلحق صيدلة



سامح : إستنى نكمل قراءة



أحمد : لا بص كدة يا سامح كويس 97% ونص المنصورة و97% و3 من عشرة القاهرة



حبيبة : الحمد لله ربنا حقق أمنياتى كنت نفسى أكون مع جنى



الأب : بس كان نفسى تشدى حيلك شوية وتدخلى طب



الأم : خلاص ياحاج هى عملت اللى عليها



الأب : بس أنا عاوزك تكونى فى المنصورة أحسن عشان تكونى جنبنا



الأم : اه يا حبيبة فى القاهرة بعيد أوووى عنى وهكون قلقانة عليكى



سامح : يعنى هى بإيدها إيه دلوقتى



أحمد : هى ممكن تلحق طب أسنان بس ده فى أسوان وإحتمال كبير ما تلحقه



الأب : لا يأحمد كدة يبقى القاهرة أقرب



حبيبة : خلاص الحمد لله صيدلة فى القاهرة أنا فرحانة أوووى أول أمنية لى تحقق



أحمد: ألف مبروك ياحبيبة



سامح : عقبال العريس عشان تمشى من هنا وتهوينا



حبيبة : شوفتى ياماما



الأم : بطل تغلس يا سامح على أختك



سامح : سبحان الله كبرتى يا بت ياحبيبة



حبيبة : بت واحدة طويلة كدة وبقت عروسة وتقولها بت



أحمد : ما تزعليش نفسك يا دكتورة سيبك منه



حبيبة : والله يا أحمد إنت اللى رافع رأسى فى البيت ده



سامح : بس خلى بالك لتتخبط هههه



الأب : بطل يا سامح غلاسة عشان ما تضيع فرحة أختك



الأم : هتروحى تقدمى الأوراق إمتى ؟



أحمد : ما تشيلش هم يأمى أنا هظبطلها كل حاجة



الأب : ربنا يخليكوا لبعض وما يحرمكوا من بعض أبدا



سامح : ( يقوم يبوس أبوه وأمه ) وما يحرمنا منكم ويخليكوا لينا



الجميع : اااااامين




......................




الأم : إيه ياجنى مش هتروحى الكوافير



جنى : ليه ياماما



الأم : هوإيه اللى ليه النهاردة خطوبتك



جنى : ياأمى هو مش فرح دى خطوبة على الضيق يعنى مش مستهلة كل ده



الأم : يعنى إيه هتفضلى كده



سهيلة : ياأمى ما تقلقيش أناهظبطها هنا أحسن من الكوافير وكمان هنادى لدينا صحبتى اللى فى الكوافير اللى جنبنا تساعدينى



جنى : بس أنا هبقى محجبة



سهيلة : طبعا



الأم : جنى تعالى كلمى خالد



خالد : السلام عليكم إزيك يا جنى ؟ عاملة إيه ؟



جنى : الحمد لله بقولك يلا انا جاهزة عشان نخرج نشترى الطقم والشبكة



جنى : اه وماما وبابا جهزوا اهوه



خالد : ماشى يلا أنا جاى اهوه أنا وماما



جنى : ماشى تنوروا




خالد وهو طالع على السلالم هو وأمه




زوجة عادل( فوزية ) : إزيك يا عريس ؟ إزيك يأم العريس ؟



أم خالد : الحمد لله عقبال عيالك يارب ياختى



فوزية : أقولك حاجة بس ما تزعليش منى



أم خالد : إتفضلى



فوزية : أنتوا مين اللى قالوكم على النسب ده



أم خالد : قصدك إيه يعنى



فوزية : بصراحة إنتوا وقعتوا وقعة ولا أحد سمى عليكم



خالد : يلا ياأمى عشان نطلع فوق



فوزية : إصبر يا عريس أنا عاوزة مصلحتك



أم خالد : وقعنا إزاى يعنى ؟



فوزية : النسب ده ما ينفعكوش الحاج حسن ده اللى عامل نفسه أحسن واحد فى الكون رجل مش كويس وظالم ومفترى ظلم زوجى عادل وضاحك عليه فى الميراث والبت جنى دى بنت معقدة كدة وكمان كنت سامعة إنها بتتعالج عند دكتور نفسى يا بنى دول ناس وحشة أووى صدقنى وناس إستغلالية أوى



خالد : يلا يأمى بقى



فوزية : عموما براحتك ما تصدق أنا عملت اللى على وعلى فكرة البت جنى دى عاملة نفسها محترمة دى بنتى إيمان شافتها كام مرة ماشية مع الولد أحمد جارنا ومرة شافتها قاعدة معاها فى كافتيريا ولو مش مصدقنى أناديلك بنتى إيمان تقولك وكمان مصوراهم على الموبيل



أم خالد : لو الكلام ده طلع صح يبقى فيكى الخير ولو غلط يبقى إنتى ست مش كويسة وأكيد ما بتحبيهم



فوزية : براحتكم ما تصدفوا إستنوا أوريكم بنتى إيمان إيمان بنتى الكبيرة بنت زى القمر فى كلية حاسبات ومعلومات فى القاهرة



خالد : لا شكرا



أم خالد : هنعمل إيه يا بنى فى الكلام الخطير ده



خالد : يا أمى اكيد ست كذابة و حاقدة على أهل جنى



أم خالد : وليه ما تكون صادقة



خالد: لا ياأمى أكيد كذابة



أم خالد : إيه رأيك نشوف التسجيل اللى على الموبيل ده ممكن يطلع كلامها صح



خالد : ماما قفلى على الموضوع ده قربنا من الشقة



جنى : إتفضل يا خالد إتفضلى يا طنط



خالد : لا يلا نمشى بقى عشان ما نتأخر



جنى : ماشى



.....................
ياترى ايه اللى هيحصل بين جنى وخالد؟

وياترى كلام فوزيه هياثر على خالد وامه ولا لأ ؟؟؟؟


هنعرف كل ده الحلقات الجاية

pr!nce$ & $o$o
23-09-2010, 11:00 PM
فى المحل




خالد : إيه رأيك فى الطقم ده ؟



جنى : لا ياخالد شكله العام كدة ما يليقش بى



خالد : إزاى يعنى ؟



جنى : أنا لبسى كله فضفاض وإنت عارف كدة



خالد : ما هو محترم اهوه



جنى : لا يا خالد



خالد : ماشى إختارى حاجة ثانية
http://files.fatakat.com/bigsmilies/mood19.gif



جنى : أنا بحب العبيان أووى ممكن أختار عباية



خالد : هتلبسى عباية فى الشبكة



جنى : وإيه يعنى



خالد : ما ينفعش طبعا



سهيلة : عنده حق يا جنى العباية ما تليق بمناسبة زى دى



جنى : ماشى أنا مش عارفة أختار إيه ؟ كل ده حاسة إنه بتاع بنات بايظة



خالد : أنتى قربتى تعصبينى على فكرة



سهيلة : خلاص إيه رأيك نأجر فستان بسيط



جنى : ماشى خلاص



أم خالد :فى سرها ( شكل الست فوزية دى عندها حق قعدوا يتحلبوا وكل ما نشاور على طقم تقول لا عشان منشنين على فستان شكلهم بجد ناس إستغلالية ) وده تأجيره بكام إن شاء الله



سهيلة : ما تقلقيش يا طنط التأجير فى الليلة الواحدة ب50 جنيه وممكن أقل بكثير كماان



أم خالد : تهمس فى نفسها (هيبقى كدة أرخص من الطقم كويس )



خالد : ماشى فكرة كويسة




وإرتفعت صوت الزغاريط فى بيت جنى وقلب أحمد يتمزق ولكنه يحاول التمسك والصبر




جنى : مالك يا خالد شكلك كدة مش مبسوط



خالد : إنتى كان ليكى علاقة بحد قبل كدة



جنى : إزاى يعنى ؟
http://files.fatakat.com/bigsmilies/mood25.gif



خالد : يعنى كنتى بتحبى معجبة بتسلى حاجة زى كدة



جنى : إيه الكلام الغريب ده يا خالد لا طبعا إنت عارف كويس إنى متربية أحسن تربية وعمرى ما أعمل حاجة زى دى



خالد : ماشى



جنى : بس إيه الكلام ده



خالد : عادى بسأل سؤال



جنى : سؤال غريب وأنا مش هعلق عليه دلوقتى لأن ده مش وقته



خالد : أنا من حقى اسأل



جنى : تسأل أسئلة كويسة وكمان تكون بأسلوب لطيف لأنك عارف كويس انا مين وبنت مين



خالد : سورى يا دكتورة نسيت



جنى : فى سرها ( إسترها يارب )
http://files.fatakat.com/bigsmilies/mood15.gif




وإنتهت يوم الخطوبة




الأم : صباح الخير يا عروسة



جنى : بإبتسامة حزن صباح عسل وسكر عليكى يا أمى
http://files.fatakat.com/bigsmilies/mood15.gif



الأم : مالك يا جنى



جنى : ما فيش يا ماما خايفة شوية



الأم : من إيه يا حبيبتى ؟



جنى : خايفة من الخطوبة ومشاكلها



الأم : ما تقلقيش يا حبيبتى الخوف ده شىء طبيعى لما الإنسان بيبدأ فى حياته حاجةجديدة بيقلق بزاد فى أمور الخطوبة والجواز والخلفة وكدة يعنى



جنى : ربنا يستر إدعيلى يا أمى



الأم : بدعيلك يا حبيبتى



سهيلة : السلام عليكم



الأم : وعليكم السلام إيه النور ده كله



سهيلة : ده نورك يا ست الكل إزيك يا عروسة ؟



جنى : الحمد لله إزيك إنتى ؟



الأم : أنا هروح أحضر الأكل



سهيلة : مالك ياجنى ؟



جنى : أنا قلقانة أووى من خالد حاسة إنه شخصية متناقضة



سهيلة : إزاى يعنى ؟



جنى : مش عارفة والله يا سهيلة سعات بيبقى شخصية مثالية قدامى وسعات بحس إنه شخصية غريبة قدامى ولا أجنه دكتور فى الجامعة



سهيلة : هو إنتى لحقتى يا بنتى تعرفيه ؟



جنى : ما أنتى عارفة إحساسى ده هيودينى فى داهية



سهيلة : ما تقلقيش ده شىء طبيعى بس حبة قلق



جنى : ربنا يستر



سهيلة : إسكتى بقى دا أنتى نستينى أقولكم على الخبر اللى جاية عشانه النهاردة



جنى : خير



سهيلة : خير إن شاء الله تدفعى كام الأول ؟



جنى : انا مش ناقصة قولى



سهيلة : مش هقول دلوقتى لما كلنا نجمع على الأكل هقول



جنى : وأنتى سايبة جمال لوحده



سهيلة : لا هو راح شوية عند واحد صاحبه وهيعدى على






فى الحلقة الجاية




هنعرف إيه الخبر ده ؟؟؟؟؟؟؟



ويا ترا إيه اللى هيحصل مع جنى ؟؟؟؟




هنعرف كل ده فى الحلقات الجاية

pr!nce$ & $o$o
23-09-2010, 11:01 PM
الحلقة التاسعة عشر










وهم على الغذاء



الأم : يلا قولى يا سهيلة شوقتينا



الأب : يلا يا بنتى



سهيلة : أنتوا هتبقوا جد وجدة يا حلوين
http://files.fatakat.com/bigsmilies/mood6.gif



جنى : بجد يا سهيلة
http://files.fatakat.com/bigsmilies/mood0.gifhttp://files.fatakat.com/bigsmilies/mood0.gif



الأم : سهيلة أنتى بتكلمى بجد يا بنتى ...........

إنتى حامل ؟
http://files.fatakat.com/bigsmilies/mood1.gif



سهيلة : اه والله



الأب : الف مبروك يا بنتى



جنى : أنا فرحانة أووى يعنى أنا هبقى خالة



الأم : ألف مبروك يا سهيلة عقبالك يا جنى يا بنتى يارب



جنى : ههههههههه أجوز الأول وربنا يسهل
http://files.fatakat.com/bigsmilies/mood0.gif http://files.fatakat.com/bigsmilies/mood0.gif



الأب : يلا أنا هخرج شوية كدة



جنى : ماشى يا بابا بس مش هتبارك لجمال لما يجى



الأب : ما أنا هجى بسرعة



الأم : ماشى يا حاج



سهيلة : إيه رأيكم فى الخبر ده بقى ما كانش يستاهل مليون جنية



الأم : ألف مبروك يا حبيبتى

.....................................



وعدت الأياااااااااااااام



الأم : إيه يا جنى خالد كده بقاله أكثر من 3 أيام ما بيتصل ولا بيكلم



جنى : مش عارفة والله ياماما ممكن يكون مشغول



الأم : ما تتصلى بيه إنتى يا بنتى



جنى : بتصل تليفونه مقفول



الأم : إتصلى على البيت



جنى : لا يا ماما هو لما يبقى فاضى هيبقى يتصل لأن أمه بصراحة بتكلمنى بأسلوب كده غريب من ساعة الخطوبة وتقول جنى فى سرها ( الله يسامحك يا أمى خلتينى إستعجلت فى موضوع الخطوبة ده وأنا أصلا مش مطمنة )



الأم : وأمه بقى بتكلمك بأسلوب وحش ليه



جنى : ما عرفشى بس من يوم لما طلعنا نشترى الشبكة ومن أول اليوم ده وهى أسلوبها معاى متغير



الأم : لو عاوزانى أكلمها وأشوف الموضوع ده



جنى : لا يا ماما عشان ما نكبر الموضوع سيبها على ربنا ممكن تكون مضايقة من حاجة



الأم : ربنا يستر يا بنتى



..........



الأم : جنى تليفونك بيرن



جنى : اه جاية أهوه



خالد : السلام عليكم



جنى : وعليكم السلام إزيك يا خالد إنت مالك مختفى بقالك كام يوم كده



كنت فين ؟؟؟



خالد : معلشى حبة شغل



جنى : حتى تطمنى ولو برنة كل ما أتصل بيك تليفونك مقفول



خالد : قولنا خلاص كنت مشغول



جنى : وأنت مالك بتتعصب كده ليه ؟



خالد : مزاجى أتعصب براحتى



جنى : يعنى إنت ما اتصلت من زمان وأول ما تتصل تكلمنى بالشكل ده



خالد : إنتى على فكرة بنت غريبة وأنا خلاص اتخنقت منك



جنى : بزهول إنت بتقول إيه ؟؟
http://files.fatakat.com/bigsmilies/mood25.gif http://files.fatakat.com/bigsmilies/mood25.gif



خالد : قرفت منك



جنى : قرفت منى ماشى شكرا أوى يا دكتور على الأسلوب الجميل ده



خالد : لا شكر على واجب



جنى : فى سرها ( يارب صبرنى الشخص ده صنفه إيه )



خالد : أنا عاوز أفسخ الخطوبة



جنى : إنت كويس يا خالد ولا فى حاجة ؟
http://files.fatakat.com/bigsmilies/mood15.gif



خالد : مالى يعنى شايفنى مجنون
http://files.fatakat.com/bigsmilies/mood21.gif



جنى : لا إزاى أنا بس قصدى شكلك تعبان شوية
http://files.fatakat.com/bigsmilies/mood15.gif



خالد : أنا أحسن منك الحمد لله



جنى : وده شىء يفرحنى



خالد : ياريت تبعدى شبكتى فى أسرع وقت



جنى : تصدم وتقفل السماعة
http://files.fatakat.com/bigsmilies/mood12.gif http://files.fatakat.com/bigsmilies/mood12.gif



الأم : مالك يا جنى ؟ بتعيطى ليه إهدى يا بنتى وإحكيلى



جنى : الله يسامحك يأمى إنتى وأبى خلتونى أستعجل فى موضوع الخطوبة دى وأنا كنت عاوزة أقعد معاه شوية



الأم : تقعدى بقى قد إيه يعنى شكلنا إيه قدام الناس يأبلة يقولوا علينا إيه ولو كنا خلاناكى تقعدى معاه أكثر من مرتين شوفى بقى كلام الناس علينا مين ده اللى طالع واللى داخل عندهم وكلام الناس كثير ياأبلة وإنتى عارفة ده كويس



جنى : والناس مالها بى ما أنا اللى هخسر بعد كده
http://files.fatakat.com/bigsmilies/mood12.gif



الأم : فى إيه ؟ فهمنى



جنى : خالد فسخ الخطوبة وبيقولى إبعديلى الشبكة



الأم : إنتى بتكلمى بجد إنتى أكيد زعلتيه



جنى : والله ياماما خالد ده أصلا ما كنت مرتاحاله قبل الخطوبة لما قعدت معاه المرتين كان شخصية مثالية فى كل شىء وبعد الخطوبة اتغير تماما بيدقق على كل حاجة وأى كلمة يعملها مشكلة وممكن يفهمها غلط ويأخذها بمعنى ثانى



الأم : خلاص إهدى لما أبوكى يجى نشوف هنعمل إيه ؟



جنى : هنعمل إيه فى إيه ؟ خلاص أنا أصلا ما كنت عايزها أنتوا اللى ضغطوا على



الأم : أنتى صليتى إستخارة وقولتى أنا مرتاحة



جنى : خلاص ياماما اللى حصل حصل



الأم : بس مش هنوديله الشبكة ما يستهلهاش



جنى : لا يا ماما أنا مش عاوزة حاجة من الشخص ده خااااااااالص
http://files.fatakat.com/bigsmilies/mood21.gif



الأم : أبوكى جاء اهوه هحكيله ونشوف



..........



الأب : يعنى يا جنى ما قالك على السبب

جنى : والله يا بابا أنا ما عرفشى

الأب : أهم حاجة يا جنى تعرفى أكيد ده خير ليكى ولينا

جنى : الحمد لله إنها جات على قد كده

الأم : الحمد لله يا بنتى معلشى

جنى : بس أنا كنت اللى عاوزه أسيبه بكرامتى يا ماما هو ده اللى مزعلنى وهيأثر فى كمان

الأم : يا حبيبتى أصلا مجرد إن واحد يفشكل الموضوع وبدون سبب كدة يبقى أكيد الولد ده مش طبيعى

..............

التليفون بيرن

الأب : السلام عليكم إيه يا دكتور خالد ؟

خالد : إنتوا ليه لسة ما جبتوش الشبكة

الأب : إحنا بعدنا الشبكة يا دكتور وزمانها جاية فى السكة بس أنا عاوز اسألك سؤال

خالد : قول

الأب : إنت ما دام مش قد مشروع الخطوبة ده ومش قد إنك تدخل بيت بإحترام خطبت ليه ؟

خالد : كنت فاكر إنكم ناس تتناسب

الأب : والله وطلعينا بقى ناس عاملة إزاى ؟

خالد : أنا سمعتى وسمعة أهلى فوق كل شىء

الأب : وهو حد مس سمعتك وسمعة أهلك فى شىء

خالد : اه لما أكون خاطب واحدة ماشيها مش مظبوط يبقى كده إيه

الأب : وأنا بنتى بقى ماشيها مش مظبوط

خالد : اه وبنت معقدة وكمان كذابة

الأب : أنا مش هرد عليك عشان إنت ولد مش محترم ولازم تعرف يا بنى إحنا لولا إننا ناس محترمة كنا تصرفنا معاك تصرف ثانى بس عموما ربنا يسهلك

ويقفل السماعة


.................................




جنى : إيه يا بابا كان عاوزك فى إيه ؟

الأب : ما فيش يا بنتى

الأم : حاج هو الولد ده غلط فيك؟

الأب : خلاص قفلوا على الموضوع ده والحمد لله إنه بينلنا شخصيته

جنى : الحمد لله بس يابابا إنت كنت بتزعق معاه قولى الله يخليك هو قالك إيه ؟

الأب : جنى ممكن اسألك سؤال يا بنتى ؟

جنى : إتفضل يابابا

الأب : هو فى حد حاول يكلمك أو يغلس عليكى

جنى : لا يابابا ليه السؤال ده ؟

الأم : بنتك ياحاج متربية أحسن تربية وأنا كدة عرفت الولد ده قالك إيه

الأب : وإنتى عرفتى إزاى ؟

الأم : العقربة فوزية ما كانت ضيقة نفسها يوم خطوبة جنى وكنت حاسة إنها مش هتسيبنا فى حالنا وأكيد هى حاولت توسخ سمعة بنتى بكلامها القذر

الأب : لااا ما دام الأمور وصلت لسمعة بنتى يبقى لا لازم تقف عند حدها

جنى : حسبى الله ونعم الوكيل
http://files.fatakat.com/bigsmilies/mood12.gif http://files.fatakat.com/bigsmilies/mood12.gif

الأم : معلشى يا جنى ربنا يا بنتى على الظالم صدقينى

وتقوم جنى وهى منهارة تصلى ركعتين وتبكى وتقرأ قراءن وهى تقرأ ايات الله تقف على الاية ( وعسى أن تكرهوا شيئا وهو خيرا لكم ) وبالفعل جنى حاست إن خالد ده كان شخصية غير طبيعية مش عشان سبها لا عشان أسلوب كلامه معاها وكل حاجة فيه كانت متزينة بقناع وفجأة القناع إختفى وظهر ما وراء القناع

جنى : الحمد لله يارب إنك خلصتينى منه أحمدك يارب

........

الأم : أنا صعبانة على جنى أوووى يا حاج

الأب : خير يا حاجة ربنا بيبتلينا بإبتلاءات وبتبقى خير لينا

الأم : بس إنت هتسيب العقربة مرأة أخوك تبهتل فينا كده

الأب : يا حاجة ده إبتلاء ولازم نصبر وعموما أنا لازم أشوف حل لما أخوى عادل بس يرجع من سفر وهكلمه

الأم : وأخوك عادل هيقدر يعمل حاجة مش هيقدر إحنا لازم نسيب البيت ده

الأب : سيبها على ربنا يا حاجة وقومى شوفى بنتك عاملة إيه ؟

الأم : إنت عارف جنى لما بتبقى مخنوقة أو تعبانة بتبقى عاوزة تكون لوحدها

الأب : قومى إطمنى عليها برده وأنا نازل هقعد شوية مع الحاج فتحى

الأم : ماشى يا حاج

تابعوناااااااااااااا

pr!nce$ & $o$o
23-09-2010, 11:03 PM
الحلقة العشرون








الأم : إيه ده الباب بيخبط كده ليه ؟ إفتحى يا جنى . ربنا يستر



إيمان : معلشى يا جنى قلقتكم بس أنا محتاجلكوا ضرورى



جنى : فى إيه ياإيمان ؟ خير



إيمان : مش عارفة ماما مش بتتحرك خالص ومش عارفة تتكلم



جنى : خير إن شاء الله ما تقلقى أنا جاية معاكى أهوه



الأم : راحة فين يا جنى



جنى : مع إيمان يا ماما



الأم : أنا قولتلك ما تدخلى بيت الست دى خالص



جنى : ياأمى دى ضرورة



الأم : ربنا بيجزيها على أعمالها السودة



جنى : ما تقولى كدة ياأمى إلا الشماتة



الأم : يلا يا بنتى ربنا يسامحها تعالى نروح . كله لله



جنى : حاسة بإيه يا مرأة عم



الأم : هى أصلا مش عارفة تكلم هتقولك إزاى ؟



إيمان : يعنى يا جنى ماما مالها



جنى : خير ما تقلقيش نتصل بدكتور جمال يا ماما



الأم : لا نادى على أبوكى الأول



إيمان : بسرعة يا جنى الله يخليكى



جنى : ماشى



الأم : خير يإيمان هتبقى كويسة إن شاء الله وفى سرها تقول ( ومن أعمالكم سلط عليكم ربنا يسامحها بقى ويشفيها عشان عيالها )



جنى : بابا جاء يا ماما



الأم : نتصل بدكتور جمال يا حاج



الأب : اه بسرعة



الدكتور جمال : هى ما إتعصبت أو كانت مضايقة من حاجة



إيمان : لا يا دكتور كنا قاعدين عادى وفجأة لقيتها كده



الدكتور : لازم ننقلها المستشفى بسرعة ونعملها أشعة عشان نشوف

......................



فى المستشفى



جنى : إيه الأخبار يا دكتور ؟



الأب : إيه يا دكتور ؟ طمنا



الدكتور : عن إذنكوا عاوز أتكلم مع الحاج حسن بس



إيمان : ليه يا دكتور فى إيه ؟ ماما مالها



الدكتور : كويسة يا انسة أنا عايز الحاج فى حاجة ثانية



الأب : خير يا دكتور فى إيه ؟؟



الدكتور : هى زوجها فين ؟؟



الأب : مسافر يومين كدة وهيرجع قريب



الدكتور : اه



الأب : فى إيه يا دكتور طمنا ؟



الدكتور : عندها جلطة فى المخ



الأب : إيه لا حول ولا قوة إلا الله



وهى حالتها عاملة إيه يا دكتور ؟؟



الدكتور : هى دلوقتى فى غيبوبة عموما إحنا هنعمل اللى علينا وعليكم إنكم تدعولها



الأب : ربنا يشفيها يارب وانا هقول يا دكتور لأولادها إزاى ؟



الدكتور : والله هم لازم يعرفوا بس حاول تقولهم بتدريج



إيمان : فى إيه يا عمو ؟ الدكتور قالك إيه ؟



الأب : خير يا بنتى هو باباكى مالقكوش هيجى إمتى ؟؟



إيمان : هيجى يوم الخميس



الأب : يجى بسلامة وأمك إن شاء الله تقوم بسلامة



إيمان : هى أمى مالها ؟ الدكتور قالك إيه ؟



الأب : ما قال شىء هتبقى كويسة إن شاء الله أنا هروح بقى اسأل الدكتور ينفع تدخللها ولا لا



إيمان : ماشى يا عمى

.....................



الأب : السلام عليكم إزيك يا عادل ؟



عادل : الحمد لله يا حسن



الحاج حسن : فى خبر كدة يا عادل هو وحش ومش عارف أقولهولك ولا لا



عادل : فى إيه يا حسن ؟ قول



حسن : طبعا أنت راضى بأمر ربنا



عادل : ونعم بالله قول قلقتنى



حسن : فوزية مرأتك تعبت شوية وراحت المستشفى



عادل : والدكتور قالك إيه ؟



حسن : جلطة فى المخ



عادل :لا حول ولا قوه الا بالله وإيمان والأولاد عرفوا



حسن : لا مش عارف أقولهم إزاى



عادل : أنا جاى بكرة



حسن : ماشى كويس تيجى بسلامة



الحاج حسن : إيه يا دكتور ما ينفع إيمان تدخل لأمها



الدكتور : ينفع تدخل عادى



الحاج حسن : الدكتور قال عادى ينفع تدخلى وعلى فكرة ابوكى جاى بكرة



إيمان : ماشى يا عمى شكرا



وعدى اليوم



عادل : ممكن يا دكتور أدخل عندها



الدكتور: اه ممكن



ويجلس عادل يدعوا الله وفجأة




جهاز دقات القلب يزن


عادل : دكتور إلحقنى


الحاج حسن : إيه يا دكتور ؟


عادل : فى إيه يا دكتور ؟


الدكتور : البقاء لله


عادل : يا إلهى . لا إله إلا الله


الحاج حسن : لا حول ولا قوة إلا بالله


إيمان : تبكى وتصرخ لاااااااااا ما تقولوا ماما ماتت ماما عايشة


جنى : إن لله وإن إليه راجعون إهدى يإيمان إهدى دا أمر ربنا ولازم نصبر


إيمان : لااااا ماما عايشة إنتوا بتكذبوا على


ويحضن عادل إبنته إيمان ويقولها إهدى


عادل : معلشى إصبرى يا إيمان ما تعمليش كدة


إيمان : إسكتوا إنتوا مش حاسين بى إنتوا كنتوا بتكرهوا ماما وعاوزينها تموت


عادل : عيب كدة ياإيمان ما تقولى كدة دول أهلك وبيحبونا ويتمنوا الخير لينا



وعدت الأياااااااااااام


أحمد : إيه يا سامح هو إنت هتقعد كده فى البيت من ساعة ما خلصت وإنت قاعد


سامح : يعنى أعمل إيه يعنى ؟ قدمت cv بتاعى على كام شركة ولسة الرد


أحمد : حاول ثانى وثالث


سامح : أهوه بحاول أهوه


الأب : اه يا سامح كان عمك حسن أبو يوسف بيقولى إن يوسف عايز يكلمك على النت ضرورى


سامح : خير يا بابا ما تعرفيشى ليه ؟


الأب : والله يا بنى ما حاولت أستفسر


أحمد : قوم بسرعة يا سامح إفتح الإيميل وكلمه


سامح : ماشى


......


الأب : إيه الأخبار كلمت يوسف


سامح : اه كلمته


الأب : خير كان عاوزك ليه؟


أحمد : مفاجأة يا بابا


الأب : خير يا ولاد طمنونى


سامح : بيقولى إن فى شركة مفتوحة جديدة هناك ومحتاجة مهندسين


الأب : كويس يلا شد حيلك يا سامح فى تجهيز الأوراق


احمد : مالك يا سامح مش فرحان ليه ؟


سامح : ما هو لسة هيعموليلى إختبارات على النت وكمان لسة هبعدلهم أوراقى يعنى لسة كثير وممكن ما يوافقوا


أحمد : ليه ما يوافقوا دا إنت خارج بتقدير إمتياز


الأب : اعمل اللى عليك يا سامح وسيب الباقى على ربك ولازم تخلى عندك أمل فى الله دايما


سامح : ونعم بالله


الأب : الباب بيخبط قوم إفتح ياسامح


سامح : كنتى فين يا حبيبة ؟ بقالك ساعتين برة


حبيبة : أنا كنت عند جنى جارتنا وأنا قايلة لماما تقول لبابا


الأب : وهم عاملين إيه دلوقتى يا بنتى ؟


حبيبة : كويسين يا بابا بس إيمان هى اللى لسة تعبانة شوية


الأم : الله يكون فى عونها برده مهما كانت هى مامتها


الأب : ربنا يصبرهم


حبيبة : فى خبر كدة مش عارفة هيزعلكوا ولا هيفرحكوا


أحمد : خير يا حبيبة قولى


حبيبة : جنى خطوبتها مفسوخة بقالها أسبوع


الأب : ما أنا لما كنت بعزيهم ما لقتشى خالد هناك إستغربت


الأم : وأنا كمان ما لقتشى الدبلة فى إيد جنى وطبعا ده ما كان وقت مناسب اسأل خالص


حبيبة : عشان تعرفوا فايدة الخطوبة اللى على السكيتى يعنى لغاية دلوقتى فى ناس ما يعرفوش إنها كانت مخطوبة


الأب : إن شاء الله يا حبيبة يوم خطوبتك هنعملها كدة برده


الأم : لا لازم نعملها فرح كبير


حبيبة : ولما ما يحصل نصيب تكتب على خطوبة وخلاص


الأم : وليه بتقدرى الشر


أحمد : وأنتى يا حبيبة ما تعرفى السبب إيه ؟


حبيبة : ما حاولت اسأل


سامح : خير


أحمد : وحالة جنى متأثرة كدة ولا إيه ؟


حبيبة : اظن لا شكلها هى اللى سبته أنا سبحان الله ما كنت مرتاحة لشكله على ما إنه دكتور


الأم : ما هى دى المشكلة المظاهر بتخدع الواحد


حبيبة : ربنا يستر ويكون أول عريس لى يكون نصيبى


الأب : إن شاء الله يا بنتى إدعى ربنا دايما فى الصلاة بالزوج الصالح


الأم : ربنا يرزق كل بنات المسلمين أزواج صالحة يارب أمين


الجميع : امييييييييييييييييييييييين





وبكده يكون إنتهى الجزء الأول من يوميات حب من نوع خاص



تابعونا فى الجزء الثانى

اكمل الجزء التانى ولا لا؟؟؟؟؟؟؟؟؟؟

beautiful angle
24-09-2010, 12:09 AM
بجد حلوه ياسوسو كملى بسرعهههههههههههه طبعآآآآآآآآآآآآآآآآآآآآآ

اسيـــــ خيالى ـــــره
24-09-2010, 12:31 AM
مشكوره يا عسل بس يااااااااااااريت تكمليه بسرعه

passant
24-09-2010, 03:38 AM
gmila gdnnnnnnnnnnnnnn w kmly bsor3aaaaaaaaaaaaa

pr!nce$ & $o$o
24-09-2010, 09:58 PM
الجزء الثانى




إستمرت الأيام وعدت سنة وأصبح أحمد وأيمن ومنى فى سنة خامسة



وليلى وجنى فى سنة رابعة



وحبيبة فى سنة ثانية فى كلية صيدلة وقاعدة مع جنى فى نفس الاوضة



وسامح سافر



وسهيلة ولدت نونو إسمه عبد الله




هيا بنا نستكمل الأحداث عن هؤلاء الشباب




الحلقة 21




طريق غلط





فى الكلية




جنى : الحمد لله كان النهاردة يوم فظيع مليااان محاضرات



ليلى : الحمد لله هانت لسة بقية السنة دى والسنة الجاية ونخلص بقى



جنى : والله تصدقى يا ليلى لو قولتلك إنى مش عاوزة أخلص خالص



حبيبة : من كثر حب العلم بقى ولا إيه



جنى : الموضوع مش حب علم بس الفراغ وحش أوى ولما نخلص هنقعد فى البيت بلا شغلة ولا مشغلة



ليلى : لا ما فيش أجمل من القعاد فى البيت



حبيبة : عندك حق يا جنى أنا برده من النوع اللى ما بحبش أقعد كده وما فيش وراية حاجة بس أنا ناوية إن شاء الله أقف فى صيدلية أدرب لغاية ما ربنا يسهل



جنى : وأنا كمان بس إنتى عارفة إنى كل أجازة صيف بقف فى صيدليات أدرب



حبيبة : أنا عندى فكرة بس مش هقول عليها دلوقتى إلا فى وقتها



جنى : ماشى يا صاحبة الأفكار إنتى



حبيبة : إيه ده يا ليلى فى واحد وراكى بيشاور عليكى



ليلى : تلتفت ورائها .. مين ده ؟



جنى : أظن الولد ده شوفته قبل كده



حبيبة : وأنا كمان شكله معانا فى الكلية



جنى : إيه ده دا بينادى عليكى يا ليلى
http://files.fatakat.com/bigsmilies/mood25.gifhttp://files.fatakat.com/bigsmilies/mood25.gif






ليلى : ماشى خلاص إمشوا إنتوا دلوقتى وأنا هحصلكم علطول



حبيبة : ماشى



جنى : إنتى عارفة الولد ده ؟



ليلى : هبقى أقولك بعدين يلا سلام إنتوا



جنى : تنظر إستغراب لليلى وتقول



سلام
http://files.fatakat.com/bigsmilies/mood25.gif



ليلى : إيه يا تامر أنا قولتلك كام مرة ما تناديش على قدام زملائى



تامر : أنا اسف يا لولو



ليلى : وإيه لولو دى بقى
http://files.fatakat.com/bigsmilies/mood21.gif



تامر : بدلعك



ليلى : ماشى يا سيدى ليه مختفى بقالك كام يوم كدة وما بتظهر



تامر : بشوف غلاوتى عندك



ليلى : تامر إنت لازم تشد حيلك شوية إنت كل سنة بتشيل مواد وما ينفعش كدة



تامر : ربنا يسهل



ليلى : أظن سامح قدك وما شاء الله خلص وبتقدير إمتياز كمان دلوقتى مسافر



تامر : دى ناس محظوظة يا بنتى
http://files.fatakat.com/bigsmilies/mood21.gif



ليلى : لا دول ناس عملوا اللى عليهم وربنا أعطاهم الجزاء وربنا ما بيضيع تعب حد أبدا



تامر : ربنا يسهل



ليلى : أنا كل ما أكلمك تقولى ربنا يسهل يا أستاذ أنا ببقى مخنوقة لما بقف معاك ولما بكلمك أنا حاسة إنى بعمل حاجة غلط لازم تشد حيلك وتخلص بقى عشان تتقدملى
http://files.fatakat.com/bigsmilies/mood21.gifhttp://files.fatakat.com/bigsmilies/mood23.gif



تامر : ما أنا بقول ربنا يسهل هقول إيه يعنى ؟



ليلى : ما تقوليش وشكرا أوى على أسلوبك المستفز ده



تامر : إهدى بس يا لولو



ليلى : أنا مش قادرة أغضب ربنا أكثر من كده أنا لازم أبعد عنك خالص ممكن يصلح حالك



تامر : لا يا ليلى عشان خاطرى مش هقدر إنك تبعدى عنى



ليلى : يعنى أعمل إيه يعنى ؟



تامر : أنا هوعدك إنى بجد دى اخر سنة لى فى الكلية ولما أتخرج هشوف شغل



ليلى : أما نشوف



تامر : إحنا هنتكلم وإحنا واقفين كده تعالى نروح أى مكان



ليلى : لا أنا همشى سلام
http://files.fatakat.com/bigsmilies/mood19.gif



تامر : ليلى إستنى شوية ليلى ...



ليلى : لا .. سلام

pr!nce$ & $o$o
24-09-2010, 10:00 PM
الحلقة 22





شيطان وعاوزك شيطانة









جنى : كل ده يا أبلة ليلى ما بدرى
http://files.fatakat.com/bigsmilies/mood19.gif



ليلى : أنا ما تأخرت جيت وراكم علطول



جنى : ومين الأستاذ ده بقى إن شاء الله



حبيبة : هو الولد ده معانا فى الكلية أصل شوفته قبل كده



جنى : وأنا كمان مين ده يا ليلى ؟



ليلى : أنا هحكلكم وأمرى لله
http://files.fatakat.com/bigsmilies/mood15.gif



جنى : إتفضلى



حبيبة : إستنى شكل منى جات



ليلى : عشان خاطرى يا جنى ما تحكى حاجة لمنى



جنى : وليه يعنى ؟



ليلى : كده عشان خاطرى



جنى : ماشى



منى : السلام عليكم يا بنات



جنى : وعليكم السلام مالك يا منى شكلك مضايقة



منى : ما فيش تعبانة بس شوية أنا هنام عاوزين حاجة



حبيبة : لا يا حبيبتى بس إنتى شكلك متغير فى حاجة ؟



منى : ما فيش إطمنوا



جنى : يلا إحكى منى نامت وحبيبة مشغولة فى مذاكرتها



ليلى : تامر ده إتعرفت عليه السنة اللى فاتت كنا فى الأول عادى بنتكلم كزملاء فقط ولما حاسيت إن قلبى بدأ يتعلق بيه بعدت عنه وهو حاول يقربلى وأنا حاولت أهرب منه بس للأسف والدته توفت فى الوقت ده وكانت نفسيته تعبانة خالص واضطرت أقف بجانبه وأسانده
http://files.fatakat.com/bigsmilies/mood18.gif



جنى : وهو فى كلية إيه ؟ معانا ولا لا ؟



ليلى : هو كان جايب مجموع كويس وكان نفسه يدخل هندسة بس أمه كانت عاوزاه يدخل كلية صيدلة



جنى : وهو فى سنة كام دلوقتى ؟؟



ليلى : هو زميل سامح فى دفعته
http://files.fatakat.com/bigsmilies/mood15.gif



جنى : بس سامح إتخرج



ليلى : ما هو نزل سنة لما أمه ماتت



جنى : وكل ده وأنا ما عرفشى دا أنا زميلتك وصديقتك وأسرارنا كلها مع بعض



ليلى : خوفت منك ومن منى كنت متأكدة إنك هتعترضى على الموضوع وأنا ما كانش ينفع أبعد عنه لأنى خلاص قلبى إتعلق بيه
http://files.fatakat.com/bigsmilies/mood6.gif



جنى : وفين أخلاقك وفين خوفك من الله فين ليلى بتاعة زمان اللى كانت رافضة المبدأ ده تماما وكنتى دائما تقوليلى أنا عمرى ما أعطى قلبى لأحد غير خطيبى



ليلى : اللى حصل حصل بقى
http://files.fatakat.com/bigsmilies/mood18.gif



جنى : ما فيش حاجة إسمها اللى حصل حصل إحنا هنا جايين نتعلم وبس سيبين بلدنا وأهلينا عشان نتعلم ونحقق هدفنا وهدف أهلينا مش عشان نحب ياأبلة وعلى فكرة بكده إنتى هتفقدى ثقة أهلك فيكى أهلك لو عرفوا إنك ماشية مع ولد هتبقى مشكلة
http://files.fatakat.com/bigsmilies/mood21.gifhttp://files.fatakat.com/bigsmilies/mood21.gif



ليلى : أنا ما بعمل حاجة غلط هو ناوى يتقدملى إن شاء الله



جنى : هو إنتى دخلتى قلبه وشوفتى نيته وكمان إيه اللى أكدلك أوى كدة إنه بيحبك وهيتقدملك



ليلى : أنا متأكدة



جنى : ليلى أنا بجد بحذرك إنتى ماشية فى طريق غلط ونهايته معروفة لإما إنتى تنجرحى جرح صعب يداوى ولأما تخسرى نفسك وحياتك وكل شىء وطبعا إنتى بتسمعى البلاوى اللى بتحصل وبتسمعى الشياطين من الشباب اللى بيدخلوا المدخل ده وبيبدأوا بقصص حب وهم بيضحكواأصلا على البنات لغاية ما يأخذوا اللى عاوزينه ويتركوهم



ليلى : ليه تفكيرك كده وليه ما تنتهى بجواز
http://files.fatakat.com/bigsmilies/mood22.gif



جنى : أنا ممكن أقولك إنى ممكن فى شباب صادقين بس عمر العلاقة دى ما تنتهى بجواز صدقينى ولو إنتهت بجواز هيبقى جواز فاشل محكوم عليه بالإعدام



ليلى : إنتى مكبرة الموضوع كده ليه



جنى : الموضوع كبير ياأبلة وإنتى مش حاسة ما طبعا ياأبلة إنتى مجرد تركتى حياتك وأخلاقك للطريق ده يبقى كده خلاص بنسبالك ممكن تعملى أى شىء ثانى حتى لو ------
http://files.fatakat.com/bigsmilies/mood10.gif



ليلى : أنا بجد غلطانة إنى قولتلك



جنى : ليلى عشان خاطرى يا حبيبتى صدقينى هو لو بيحبك بجد هيحاول يحافظ عليكى وكمان يا حبيبتى صدقينى إنتى لو بعتى أنا عارفة إنه هيبقى صعب عليكى بس لازم تحاولى عشان أولا ربنا عزوجل ثانيا عشان نفسك وأهلك اللى واثقوا فيكى وإنتى بعيدة عنهم وصدقينى لو بعتى عنه ولوهو بيحبك بجد هيستناكى ويصبر ويجى يتقدملك



ليلى : ربنا يسهل



جنى : أنا حذرتك وإنتى حرة



ليلى : وأنا عارفة مصلحة نفسى أكثر منك



جنى : شكل الشيطان ضحك عليكى وأعماكى عن حق ربنا عليكى
http://files.fatakat.com/bigsmilies/mood19.gifhttp://files.fatakat.com/bigsmilies/mood19.gif







.....................




يا ترا إيه اللى هيحصل مع ليلى ؟؟



هل سوف تراجع نفسها و تستقيم ثانى أم لا ؟؟



ويا ترا مين تامر ده ؟؟




هنعرف كل ده الحلقات الجاية

pr!nce$ & $o$o
24-09-2010, 10:01 PM
الحلقة 23




أخوة ومحبة





منى : فى إيه يا جنى كنت سمعاكى بتزعقى مع ليلى وأنا نايمة



جنى : ما فيش



منى : امال ليلى فين ؟؟



جنى : مش عارفة شكلها نزلت نشترى كارت موبيل



منى : وحبيبة كمان



جنى : لا حبيبة راحت لزميلتها أميرة اللى فى الأوضة اللى جنبنا



منى : ماشى



جنى : مالك يا منى ؟ شكلك مضايق من حاجة . إحكيلى



منى : والله يا جنى أنا خايفة أووووى على نفسى من الزمن ده



جنى : خير فى إيه ؟



منى : بقالى كام يوم فى الكلية واحد اسمه تامر بيشتغلنى وكام مرة هزقته وشتمته وما فيش فايدة



جنى : وهو ايه اللى جابه عندكم



منى : إنتى تعرفيه ؟



جنى : هحكيلك بعدين كملى



منى : هو بيجى عشان ليه زملاء كثير عندنا وكلهم شلة بايظة بس تامر ده شيطان مش مجرد شاب غافل دا يا بنتى ما بيتركش البنات فى حالها خالص وبحس إنه شغال فى توقيع البنات وبسمع عنه بلاوى كثير . ربنا يهديه



جنى : بجد إحنا لازم نشوف ليلى فين



منى : ليه ؟؟



جنى : بسرعة يا منى قومى إلبسى لازم ننزل نشوفها



منى : ليه يا بنتى فاهمينى



جنى : هفهمك وإحنا تحت بسرعة



منى : ما تتصلى بيها



جنى : موبيلها مقفول يا ترا راحت فين الان دلوقتى اذا ما لقينهاش فى السنترال اللى جنب المدينة نعمل إيه؟؟



منى : تعالى نسأله ممكن يفيدنا فى شىء



جنى : ماشى بسرعة



منى : لوسمحت يأستاذ فى واحدة جاءت تشترى من عند حضرتك كارت



صاحب السنترال : فى بنات كثير بيشتروا إمتى بظبط ؟



جنى : حالا يعنى من ربع ساعة كدة



صاحب السنترال : والله أنا مش عارف قصدكم على مين لان فى بنات كثير جاءوا حالا



جنى : هى كانت لابسة عباية سودة



صاحب السنترال : ولابسة نظارة



جنى : اه



صاحب السنترال : اه دى كانت واقفة حالا مع واحد ومشوا فجأة



جنى : يالهوى .. إسترها يارب



منى : فهمينى يا بنتى إنتى خايفة من إيه ؟؟



جنى : إنتى بتقولى تامر ده ولد مش كويس خالص صح وليلى بتمشى معاها وموهمها إنه بيحبها وهيتقدملها وممكن يكون ناويلها على حاجة سودة



منى : ما تخافيش يا بنتى بطلى الخوف الزائد ده هم أكيد راحوا فى كافتيريا هنا قريب



جنى : يارب بسرعة تعالى نتدور

....................



منى : هناك أهى



جنى : ليلى قومى يا ليلى



ليلى : هقوم فين



جنى : قومى بسرعة معانا عاوزينك فى حاجة ضرورية



منى : قولنا قومى وخلاص



ليلى : إنتى بتزعقى كده ليه ؟



تامر : اظن هى قاعدة مع واحد ما ينفع تقوم وتسيبه



منى : إنت أصلا واحد حقير وسافل وأقسم بالله إنت لو قربت لليلى ثانى أو لأى أحد فينا أقسم بالله أنت هتشوف إيه اللى هيحصلك



تامر : إنتى شكلك بنت عاوزة تتلمى



جنى : خلاص إهدى يا منى عشان خاطرى يلا يا ليلى قومى



تامر : ( يشد إيد ليلى ) ما تقوميش



ليلى : معلشى يا تامر أنا أسفة هروح ونتقابل بكرة



تامر : ماشى يا لولة إتفضلى .. بس لازم تعرفى يا شاطرة إنتى أنا مش هعديلك قلة أدبك دى معى ماشى



جنى : يلا يا بنات

............................



فى المدينة



ليلى : يعنى كل ده يطلع من تامر اللى أوهمنى إنه بيحبنى ومستعد يستنانى



منى : امال إيه ؟ ده شيطان وكمان فى شياطين زيه كثير



ليلى : وليه يعمل كده وعشان إيه ؟؟



جنى : عشان إنتى رخصتى نفسك من الاول



ليلى : لا مش ممكن أكيد قصدكم على واحد ثانى



منى : فوقى بقى إحنا عايشين فى زمن لازم نمسك فى أخلاقنا وأدابنا بكل قوتنا



جنى : ليلى إحنا كلنا بنغلط ولازم نعرف غلطنا ده عشان ما نرجعلوش ثانى



ليلى : الحمد لله إنها جات على قد كده



منى : أنا عارفة إنك مجروحة دلوقتى بس دى فترةوهتروح لحالها أهم حاجة تفكرى فى دراستك وبس



منى : وعلى فكرة أنا سمعت إن الولد ده مرفوض من الكلية لأنه إتقدم شكاوى كثير فيه



جنى : عشان كده بيعمل اللى عاوزه مش فارقة معاها



منى : يا جنى اللى زى ده خلاص ما بيخاف ربنا عزوجل والحياء إنتزع منه يبقى خلاص مش هيخاف من حد ثانى



جنى : ربنا يسترنا ويثبتنا ويحمينى من كل شر وشىء وحش



الكل : اميييييييييييين

http://files.fatakat.com/bigsmilies/mood6.gifhttp://files.fatakat.com/bigsmilies/mood6.gif

pr!nce$ & $o$o
24-09-2010, 10:02 PM
الحلقة 24




" نهاية البعد عن الله وفعل المعاصى "




حبيبة : جنى أنا عاوزاكى فى موضوع كده


جنى : خير يا حبيبة إتكلمى


حبيبة : إنتى مستعدة تتخطبى دلوقتى


جنى : لا والله يا حبيبة أنا مش بفكر خالص فى الموضوع ده


حبيبة : يعنى لو إتقدملك واحد هترفضى


جنى : ما أنا قولتلك مش بفكر


حبيبة : اه ماشى يا قمر


جنى : وليه بتسألى السؤال ده


حبيبة : يعنى عادى بدردش معاكى


جنى : ماشى يا قمر يلا ركزى فى مذاكرتك


منى : هى ليلى فين يا بنات ؟؟


جنى : ليلى اه صح راحت فين


حبيبة : اظن جالها تليفون ونزلت بسرعة


جنى : تليفون !!
http://files.fatakat.com/bigsmilies/mood25.gif


منى : تليفون ! من مين ما تعرفيش ؟


حبيبة : والله ما كنت مركزة معاها أوى


جنى : يا ترا التليفون من مين ؟؟ تفتكرى تامر


منى : اظن لا وكمان عمرها ما تحاول تصدقه بعد كل ده


جنى : ربنا يستر باين جاءت أهيه


منى : كنت فين يا ليلى ؟


جنى : مالك يا ليلى إنت كنتى بتعيطى ؟؟


منى : ليلى مالك





( وتقع ليلى مخشية على الارض مغما عليها )


وبعد فترة من فوقنها


جنى : مالك يا حبيبتى طمنينى عنك ؟


ليلى : جالى تليفون من مستشفى


منى : خير فى إيه ؟


ليلى : تامر عمل حادثة جامدة والممرضين إتصلوا بأخر نمرة إتصل بيها


جنى : وبعدين


ليلى : كانت أخر لحظة أشوفه فيها وأخر كلام أسمعه منه قالى


( صدقينى يا ليلى أنا مشيت مع بنات وكانوا كلهم بيتسلوا إنتى الوحيدة اللى كانت نيتك كويسة معاية صدقينى أنا غلطت كثير فى حياتى إدعيلى إن ربنا يسامحنى ويغفرلى سيئاتى أنا إنسان إتربيت يتيم وأمى ربتنى أحسن تربية ولكن أنا اللى قضيت على نفسى بإيدى .... إدعيلى )


وفجأة لقيته سكت ناديت لدكتور قالى إنه فى غيبوبة تعتبر غيبوبة الموت الحادثة كانت خطيرة إدعيله


وأنا راجعة إليكم إتصلوا بى ثانى وأخبرونى بخبر الوفاة


خلاااااااااص يا منى إرتحتى تامر مات خلاص تامر مات
http://files.fatakat.com/bigsmilies/mood12.gifhttp://files.fatakat.com/bigsmilies/mood12.gifhttp://files.fatakat.com/bigsmilies/mood12.gif


منى : إهدى يا ليلى


جنى : يا حبيبتى إهدى كده هتتعبى ثانى بصى نامى دلوقتى وإرتاحى


ليلى : أنام إزاى ؟ وهو كان كل حاجة فى حياتى


منى : نامى يا ليلى وما تفكرى فى حاجة خالص


..................



وعدت الأيام



وليلى تصلى ليلا ونهارا بأن الله يغفرلها خطيئتها ويغفر لتامر ويرحمه رحمة واسعة


حبيبة : قربت الإمتحانات ربنا يستر


جنى : هو إنتى أول سنة تمتحنى خايفة من إيه ؟


حبيبة : يعنى حاسة السنة دى صعبة وشكلى كده مش هاجيب تقدير


منى : لا إن شاء الله هتجيبى تقدير أما بالنسبة لى فخلاص أخر سنة لى وما عدش هشوفكم ثانى


جنى : أنا بالنسبالى هشوفك علطول


منى : إزاى يعنى ؟؟
http://files.fatakat.com/bigsmilies/mood25.gif


جنى : هتعرفى كله فى الوقت المناسب
http://files.fatakat.com/bigsmilies/mood0.gif


حبيبة : إنتى عملنا مفاجئة ولا إيه ؟؟؟


جنى : هى مش مفاجئة ولكن خبر منى هتقولكم عليه قريب
http://files.fatakat.com/bigsmilies/mood0.gif


منى : أنا !!
http://files.fatakat.com/bigsmilies/mood25.gif


ليلى : ما تقولنا عليه دلوقتى يا منى


منى : هو أنا أعرف حاجة عشان أقولكم
http://files.fatakat.com/bigsmilies/mood25.gif


جنى : ههههه خلاص خلاص سيبوها على ربكم
http://files.fatakat.com/bigsmilies/mood0.gif





يا ترا إيه الخبر اللى مخبيها جنى ؟؟؟



تابعونا




فى الحلقة الجاية

pr!nce$ & $o$o
24-09-2010, 10:03 PM
الحلقة 25





عريس متقدم






حبيبة : تليفونك بيرن يا جنى



جنى : السلام عليكم إزيك يا يوسف ؟؟



يوسف : الحمد لله إنتى عاملة إيه ؟؟



جنى : الحمد لله



يوسف : أنا كنت بكلم ماما دلوقت على النت مصممة تخطبلى وأنا مش عاوز أخطب إلا لما أنزل وكمان بتقولى حاجزة عروسة قولتلها مين ؟؟ قالتلى اسأل جنى وهى هتقولك



جنى : هههههه اه عروسة زى القمر وفيها كل الصفات اللى إنت عاوزها
http://files.fatakat.com/bigsmilies/mood0.gifhttp://files.fatakat.com/bigsmilies/mood1.gif



يوسف : مين ؟؟
http://files.fatakat.com/bigsmilies/mood4.gif



جنى : منى صحبتى فى كلية هندسة فى سنة خامسة مع أحمد جارنا



يوسف : وإنتى كلمتيها فى الموضوع ده ؟؟



جنى : لا طبعا عمرى مش هكلمها إلا لما تعرف إنت الأول



يوسف : بس أنا لازم أنزل الأول عشان أشوفها وكده يعنى



جنى : ما أنتوا هتشوفوا بعض فى الصور إنت الأول تخلى بابا يتقدملها رسمى ويحكيلهم على ظروفك ولما تنزل نعمل خطوبة



يوسف : والله كل ده دا إنتى مخططه كل حاجة بقى



جنى : طبعا دا إنت أخوى الوحيد



يوسف : ماشى هشوف كده الموضوع مع بابا بس إنتى واثقة فيها ؟



جنى : والله يا يوسف أنا بقالى 4 سنين معاها وهى بجد بنت كويسة جدا قليلة فى زمانا ده



يوسف : ربنا يسهل



جنى : بس أنا من رأى لما بابا يروح لبابها ويوافقوا تكلمها على النت لغاية ما تنزل



يوسف : ربنا يسهل سيبها على ربك



جنى : يعنى أكلمها



يوسف : ماشى خلاص بس حاولى بطريق غير مباشر تسأليها وأكيد أهلها لما بابا يروحلهم هيقوللها ويأخذوا رأيها



جنى : ماشى يا عريس



يوسف : ماشى يا لمضة . سلام



جنى : سلام



حبيبة : جنى إنتى كنتى بتكلمى أخوكى ؟؟



جنى : اه



حبيبة : وسامح عامل إيه ؟



جنى : والله نسيت اسأله معلشى



حبيبة : ما فيش مشكلة يا قمر

........................



جنى : منى إنتى لو إتقدلك عريس فى الفترة دى هتوافقى ولا إيه ؟؟



منى : ليه إنتى جايبلى عريس ؟



جنى : أنا بسأل سؤال عادى



منى : يعنى كله قسمة ونصيب ولو هو نصيبى خلاص



جنى : قصدى هتوافقى مبدئيا إنك تتخطبى



منى : ليه الأسئلة دى كلها ؟



جنى : بصراحة يا منى فى واحد هيتقدلك إن شاء الله قريب



منى : وإنتى تعرفيه ؟؟



جنى : يعنى مش أوى



ليلى : ألف مبروووك يا منى



حبيبة : ألف مبرووووك يا قمر عقبالك يا جنى عقبالك يا ليلى



منى : ألف مبروك على إيه إنتوا أكيد مجانين أنا عمرى ما هوافق على خطوبة إلا بعد الإمتحانات



حبيبة : ماشى بس موافقة مبدئيا



منى : لما أشوفه الأول هو مين ؟ وعامل إزاى ؟



وبعدين أبقى أحدد



ليلى : إن شاء الله



( ليلى تهمس جنى )



ليلى : مين ؟؟



جنى : هو إيه اللى مين ؟؟



ليلى : العريس



جنى : لما العروسة تعرف الأول أبقى أقولك


استنواااااا
فى الحلقات الجاية

pr!nce$ & $o$o
24-09-2010, 10:04 PM
الحاجة سامية : لا أحمد ما قاليش على إسمه بس تعرف يا أبو سامح أنا عندى إحساس إنه أيمن زميله أصل بصراحة أنا كنت بتمنى الولد ده يكون جوز بنتى ولد جدع كده وكله أخلاق وذوق



الحاج فتحى : ربنا يسهل يا حاجة حبيبة لسة صغيرة ومش عاوزين نستعجل عليها



الحاجة سامية : على رأيك يلا ربنا يوفقهم يارب ونشوف عيالهم



الحاج فتحى : يارب








يا ترا ماذا سيحدث لهؤلاء الشباب




هل سوف كل منهم يحقق حلمه أم الدنيا تقف أمامه ؟؟




تابعونا

pr!nce$ & $o$o
24-09-2010, 10:06 PM
الحلقة 27





ربنا كريم





الحاج حسن : بص كده يا حاج إحنا مش مستعجلين يعنى يوسف لسة شهر كده لغاية ما ينزل يكون منى خلصت إمتحانات



أبو منى : اه إحنا هنأخذ رأى منى الأول وبعدين هنبقى نخليهم يكلموا بعض على النت بس مرتين بس مدام بتقول يوسف هينزل كمان شهر



الحاج حسن : خلاص ماشى وإحنا منتظرين رأى العروسة وبراحتكوا خالص فى التفكير



أبو منى : والله يا حاج حسن ولد كويس ويتمنها أى بنت وربنا ييسر الحال



الحاج حسن : ماشى يا أبومنى منتظرين موافقتكم .. مع السلامة



............



أم منى : يا حاج ما ينفعش نكلمها فى موضوع خطوبة قبل الإمتحانات



الأب : وإحنا هنعمل حاجة مجرد بس هنأخذ رأيها وتصلى إستخارة عشان نقول لناس رأينا



الأم : بس كده هنشغلها عن الإمتحانات



الأب : خلاص بصى الحاج حسن مش غريب أنا هقوله يصبر شوية علينا فى الرد وهما أصلا مش مستعجلين



الأم : ماشى يا أبومنى كده كويس



..............



الحاجة نادية : كان عايزك ليه أبو منى ؟



الحاج حسن : يعنى كان بيقولى مش هيعرفوا يأخذوا رأى منى دلوقتى عشان الإمتحانات وكده وبيقولى بعد الإمتحانات إن شاء الله



الحاجة نادية : بس والله كده كويس يوسف كلمنى النهارده وقالى معاد رجوعه إتأجل ثانى عشان حبة ظروف وقالى ممكن شهرين كده أو شهر ونص تبع الظروف



الحاج حسن : والله ربنا كريم بيدبر الأمور واللى فى خير إن شاء الله هيحصل



.............



أحمد : بجد يا سامح يعنى ممكن بعد ما أخلص الكلية الشركة اللى إنت فيها هتبعدلى



سامح : بص الشركة عندنا محتاجة ناس جديدة بس خلى بالك بيدوروا على تقديرات السنين يعنى إنت ما شاء الله تقديراتك كويسة فى 4 سنين شد حيلك فى السنة دى



أحمد : إن شاء الله بجد فرحتنى يا سامح بالخبر ده إستنى بقى أناديلك ماما وبابا تسلم عليهم



سامح : قولى الأول لسة بتفكر فى موضوع جنى



أحمد : طبعا يا سامح إنت عارف أكيد إنى ناوى أتقدملها بس الظروف بس إدعيلى يا سامح تكون من نصيبى



سامح : بدعيلك يا أحمد إن شاء الله إنت بس شد حيلك وإعمل اللى عليك وربنا مش هيخذلك إن شاء الله وأنا هحاول أفتح حوار مع يوسف فى الموضوع ده



أحمد : بجد



سامح : اه بجد وممكن لو حصل نصيب يا سيدى نعمل خطوبتك مع خطوبة يوسف أخوها



أحمد : هو يوسف هيخطب



سامح : اه يعنى فى موضوع كده متقدم لمنى زميلتك بس لسة الموضوع ماشى



أحمد : بجد ربنا يوفقه وييسره أموره



سامح : ماشى يلا ناديلى ماما وبابا وحبيبة عاملة إيه واحشتنى اللمضة دى



أحمد : ههههه والله علطول إنت ظالم حبيبة دى على ما إنها أطيب واحدة فينا



سامح : أنا بهزر هى عاملة إيه ؟ طمنى



أحمد : كويسة الحمد لله فى موضوع كده بخصوصها كنت هكلمك فيه بس مش وقته هناديلك بابا وماما



سامح : ماشى



..........................



منى : يلا الحمد لله أول يوم فى الإمتحانات عدى بسلام عقبال باقى الأيام



ليلى : دا بالنسبالك إنتى بس إمتحان العملى بتاعى بتاع إمبارح حاسة كده هنزل فيه جامد



جنى : توقعى الخير وربنا يستر



حبيبة : يعنى يا منى هتخلصى معانا ولا إمتى بالظبط ؟



منى : يعنى على نهاية 1 كده



ليلى : معانا يعنى بس ممكن يكون إحنا بعدك بيومين ولا حاجة



جنى : أيام الإمتحانات دى بتكون بالنسبالى كابوس بجد ببقى قلقانة ومتوترة فيها خالص بخس وبتبقى حالتى حالة



ليلى : كلنا كده بس بشوف بنات والله ما شاء الله عليها أيام الإمتحانات مش فارقة معاها



منى : بصى يا بنتى هى بتبقى والله تبع التعود يعنى إتعودى على شيلان الهم هتشيله إتعودى على برود الأعصاب هتلاقى أعصابك باردة يعنى كله تبع ما تعودى نفسك



جنى : والله عندك حق يا منى بس سعات الحاجات دى بتكون مكتسبة من الأهل يعنى أنا من النوع العصبية وأيام الإمتحانات ببقى تعبانة ومتوترة زى ما قولتلكم كده طالعة لأمى فى النقطة دى



ليلى : يلا سيبكم من الكلام ده وتعالوا نأكل عشان نكمل مذاكرة



البنات : ماشى إستعن بالله





تابعونا



فى



حلقات حب من نوع خاص

pr!nce$ & $o$o
24-09-2010, 10:09 PM
الحلقة 28




يااااااااااااااااارب










أحمد : تعرف ياأيمن نفسى فى اليوم اللى أكون خلصت فيه الكلية وإتعينت فى وظيفة كويسة وأتقدم لجنى



أيمن : هانت يا ميدو .. الأيام بتجرى



أحمد : اللى مخوفنى بعد صبرى دا كله جنى ترفض أو أهلها يرفضوا



أيمن : مش قولنا عايزين إيمانا بالله يكون أقوى من كده وفى الأول وفى الاخر كل شىء قسمة ونصيب



أحمد : طبعا مؤمن بالله ومؤمن بالقدر والنصيب بس يأيمن غصب عنى الحب صعب بجد ولما تحب حد وتعيش على حلم إنه هيكون ليك وفى الاخر تلاقى الحب ده سراب . يااااااااااااااااه حاجة صعبة أوى



أيمن : حاسس بيك والله معلشى اصبر وصدقنى نيتك الخير دى واللى خلاك تبعد عن جنى عشان تمشى معاها رسمى وما تغضب ربك بنيتك دى إن شاء الله ربنا هيحققلك حلمك وهتكون من نصيبك



أحمد : ياااااااااارب ياأيمن بدعى علطول إدعيلى ياأيمن



أيمن : إن شاء الله هتكون نصيبك



..................




أحمد : بتكلم بجد ياسامح



سامح : اه والله يابنى هتخلصلى الرصيد بقالك كثير بتكلم أقسملك بالله إنى كلمته فى موضوعك



أحمد : وقالك إيه ؟؟



سامح : مش قولتلك قالى إيه ؟ هعيد ثانى



أحمد : ما تقلق على الرصيد هبقى أشحنلك قول ثانى وريحنى



سامح : قالى ياسيدى إنه مش هيسيبك وهيقف جنبك فى موضوعك وبيقولك إن شاء الله إنت بس تخلص كليتك وهيكلم باباه فى الموضوع



أحمد : مش ممكن يارب أخيرا دعائى بيستجب



سامح : عشان تعرف وتصدقنى لما قولتلك إنى وأنا فى العمرة دعتلك كثير خالص



أحمد : ربنا يخليك لى يارب يا سامح بجد مش عارف أقولك إيه



سامح : قول الحمد لله



أحمد : الحمد لله



سامح : يلا مع السلامة بقى ولو دخلت على إيميلك من أى سنترال رن على



أحمد : ماشى . مع السلامة




......................




جنى : أخيرا الحمد لله ماعدشى إلا أسبوع ونكون خلصنا



ليلى : الحمد لله بس الأسبوع اللى جاى ده أصعب أسبوع بالنسبالى



حبيبة : ليه مواده ثقيلة ؟



ليلى : أصلا مواد رابعة كلها ثقيلة بس المادتين اللى جايين دول أصعب حاجة وفى فى وسطهم عملى



حبيبة : الله يبشرك بالخير



جنى : لا يا بت يا حبيبة ما تخافى هى بس رابعة عايزة مذاكرة أول بأول عشان أكثرها حفظ وفى مادة مليانة معادلات رهيبة



حبيبة : الله يبشركم ويطمنكم بالخيردايما



منى : هههههههههه جيتى تحليها هقعديها



جنى : يلا قوموا يا بنات ذاكروا وسيبوها على الله



ليلى : تعرفى يا جنى إنبارح حصل معى موقف غريب أوى



جنى : خير .. موقف إيه ؟؟



ليلى : إنبارح بعد ما طلعت من الإمتحان طبعا أنا طلعت قبلك بحبة



جنى : اه وبعدين



ليلى : وأنا نازلة أستناكى تحت قابلت الدكتور ..... خالد وقعد يتكلم معاية وفى وسط الكلام سألنى عليكى وقالى لو عوزتوا أى حاجة أنا تحت أمركم



جنى : بس كده



ليلى : اه بس



حبيبة : غريبة يعنى وهو ليه يسأل على جنى



منى : اظن موقف عادى هو إتكلم مع ليلى وسألها على جنى مجرد كلام عادى دكتور وبيطمن على تلاميذه



ليلى : أنا كنت مستغربة خالص بس فرحت قولت ممكن أطلب منه يشرحلى أنا وجنى بعض حاجات فى المادة الجاية أصل المادة الجاية تخصصه



جنى : والله ودا بقى قرارك إنتى أخذتيه كده



ليلى : لا طبعا لازم توافقى



جنى : طبعا لا مش راحة



ليلى : ليه يعنى لا



منى : يا ليلى موقف جنى محرج وما ينفع يا حبيبتى تروح



ليلى : ما ينفع ليه الرجل طلب يساعدنا وهو عارف إن أكثر التلامذه بيشتكوا من المادة دى



جنى : بص براحتك روحى بس أنا مش جاية



منى : خلاص يا ليلى خذى أى أحد وروحى لو محتاجة الشرح ضرورى على ما إن ما فيش وقت لشرح حاجة



حبيبة : بص يا ليلى أنا برده عايزة حاجات بسيطة كده مش عارفة ممكن يقدر يشرحهالى ولا لا



جنى : خلاص روحى إنتى وحبيبة



ليلى : ماشى خلاص



جنى : بس هترحوله فين ؟



ليلى : اه صدقى ما جات على بالى



منى : أنا رأى بصراحة بقى بلاش لأنى مو مقتنعة بالموضوع الدكتور خالد شاب صغير وخبرته مش عال أوى يعنى إنتوا مش فاهمين من الدكتور بتاعكم هتفهموا منه الماده فى حد ذاتها صعبة فذاكروا وسيبوها على ربنا ويلا قفلوا على الموضوع وقوموا ذاكروا



ليلى : ماشى خلاص هذاكر وخلاص



جنى : مش عارفة والله هذاكر إزاى بعد الموضوع ده تفتكروا هو ليه سأل على ؟



منى : يا جنى عادى سؤال عادى أكيد نيته خير



جنى : إحساسى بيقولى إنه حاططنى فى دماغه وناوى على شىء



ليلى : ناوى على شىء شر يعنى



منى : إنسى الموضوع يا جنى وما تعطيه أكبر من حجمه



جنى : ماشى ربنا يستر






يا ترا يا هل ترا إحساس جنى صح ولا مجرد قلق عادى ؟؟




هنعرف كل ده فى الحلقات الجاية





تابعونا

beautiful angle
24-09-2010, 11:33 PM
جد حلقات جامده ياسوسو تسلمى كمليها بسرعه

passant
25-09-2010, 03:33 AM
merci ya amr montzra el ba2y

Princess Noor
28-09-2010, 03:23 PM
كملي ياسوسو وياريت ما تتاخريش تاني ياقمر لاننا بنقلق عليكي كده وياريت تبقي تبعتيلي اللينك لاني مش بدخل الايام دي كتير علشان الدراسه ففي اي وقت هدخل عايزة اشوف تكملة القصه يلا مستنيه الرابط ياقمرايه

m!ss b!nk
28-09-2010, 03:58 PM
حلقات وقصة أكتر من راااااااااااااااااااااااااااائعة
تسلمى يا قمر
ويا ريت تكمليها بسرعة

MooLeee
29-09-2010, 03:22 AM
يلا ياقمر كملى


هى فاضلها كتير ؟؟

pr!nce$ & $o$o
30-09-2010, 08:05 PM
الحلقة 29




جنى والمستخبى لها





وعدى الأسبوع بسلام


وفى أخر أيام الإمتحانات




حبيبة : الحمد لله ألف مبروك عليكم يا جماعة عقبال النتيجة يارب


جنى : يارب يا حبيبة تكون النتيجة كويسة


حبيبة : إن شاء الله هتكون مية مية


ليلى : أهم حاجة بس ننجح فى اخر مواد إمتحنا فيها


حبيبة : إيه يا ليلى إنتى دايما مبشرة شر كده


ليلى : يا حبيبة والله المواد كانت صعبة وخايفة موت من اخر مادتين


جنى : إن شاء الله هننجح فيهم ياليلى أبشرى خير بس


ليلى : ما أنتى يا أبلة جنى لو كنتى وفقتى نروح لدكتورخالد يشرحلنا كنت زمانى مش قلقانة أوى وكنت حليت أحسن من كده


جنى : أنا مش ضربتك على إيديك ياليلى وقولتلك لو عاوزة تروحى روحى




وفجأة يصدر صوت غريب من بعيد


يا ترا مين ؟؟




....... : السلام عليكم يا بنات


جنى : مين ؟؟


ليلى : الدكتور خالد أهلا بحضرتك


خالد : أهلا بيكم إنتم إزيكم ؟ إيه أخبار الإمتحانات معاكم ؟؟


حبيبة : الحمد لله يا دكتور


خالد : إزيك يا جنى ؟


جنى : الحمد لله إزى حضرتك ؟


خالد : الحمد لله بخير ما دمتى إنتى بخير


جنى : فى سرها ( إستر يارب يا ترا فى دماغك إيه يا خالد )


ليلى : بقولك يا دكتور هو حضرتك اللى هتبقى علينا فى الترم الثانى ؟


خالد : اه ممكن لأن الدكتور محمود ممكن يسافر


ليلى : بجد والله خبر كويس


جنى : ماشى يا دكتور هنستأذن حضرتك عشان مستعجلين


خالد : ماشى إتفضلوا بس يا جنى كنت عاوزك فى موضوع كده


جنى : بقلق .. خير موضوع إيه حضرتك ؟؟


خالد : يعنى موضوع خصوصى شوية


ليلى : خلاص يا جنى إحنا هنسبقك أنا وحبيبة


جنى : لا إستنوا أنا اسفة يا دكتور ما فيش مواضيع بينى وبين حضرتك تتقال


خالد :لا فى موضوع يا أنسة جنى ممكن لو سمحتى مش هأخذ من وقتك كثير


جنى : إتفضل قول ليلى وحبيبة مش غراب بالنسبالى


خالد : بإحراج . ماشى يا جنى إتفضلى دلوقتى والموضوع يتأجل بس المشكلة إنى مش هشوفك ثانى


ليلى : لا يا دكتور لسة يوم النتيجة إن شاء الله


جنى : تنظر إلى ليلى بحزم وتقولها يوم نتيجة إيه ؟ ولا نتيجة ولا أى وقت ثانى لو حضرتك عاوز تقول دلوقتى إتفضل مش عاوز خلاص


خالد : خلاص إن شاء الله يوم ما تظهر النتيجة أنا هجبهالك وأجى البيت أسلم على والدك وأكلمك فى الموضوع


جنى : فى سرها ( يارب صبرنى أقوله إيه ده بس ) ماشى يا دكتور مع السلامة


خالد : مع الف سلامة



.................



ليلى : إيه قلة الذوق دى بس بصراحة ما فيش قلة ذوق أكثر من كده يابنتى إنتى فاكرة نفسك مين ؟ دا دكتور فى الجامعة فاهمة يعنى إيه ؟ يعنى ممكن بس أمر منه يشيلك مادته إنتى أكيد بتستعطبى


جنى : أنا برده اللى بستعبط إنتى تسكتى خالص بقى لأنك السبب


ليلى : أنا ! ليه بقى إن شاء الله


جنى : أنا فنفسى أعرف إنتى عايزة توصلى لإيه بالظبط


ليلى : أوصل لإيه !! مالك يا جنى فى إيه براحة أنا نيتى كلها خير ليكى والدكتور شاب كويس وممكن يكون فى نصيب ترجعيله ثانى


جنى : إنتى أكيد إتجننتى لا مش ممكن


ليلى : امال إنتى فاكرة عايزك فى إيه ؟


جنى : أنا عمرى ما هوافق أرجعله ثانى أرجع لشخص باعنى بسهولة ما عرفش قيمتى مجرد كلام يأثر عليه وكمان ياريت يتأكد من صحته لا مش ممكن إسكتى يا ليلى الله يسامحك


حبيبة : خلاص يا ليلى قفلى على الموضوع ده


جنى : هو اللى فاكر نفسه مين أنا مش ممكن أرجعله دلوقتى وأقولها فى وشه والله فاكر بنات الناس لعبة


ليلى : خلاص يا جنى إهدى بس


جنى : أهدى إهدى إيه بعد حرق أعصاب أنا بصراحة مش عارفة هو بيفكر إزاى ؟


ليلى : ممكن يكون إتغير وعرف غلطته


حبيبة : الله أعلم والله ممكن يكون فاكر نفسه بقى عشان مكانته كبرت فى الكلية فاكر إنه ممكن يشترى أى بنت


ليلى : مالك يا حبيبة إنتى كمان مندفعة عليه كده ليه ؟؟


جنى : عندها حق ولو سمحتى ياليلى قفلى على الموضوع ده أنا بجد تعبت والله تعبت


حبيبة : معلشى يا حبيبتى إبتلاء اصبرى يلا نمشى من الكلية


جنى : أنا مش عاوزة أجى الكلية دى ثانى ما دام هو موجود فيها


ليلى : إهدى يا جنى الأمور مش بتتأخذ كده


جنى : ههه أمال بتتأخذ إزاى بقى


ليلى : تعالى نمشى وهفهمك هناك


جنى : أما نشوف






يا ترا تفتكروا طريقة تفكير خالد إيه ؟


يا ترا زى ما بتقول جنى ولا ليلى ؟؟


يا ترا الأمر عادى ولا فى حاجة غامضة ؟؟؟


يا ترا حلم أحمد هيتحقق ولا فى الاول وفى الاخر زى ما بنقول


كل شىء قسمة ونصيب ؟؟؟؟


ميت سؤال وسؤال هل نحن الذى نحدد قدرنا أم القدر الذى يحدد طريقنا ؟؟؟؟؟




هنعرف كل ده فى الحلقات الجاية

pr!nce$ & $o$o
30-09-2010, 08:08 PM
الحلقة 30




اليقين بالله (1)





حبيبة : السلام عليكم . إزيك يأحمد ؟


أحمد : وعليكم السلام إزيك يا حبيبة إيه أخبار الإمتحانات معاكى ؟


حبيبة : الحمد لله ماشية بص أنا خلصت النهاردة


أحمد : كويس ماشى


حبيبة : إنت فين دلوقتى ؟


أحمد : أنا مفروض كنت أروح البلد إنبارح ما أنتى عارفة إنى لسة مخلص إمتحانات إنبارح بس قولت أقعد شوية مع زملائى لغاية ما تخلصى إنتى


حبيبة : كويس أنا عايزك تيجى تفوت على لما تيجى تروح بس تتصل بى عشان أجهز نفسى


أحمد : ماشى بس جنى هتروح لوحدها


حبيبة : لا معانا أنا عايزك تقرب منها الفترة دى بذات


أحمد : غريبة يعنى ليه ؟


حبيبة : الموضوع كبير مش هينفع فى التليفون بس حاول وإحنا مروحين إتكلم معاها وفتحيها فى موضوع الخطوبة ماشى عشان يبقى عندها فكرة لما تتقدملها رسمى


أحمد : حبيبة فى إيه ؟؟ طمنينى


حبيبة : ما تقلقش فى كل خير بس إنت بس تعمل اللى عليك يلا سلام دلوقتى


أحمد : سلام هكلمك ثانى


.................



جنى : وصلنا اهوه يا أبلة ليلى فهمينى بقى الأمور بتتأخذ إزاى


ليلى : بصى يا جنى ايه كان السبب فى فسخ خطوبتك من خالد ؟


جنى : طبعا عشان ربنا كاتب كده وكمان مرأة عمى ربنا يرحمها...........
http://files.fatakat.com/bigsmilies/mood15.gif


ليلى : شوفتى إنتى قولتى إيه الله يرحمها


جنى : قصدك إيه وضحى


منى : ما تفهمونى يا بنات بتكلموا فى إيه يعنى أنا مستنياكوا عشان أسلم عليكم قبل ما أروح تقعدوا تكلموا وتسيبونى


جنى : ليه إنتى هتروحى النهاردة ؟


منى : امال هقعد وكمان إنتوا مفروض تقوموا تجهزوا حالكم عشان نروح سوا


ليلى : بس إحنا متفقين إننا هنقضى اليوم ده مع بعض ونخرج نتمشى شوية


منى : أصل ماما إتصلت بى وقالتلى إنها عايزنى فى موضوع مهم ولازم أنزل ضرورى


حبيبة : يعنى الموضوع ده ما ينفعش يتأجل يوم يا منى دا أنا ما بصدق أخرج مع حد يا بنتى أنا فى الأجازة ببقى قاعدة فى البيت وطبعا أنا البنت الوحيدة فببقى مضحونة فى شغل البيت كل يوم لولا أحمد أخى ربنا يكرمه بيخرجنى سعات كده


منى : ربنا يكرمه ويوفقه ويخلهولك يارب أحمد جدع ما شاء الله عليه


ليلى : إحنا فى أحمد دلوقتى خلينا فى موضوعنا إتصلى يا منى بمامتك وقولليها هاجى بكرة ماشى


منى : ماشى خلاص قولولى بقى إيه الموضوع اللى كان معصب جنى كده


جنى : هو فى غيره موضوع الزفت خالد


ليلى : ليه بقى بتغلطى فيه مش كفاية قلة ذوقك معاه


جنى : قفلوا على الموضوع ده بقى أنا تعبت منه والله عايزة أخرجه من دماغى


ليلى : يعنى لو إتقدملك ثانى هترفضى


منى : هو مين ده يا بنات ؟


حبيبة : الدكتور خالد


منى : ليه هو بيفكر يرجع ثانى لجنى ولا إيه ؟


ليلى : اه يا منى ياريت تقنعى جنى والله يا جماعة أنا حاسة إنه إتغير وبقى كويس


جنى : الله أعلم ولو إتغير يا بنتى أنا برده مش هوافق خلاص اللى حصل حصل ودا قدر والحمد لله إنها جات على قد كده


ليلى : عجبك كلامها يا منى


منى : جنى عاقلة مش صغيرة ودا قرار لازم هى اللى تأخذه بنفسها عشان دا قرار مصيرى يتوقف عليه العمر كله


جنى : شوفتى منى قالتلك إيه ياريت تسكتى بقى وما تفتحى الموضوع ده ثانى


حبيبة : يلا يا بنات قوموا عشان نأكل وبعدين نرتاح شوية ونخرج


ليلى : تفتكروا نخرج فين؟؟


جنى : أنا عايزة أروح فى مكان فيه خضرة ومية


حبيبة : من عنيا يا جنى هفكرك فى مكان يبقى فيه خضرة ومية ونروحه


منى : أنا أعرف منتزه جميل قريب من هنا إيه رأيكم ؟؟


جنى : خلاص اتفقنا بس فى مشكلة لسة المية


منى : ههههههه ما تقلقىش بيطل على النيل


حبيبة : إيه رأيك يا جنى ؟ إيه رأيك يا ليلى ؟


ليلى : خلاص ماشى نتوكل على الله



وبعد ساعة من الراحة والأكل والتكلم


قاموا بذهاب



وفى المنتزه



جنى : الله يا بنات الجو النهاردة حلو تعرفوا فنفسى فى إيه ؟؟


البنات : كلهم فى نفس واحد . فى إيه ؟؟؟


جنى : أقوم أجرى وألعب وأطير فى السماء


ليلى : هههه وتأخذى نجم من السماء وتروحى تهديه لحبيب قلبك


جنى : والله يا سائعة


منى : ههههه إيه يا جنى بتنكرى ليه مش دى الحقيقة


جنى : فى إيه يابت إنتى وهى هتشتغلونى ولا إيه ؟


ليلى : مش هو ده حلم العشاق


جنى : عشاق مين يا عبيطة هو أنا حبيت عشان أعشق إنتى هبلة يا ليلى


حبيبة : إحنا هنفضل قاعدين كده قوموا نتمشى شوية



وفجأة جنى تنظر أمامها


تلاقى ..........


................





يا ترا مين اللى جنى لقيته ؟؟


يا ترا إيه اللى مكتوب لجنى ؟؟


كلنا بنسأل لأنفسنا سؤال واحد


يا ترا نصيبى مين ؟ يا ترا مين اللى هيبقى زوجى وعمرى وحياتى وحبى ؟؟


يا ترا مين اللى هيبقى أبو عيالى ؟؟؟


يا ترا يا هل ترا ؟؟؟؟





أنا أقولكم بقى مين


( الطيبون لطيبات والخابثون للخابثات )


واللى بيتقى ربنا فى حياته فى السر والعلن ربنا ما بيسيبه وبيرزقه بالخير


يلا بلاش نفكر كثير


ونخلى النصيب هو اللى يحدد هو مين فارس الأحلام ؟



تابعونااااااا

beautiful angle
30-09-2010, 08:55 PM
بجد جميله اوى ياسوسو الحلقه بس صغنونه خالص ياريت تزويديها بكره ماشى

pr!nce$ & $o$o
01-10-2010, 03:38 PM
الحلقة 31







اليقين بالله ( 2 )









جنى : مين ؟؟ أحمد



.......: السلام عليكم يا بنات



البنات : وعليكم السلام



حبيبة : أحمد ايه المفاجأة العسل دى



أحمد : يبتسم .. عايزك شوية يا حبيبة



حبيبة : ماشى عن إذنكوا يا بنات



أحمد : إيه الأخبار ؟؟



حبيبة : الخطة ماشية مظبوط يا باشا عشان تعرف مين حبيبة ؟




أحمد : ههه ماشى يا دكتورة فهمنى بقى عملتى إيه ؟؟



حبيبة : ما فيش حكيت لمنى كل حاجة وقالتلى هتقف جنبى وتحاول تكلم جنى فى الموضوع وتشوف كده



أحمد : وبعدين



حبيبة : ولا قبلين بس مش عارفة يا أحمد إنت هتعرف تكلمها إزاى هنا



أحمد :بصى عشان بس ما تتحرجش تقعد معى إنتى هتقعدى معانا



حبيبة : إيه دا كده هبقى عازل ما بينكم



أحمد : عازل ايه يا حبيبة بس إدعى إنها توافق مبدئيا لغاية ما أمشى فى الموضوع رسمى أنا خايف يا حبيبة تروح لحد غيرى



حبيبة : ما تقلقش هى اصلا مش حاطة فى دماغها



أحمد : بس إنتى قولتلى إن خالد ناوى يرجعلها ثانى



حبيبة : وهى مش بطيقه ولا بطيق سرته



أحمد : ربنا يستر



حبيبة : إستنى بقى أقولها كده



أحمد : شكل منى بتقولها أهى



وينظر أحمد يلاقى جنى تمشى متوجهة إليهم ويحمد الله



جنى : السلام عليكم إزيك يا أحمد ؟



أحمد : الحمد لله إزيك إنتى يا جنى ؟ وايه أخبار الإمتحانات معاكى ؟



جنى : الحمد لله تمام وإنت ؟؟



أحمد : الحمد لله جنى ممكن لو سمحتى أكلمك فى شىء بس أرجوكى ما تقفليش الموضوع فى وجهى إستنى أخلص كلامى وبعدين قولى رأيك



جنى : ماشى يا أحمد إتفضل



حبيبة : أنا هروح للبنات



أحمد : ماشى يا حبيبة بس ما تبعديش أوى عنا


...........................



جنى : إتفضل يا أحمد



أحمد : طبعا فاكرة الموضوع اللى كلمتك فيه من سنتين



جنى : اه فاكرة



أحمد : أنا إن شاء الله الترم ده بس وأتقدملك رسمى بس عايز أشوف رأيك الأول قبل ما ابدأ فى أى خطوات



جنى : بص يا أحمد إنت شاب كويس وأنا بجد إحترمتك أكثر من الأول بس



أحمد : بس إيه ؟ قولى



جنى : ما فيش



أحمد : قولى يا جنى بس إيه ؟



جنى : مش عارفة خايفة



أحمد : من إيه ؟



جنى : من المستقبل



أحمد : بص يا جنى طول ما انتى فى حمى ربك ما تخافى من شىء وإن شاء الله أنا هوعدك إنى هسعدك وهكون زوج صالح لكى وهعملك بكل ما يرضى الله



جنى : أنا خايفة من الجواز



أحمد : من إيه ؟ الجواز ليه يا جنى ؟



جنى : خايفة يأحمد لأشيل مسئؤلية مش قدها أنا من النوع الحساس شوية بأخذ بعض الأمور بشكل كبير بس موضوع الجواز ده كبير أصلا دلوقتى أى بنت فنفسها تتجوز وتعيش فى أسرة ويكون عليها راعى والكلام ده كله بس خايفة إنى ما أعرف أقضى حق زوجى على وحق أولادى خايفة ما عرفشى أحسن تربية أولادى خايفة أقصر معاهم خايفة قوى فنفسى وبحلم إن أولادى يكونوا ذرية صالحة لى ولزوجى يدخلونا الجنة بس الزمن ده صعب أوى البيئة بتأثر أكثر من الأسرة بقينا فى مجتمع السائد فيه الفساد خايفة أربى أولادى تربية كويسة ولما يجى اليوم اللى يطلعوا فيه للعالم يتحولوا إلى أشخاص ثانيين



أحمد : كل الأمور دى بتيجى بتوكل على الله واليقين بالله والعمل بالأسباب وإحنا لازم نكون إجابيين ونقرء كثير ونعرف إزاى ندبر حياتنا



جنى : أنا عارفة إنك زمانك بتقول إيه البنت المعقدة دى بس والله ياأحمد أنا اللى بشوفه حولى هو اللى مخوفنى من بكرة



أحمد : سيبى بكرة لله وما تفكرى فى شىء وما تخافيش طول ما أنا معاكى هبقى معاكى إيد بإيد وإن شاء الله إن شاء الله وبإذن الله هنبقى أسرة سعيدة متحبة متعاونة نسعى إلى طاعة الله معا



جنى : ياااارب



أحمد : أنا بس عايز اسألك إنتى معجبة بى ومرتاحة لى ولا لا



جنى : بالنسبة للإعجاب وللإرتياح فموجودين



أحمد : الحمد لله معلشى بقى هبقى طماع شوية يعنى بتحبينى



جنى : أكيد الحب هيجى مع الوقت وأجمل شىء لما يبقى الحب مخزون للجواز



أحمد : ماشى يا جنى أنا كده هبدأ وأنا مرتاح



جنى : تبدأ فى إيه ؟



أحمد : فى التقدم لكى رسمى يا ست البنات



جنى : بخجول .. ست البنات



أحمد : اه ست البنات فيها حاجة دى



جنى : ممكن اسألك سؤال ؟



أحمد : عارفه



جنى :بجد ماشى ايه هو ؟



أحمد : إنت ليه أعجبت بى وحبتنى عن بقية البنات ؟
هو ده صح



جنى : تبتسم إبتسامة رقيقة بخجل وحياء .. اه هو



أحمد : عشان الإبتسامة دى
http://files.fatakat.com/bigsmilies/mood18.gif

pr!nce$ & $o$o
01-10-2010, 03:42 PM
جنى : بكسوف .. إيه ؟؟



أحمد : هههه لا طبعا مش عشان كده بس بص يا جنى أنا معجب بيكى من زمان ومع الوقت حبيتك وكلما زاد الإعجاب زاد الحب
أما بقى ليه إخترتك عن بقية البنات فده نصيب وقدر وكمان البنت المحترمة المتلزمة المهذبة كنز فى هذا الزمان



جنى : بس فى بنات كثير كويسة ليه فاكرين إنهم مش موجودين



أحمد : يا جنى إنتى طيبة أنا وزملائى بشوف مواهب والله وعلى فكرة أى ولد مشى مع بنت بغرض مش كويس بيفضحها بين زملاءه تعرفى كان لى زميل بيقولى شىء كنت مذهول منه .. تفتكرى كان بيقولى إيه ؟



جنى : إيه ؟؟



أحمد : فنفسى أخطب بنت ما تباست قبل كده



جنى : يالهوى



أحمد : واكتر من كده البنت اللى بترخص نفسها لأى ولد حتى لو كانت تعرفه ولكنها لا تعرف نيته هى اللى هتخسر فى الاخر والولد هيعيش حياته عادى بس طبعا كما تدين تدان ولسة عقاب الاخرة اللى منتظره مش بس عقاب الدنيا



جنى : ربنا يسترها معانا يارب



أحمد : ما تقلقيش ما دام الإنسان متقى ربه فى السر والعلن خلاص يبقى ربنا هيستره ويحميه من كل شر



جنى : يارب يأحمد



أحمد : ماشى يا جنى أنا همشى وإن شاء الله هتسمعى خبر قريب



جنى : خبر إيه ؟



أحمد : إدعى بس ربنا يسهل الأمر وإن شاء الله هتكون خطوبتنا قريب



جنى : إن شاء الله يأحمد



..............




حبيبة : مش حاسة يامنى إن موقف جنى غريب شوية



منى : غريب إزاى يعنى ؟



حبيبة : وافقت بسرعة إنها تكلم أحمد



منى : هى ما دام إطمنت إنه نيته خير وكويسة خلاص وكمان إنتى فاكرة جنى مش عندها مشاعر جنى إنسانة رقيقة جدا كلها مشاعر واللى يقرب منها يحبها هى طيبة أوى بس دماغها ناشف شوية هى بتحب أحمد وإعترفتلى بكده بس هى خايفة تصارح بمشاعرها وفى الاخر الحلم ده يروح فى ثانية وتتعب عايزة تصارح بمشاعرها يوم ما تحس وتتأكد إن خلاص الحلم إتحقق ومشاعرها مش هتروح لإنسان غريب هتروح لزوجها وحبيبها وعمرها كله اللى هتعيش معاه العمر كله اللى مش هيفرق بينهم غير الموت



حبيبة : يعنى بجد قالتلك كده إنها بتحب أحمد



منى : اه بس خليكى عاقلة وما تقولى لأحمد شىء سيباها غالية كده وثقيلة لغاية ما ربنا يسهل



حبيبة : لا ما تقلقيش بس الإنسان اللى بيحب بيبان عليه



منى : جنى من النوع اللى ممكن يكون قلبها بيتقطع وكده بس أهم حاجة ما تجرح الإنسان اللى قدامها والله يا بنتى قلبها كبير أوى هى خايفة تصارح بمشاعرها وكمان خايفة من الزمن وخايفة من القدر إن أحمد يكون مش نصيبها



حبيبة : يارب يا جنى تكونى من نصيب أحمد وتكونوا أزواج صالحة ويرزقكم بالذرية الصالحة



منى : اللهم اميييييييييييين






يا ترا دا حلم عايشين فيه ولا خلاص النصيب جه ؟؟



بس سعات الحلم لا يكتمل وبعد ما الإنسان يعيش على أمل طول حياته وفجأة يموت الحلم ده ويتحول الأمل إلى يائس وإحباط



يا ترا أحمد وجنى عايشين فى حلم ولا إيه ؟؟ يا ترا الطريق هيبقى سهل لأحمد ولا أكيد فى شىء هيقف قدامه ؟؟؟



ما هو كان خايف من حبيبته خلاص إطمن





بس يا ترا فى شىء ثانى هيقف فى طريقه ولا لا ؟؟؟؟؟؟؟







هنعرف كل ده فى الحلقات الجاية




تابعونا




فى




حب من نوع خاص

pr!nce$ & $o$o
01-10-2010, 03:43 PM
الحلقة 32





قضية مشتركة بين الشباب وهى



" إزاى هنعيش ونكون نفسنا فى هذا الزمن الذى لا يرحم "






منى : هو ده يعنى الموضوع اللى عاوزينى فيه



الأم : اه إيه رأيك فيه ؟؟



الأب : بصى يا منى ده قرار خاص بيكى إنتى بس هقولك شىء يوسف شاب كويس وقليل إنك تشوفى شباب زيه



منى : هو أنا قولت حاجة يابابا لسة إنتوا فجأتونى بس



الأم : يعنى رأيك إيه ؟؟



منى : هصلى إستخارة وأشوف



الأب : لازم تكلميه الأول عشان تصلى إستخارة على حاجة موجودة وشوفتيها



منى : ماشى يابابا يعنى إنت شايف إيه دلوقتى ؟



الأب : تكلميه على النت تتعرفى عليه وتسأليه الأسئلة اللى إنتى عاوزها وبعدين صلى إستخارة وشوفى واللى فى خير ربنا هيقدمه إن شاء الله



منى : ماشى يأبى اللى شايفه صح إعمله



الأب : ماشى هكلم الحاج حسن النهاردة وأخبره على موافقتنا مبدئيا



الأم : على البركة يا أبومنى



............




جنى : وافقى يا بت يا منى مش هتلاقى زى أخوى يوسف



منى : هههههه والله



جنى : اه والله أنا بتكلم بجد يوسف أخوى جد حبتين بس شاب كويس وأى بنت تتمناه



منى : إن شاء الله ياجنى وفى الأول وفى الأخر كل شىء قسمة ونصيب



جنى : مش عارفة ليه يا منى فى حاجة إنتى مخبيها على



منى : أنا ليه هخبى عليكى إيه ؟



جنى : متأكدة يعنى ما فيش حاجة عايزة تقوليها



منى : ما فيش حاجة هقول إيه يعنى يا جنى



جنى : ماشى يا منى أنا أعطيت إيميلك ليوسف وبيقولك هيستناكى على الإيميل النهاردة الساعة 10 بليل بعد صلاة العشاء



منى : ماشى يا جنى .. إدعيلى



جنى : بدعيلك يا قمر وإن شاء الله هتبقى مرأة أخوى وأنا هبقى عمة عليكى هوريكى النجوم فى عز الظهر



منى : حرام عليكى يا مفترية



جنى : ههههههه لا ما تخافيش منى خالص أنا طيبة أوى بس ربنا يستر بقى عليكى من أختى سهيلة



منى : اه هى عاملة ايه دلوقتى ؟ما عدش بسمع عنها أخبار



جنى : ما هو الولد عبد الله واخذ وقتها كله والله من سعات ما جيت من الكلية ما شوفتها ولا جات حتى تزورنا



منى : ربنا يعينها يارب



جنى : يارب عقبالك لما تجيبلى إبن أخوى وأبقى عمة أنا جربت الخالة لسة العمة بقى



منى : هههه ماشى يا عسل عايزة حاجة



جنى : لا سلامتك .. مع السلامة



منى : مع السلامة



............




فى بيت الحاج فتحى




أحمد : أنا كلمت يوسف إنبارح على الإيميل يا بابا



الأب : اه وبعدين



أحمد : قالى إنه هيفاتح أبوه فى الموضوع مبديئا لغاية ما أنا وانت نروح نتقدم رسمى



الأب : ماشى يا بنى بتمنى لك الخير من كل قلبى



أحمد : إدعيلى يابابا كثير مش عارف ليه حاسس إن فى حاجة هتقف أمامى فى الموضوع ده



الأب : ما طبعا يأحمد يوم ما كنت عاوز أمك كان أهلها رافضين رفض تاااام عشان ما كنتش جاهز بس ما يئست ومشيت وكملت والحمد لله وصلت



أحمد : يارب يارب قلقان أوى يابابا



الأب : سيبها على ربك . ربك كريم وقادر على كل شىء



...............




فى بيت الحاج حسن




الأب : عملت إيه يا يوسف كويس إنك إتصلت كنت رايح لسة أنام



يوسف : الحمد لله يابابا منى شكلها بنت كويسة وأنا إرتحتلها



الأب : يعنى خلاص



يوسف : انا كلمت منى وقولتلها لو عاوزة نتكلم ثانى عادى وكده يعنى



الأب : اها يعنى لسة كمان مرة وبعدين نروح نتفق على كل شىء



يوسف : مش عايزين نستعجل انا قولتلها براحتك خالص صلى إستخارة وفكرى براحتك الجواز ما فيهوش إستعجال



الأب : ماشى يا بنى ربنا يوفقك بتمنالك كل خير



يوسف : ماشى يأبى وصل سلامى إلى أمى لغاية ما أكلمكم ثانى مع السلامة



الأب : ماشى .. مع ألف سلامة يا إبنى




..................




أحداث من كل شكل ونوع وكل واحد بيفكر فى قضيته ومشكلته الخاصة ولكن فى مشكلة مشترك فيها الشباب كلهم



يا ترا هى إيه ؟؟



مشكلة " الجواز "



وبذات فى هذا الزمن



زمن لا يعرف الرحمة ولا الإنسانية كل إنسان بيفكر فى نفسه فقط ما فيش إحساس بهؤلاء الشباب كل شىء غالى وبثمن غالى ما فيش شىء رخيص بنأخذه عادى لا لازم كل شىء بثمن ماذا نفعل فى قضية هؤلاء الشباب ؟؟

تابعوناااااااا

فى

حب من نوع خاص

pr!nce$ & $o$o
01-10-2010, 03:46 PM
الحلقة 33




ما زال الحلم لم يتحقق والأمل لم يموت ( 1 )





فى بيت الحاج فتحى



أحمد : حبيبة النتيجة بتاعتك وبتاعة جنى لسة عليها 3 أيام كده ياريت تقولى لجنى ما تتعب نفسها وتروح أنا هروح هجيبهالك إنتى وهى


حبيبة : ماشى يا ميدو .. ( وفى لحظة تتذكر حبيبة كلام الدكتور خالد لجنى لما قالها انا هجبلك النتيجة وأجى أزوركم )


أحمد : قومى يلا إتصلى بيها دلوقتى وقوليلها عشان ما تقلقش


حبيبة : أحمد فى حاجة كده إفتكرتها عايزة أقولك عليها بس ياريت ما تتضايقش


أحمد : قولى يا حبيبة خير


حبيبة : الدكتور خالد كان قايل لجنى إنه هيجبلها النتيجة ويجى يزور أبوها


أحمد : بتقولى إيه ؟؟؟ وساكتة من يوميها


حبيبة : ما أنا كنت ملمحالك على إنه شكله ناوى يتقدم ثانى


أحمد : شكله ناوى دا مخطط يأبلة الله يسامحك


حبيبة : إهدى بس وفكر بهدوء وإن شاء الله هتلاقى حل


أحمد : أنا لازم أروح أنا وبابا نتقدم رسمى النهاردة أنا مش هصبر لغاية ما أسمع خبر جوازها أنا فى الأول إستسلمت بس دلوقتى مش هستسلم


حبيبة : ياأحمد هدى أعصابك فكر بهدوء كده وبراحة


أحمد : أفكر بهدوء أنا هتصل بيوسف وأشوف عمل إيه ولو ما كلمش باباه أنا هروح هكلمه النهاردة وأخذ بابا معاية


حبيبة : ماشى يأحمد إتصل


...............



أحمد : السلام عليكم يا يوسف إزيك ؟؟


يوسف : الحمد لله بخير


أحمد : عملت إيه يا يوسف فى الموضوع اللى كلمتك فيه ؟


يوسف : كلمت بابا وقالى هو بس يخلص دراسة وما يشيل هم وربنا يسهل إن شاء الله


أحمد : بجد يا يوسف


يوسف : بجد إنت ليه قلقان كده ؟؟


أحمد : إزاى يا يوسف ما أقلق وأنا شاب عادى مش جاهز والظروف وإنت عارفها وأكيد هيتقدم لجنى ناس أحسن منى ميت مرة و100 % أهلك هيوافقوا على اللى جاهز وظروفه كويسة


يوسف : ما تقلق مبدأ بابا مش كده هو أهم حاجة عنده الشخص اللى قدامه يكون كويس وشارى بنته ومقدارها


أحمد : كلامك ريحنى بس برده قلقان


يوسف : من إيه ؟؟


أحمد : سمعت كده إن خالد بيفكر يرجع ثانى


يوسف : بجد مين اللى قالك الكلام ده ؟


أحمد : يعنى سمعت


يوسف : بص يأحمد الموضوع كله ما تقلقش منه عمر ما بابا يوافق برجوع خالد إحنا كنا متأكدين إنه هيحاول يرجع لإننا كنا محترمين معاه لأخر لحظة بس قل بأصله وما قدر ذلك ولا قدر أختى جنى مش عايزك تقلق خالص بابا عمره ما هيوافق وأظن كمان جنى ما هتوافق لأن نفسها عزيزة جدا والموضوع مش سهل عليها


أحمد : ربنا يستر


....................



حبيبة : يعنى هتعملى إيه يا جنى أحمد أخوى أعصابه تعبانة خالص وقلقان موت


جنى : قلقان من إيه ؟ هو متأكد إنى عمرى ما هوافق على رجوعى لخالد ومتأكد برده إن بابا عمره ما هيوافق


حبيبة : مش عارفة بس أحمد لما بيبقى قلقان من شىء بالفعل فى حاجة بتحصل


جنى : ليه إحساسه خفيف أوى كده


حبيبة : دا أخوى وانا عارفها


جنى : طمنيه يا حبيبة وقوليله لو جنى نصيبك مش هتروح منك


حبيبة : ماشى يا جنى يعنى لما خالد يجى هتعملى إيه ؟


جنى : هسيب بابا يتكلم ويتصرف هو وبابا عارف رأيى


حبيبة : ماشى يا جنى ربنا يسهل ويستر


.....................



يوسف : خلاص يابابا إن شاء الله تقدر تروح وتتفق على كل حاجة مع أبو منى لغاية ما أنزل


الأب : هتنزل إمتى إن شاء الله


يوسف : قريب يا بابا إن شاء الله . إيه رأيك يا بابا أعمل خطوبتى مع خطوبة جنى


الأب : إيه ؟؟ خطوبة جنى فين وإنت فين لسة بدرى وكمان أنا عمرى ما هوافق على خطوبة أحمد من جنى دلوقتى إلا لما يخلص دراسته ويضمن وظيفته فى الشركة عندكوا


يوسف : يعنى إيه يابابا ؟ دا أنا قولتله بابا قالى ما تشيل هم وسيبها على ربك


الأب : وليه تقوله كده خلينا ثقال عشان يعرف قيمة أختك شوفت عشان إتسهلنا مع جمال جوز أختك سهيلة فى الأول تحس إنه إتمرع


يوسف : يا بابا إحنا ما إتسهلنا معاه بس أمى وفقت عليه علطول وإستعجلتوا فى موضوع الخطوبة عشان هو عريس لقطة جاهز من كله وظيفة وشقة ودكتور قد الدنيا


الأب : إنت عارف كويس إنى عمرى ما بصيت للمظاهر بس أمك عايزة تضمن مستقبل أخواتك ودا حلم أى أم وأب يا بنى


يوسف : بس يا بابا أنا خايف من أمى لترفض أحمد تعرف لو رفضته أحمد ممكن يروح فيها دا بيحب جنى أوى دا سامح أخوه بيقولى إنه معجب بيها من أيام الثانوية


الأب : ربنا يسهل سيبها على ربك


يوسف : ماشى يابابا أول ما أحجز وأركب المركبة هتصل بيك


الأب : ماشى يا بنى توصل بألف سلامة .. مع السلامة


يوسف : مع السلامة





يا ترا ماذا سيحدث ؟؟؟


الأحداث تزداد خوفا وفى نفس الوقت الأمل موجود وعايش هى الحياة كده محتاجة صبر وأمل وتحمل مش فى أمر الحب فقط ولكن فى كل الأمور


يلا نشوف أحمد وجنى هيقبلوا هذه الظروف وضغوط الحياة بإيه





يا ترا بصبر وإيمان ؟؟

ولا يائس وإحباط ؟؟



هنعرف كل ده الحلقات الجاية

pr!nce$ & $o$o
01-10-2010, 03:47 PM
الحلقة 34





" وما زال الحلم لم يتحقق والأمل لم يموت "





فى بيت الحاج حسن




الحاجة نادية : كنت بتكلم مين يأبو يوسف ؟؟



الحاج حسن : كنت بكلم خالد



الأم : خالد !! خالد مين يا حاج ؟؟
http://files.fatakat.com/bigsmilies/mood25.gif



الأب : خالد لحقتى تنسيه بسرعة دى خالد خطيب جنى



الأم : قصدك اللى كان خطيب جنى . ماله ده ؟



الأب : بيستأذن منى بيقولى إنه جاى يزورنا النهاردة



الأم : إيه يزرونا ليه
http://files.fatakat.com/bigsmilies/mood11.gif



الأب : مش عارف والله يا حاجة بس لما قولتله خير فى حاجة ؟ قالى يعنى أصل جايب نتيجة جنى



الأم : غريبة يعنى ولو جايب النتيجة كان يقولها فى التليفون وخلاص



الأب : أكيد مش هو ده السبب الحقيقى أكيد فى سبب ثانى



الأم : تفتكر إيه يا حاج ؟؟



الأب : الله أعلم مش عايز أظن شىء سيبها لوقتها



الأم : ربنا يستر



الأب : يارب




..................




منى : وإنتى أخبارك إيه يا جنى ؟ وصلتى لفين فى موضوع أحمد ؟



جنى : الحمد لله يا منى وصلت لفين هوصل لفين يعنى اخر حاجة أعرفها إنه قلقان إن خالد يجى يتقدم ثانى



منى : ههه ما هو عارف إنك مش هتوافقى



جنى : طبعا عارف ومتأكد بس خايف من أهلى وبيقول لحبيبة إنهم عمرهم ما يفضلونى على واحد جاهز من كله



منى : بس موضوع خالد منتهى وهو أكيد عارف إن أهلك عمرهم ما يغصبوا عليكى فى حاجة



جنى : مش عارفة حبيبة بتقولى إنه قلقان ونفسيته زى الزفت



منى : ليه كل ده



جنى : تعرفى أنا حاسة بيه . الشباب دول غلابة أوى يصعبوا على الكافر والله



منى : ما يصعب عليكى غالى يا اختى



جنى : ليه بتقولى كده ؟ تعرفى يا بنتى الشاب الملتزم فى زمن ده كنز لا يفنى والله تعرفى ليه لان ضغوط الحياة صعبة ولا بيلاقوا إن كل حاجة مسدودة فى وشهم بيلتجئوا لأشياء وحشة الحشيش والسجاير والى ما اخره .......



منى : برده مهما كان بس دا مش يعطيهم الحق أو المبرر أنهم يعملوا ما يغضب الله



جنى : طبعا أنا معاكى بس المشكلة إن اليأس والإحباط ماليهم ومش عارفين يعملوا إيه ولا وظيفة بعد تعب وقلق فى الكلية ولا حتى عارفين يفتحوا مشروع يكسبوا منه ولا حتى عارفين يسافروا وإنتى عارفة إن السفر بيأخذ فلوس كثير غير طبعا الشباب اللى بيسافروا تهريب ولا يعلموا هل سيرجعوا سالمين ولا لأ



منى : وليه يسافروا ما يعمروا بلدهم



جنى : والله كل حاجة بايظة وخربانة محتاجين كل حاجة فى الزمن ده تصلح



منى : تعرفى المشكلة فى إيه ؟



جنى : فى إيه ؟؟



منى : فينا إحنا فى أنفسنا فى شخصيتنا هتقوليلى بس برده حسبى الله ونعم الوكيل فى الرئيس والحكومة كلها عشان هما السبب فى كل ده . هقولك ماشى



جنى : بالظبط كنت هقول كده



منى : ما أنا عارفة عشان كده سبقتك بصى يا جنى



قال الله تعالى " إن الله لا يغير ما بقوم حتى يغيروا ما بأنفسهم " صدق الله العظيم



طبعا فاهمة الاية



جنى : طبعا بس برده بعد ما نصلح أنفسنا تفتكرى هيحصل شىء أو هيتجدد شىء ما دام الأساس خربان أصلا



منى : إيه كلام اليأس ده يا جنى كلامك ما بيدلش إنى بكلم واحدة متدينة فى إيه يا بنتى ؟ أحمد اثر عليكى ولا إيه ؟



جنى : لا والله بالعكس أحمد بيشجعنى بس يا بنتى من اللى بشوفه حولى



منى : برده لازم تعرفى إننا لو أصلحنا أنفسنا ربنا هيدينا على قد نيتنا وأكيد هيفرج على كل شاب والرزق بيد الله



جنى : عندك حق يارب يساعدنا على إصلاح أنفسنا



منى : يارب امين . كنت إنبارح وأنا قاعدة على الفيس بوك لقيت كلمة جميلة أوى



جنى : كلمة إيه ؟



منى : " علمت أن رزقى لن يأخذه غيرى فاطمئن قلبى "



جنى : الله كلمة جميلة أوووى بجد الإنسان لما يؤمن بأن الرزق اللى مكتوبله مش هيروح لأحد غيره هيرتاح



منى : يارب يهدينا ويثبتنا إلى الطريق الستقيم



جنى : اللهم امين



الكلام أخذنا ونسيت أقولك ألف مبروك خلاص ياباشا خطوبتك قريب وهنفرح بقى



منى : هههههه عقبالك . بابا بيقولى مش هنعمل أى حاجة ولا هنتفق إلا لما يوسف يجى



جنى : اه كويس ما يوسف قال كده لبابا



منى : لا يوسف كان بيقول لباباكى يتفق مع بابا بس بابا قاله أحسن لما العريس ينزل عشان يبقى القعدة شاملة العرايس



جنى : هههههههه ماشى يا عروسة
http://files.fatakat.com/bigsmilies/mood1.gif



منى : عقبالك يا قمر



جنى : يارب وعقبال كل بنات المسلمين بالأزواج الصالحة يلا هسيبك عشان ماما بتنادى على



منى : ماشى مع السلامة



جنى : مع السلامة




...............




جنى : نعم يا أمى



الأم : إفتحى الباب الجرس بيرن من ساعتها شوفى مين ؟؟



جنى : حاضر


( وتفتح جنى الباب
وفجأة تلاقى ...... )


..............



تابعونى

فى


حــــــــــب مــــــــــن نـــــــــوع خـــــــــــــاص

passant
01-10-2010, 05:51 PM
merci ya amr 3la el 7l2t kmly yla

قلب حزين
02-10-2010, 07:26 PM
مشكوررره اختى ومنتظرين
باقى الحلقات

beautiful angle
02-10-2010, 08:12 PM
بجد حلقات حلوه ياسوسو ياريت تنزلى الحلقات بسرعه

Princess Noor
02-10-2010, 10:01 PM
رائع ياقمر والله احمد ده حظه وحش اوي وصعبان علي ربنا يساعده

قلب حزين
05-10-2010, 08:28 PM
انتوم ليه بتتاخرو علينا كده

اسيـــــ خيالى ـــــره
06-10-2010, 02:17 PM
ان شاء الله خير يلا كملى بسرعه يااااااااا عسل

Princess Noor
06-10-2010, 04:31 PM
شكلها نسيت سوسو يلا بقى ياسوسو

pr!nce$ & $o$o
14-10-2010, 07:26 PM
.
.........

..........


تلاقى خالد واقف أمامها )


خالد : السلام عليكم . إزيك يا جنى ؟



جنى : الحمد لله إتفضل إدخل



خالد : باباكى موجود



جنى : اه موجود إتفضل فى الصالون هناديله أهوه



( ويدخل الحاج حسن حجرة الجلوس ويتحدث مع خالد )



الأب : السلام عليكم . إزيك يا دكتور أهلا بيك منور البيت



خالد : دا نورك يا عمى إزيك ؟



الأب : الحمد لله



جنى : ماشى يابابا هروح أجهز الشاى



خالد : إستنى ياانسة جنى إتفضلى نتيجتك أهي



جنى : شكرا يا دكتور



الأب : إيه يا جنى التقدير إيه ؟



خالد : الحمد لله جنى علطول ممتازة ومتفوقة



جنى : جيد جدا يأبى



الأب : ألف مبروك يا بنتى يلا روحى جهزى الشاى وفرحى أمك وطمنيها بنتيجتك



................




الأم : ألف مبروك يا جنى إيه ما تعرفيش خالد عايز إيه من أبوكى ؟



جنى : الله أعلم وربنا يستر



الأم : تعرفى لو كان اللى فى بالى يبقى بجد عرف قيمتك وقمتنا



جنى : إيه اللى فى بالك ؟



الأم : مش دلوقتى لما أبوكى يقول الأول



جنى : تقول فى سرها ( يا ترا يأمى بتفكرى فى إيه وناوية على إيه . ربنا يستر )



( وفى نفس الوقت الحاج حسن يتحدث مع خالد وفى نهاية الحديث )



خالد : يعنى يا عمى ما قولتليش رأيك ؟



الأب : أهم حاجة يا بنى رأى جنى وبعدين ربنا يسهل



خالد : يعنى أنتظر الرد إمتى ؟



الأب : 3 أيام كده وربنا يسهل



خالد : ماشى يا عمى على اخر الاسبوع يعنى



الأب : اه على يوم الأربعاء كده



خالد : ماشى منتظر تليفون



الأب : لا الواجب إنت اللى تتصل تعرف رأينا إيه ؟



خالد : بإحراج .. طبعا يا عمى وفى سره ( ما أنت لازم تعمل كده حقك أنا اللى عملت فى نفسى كده وأمى برده السبب الله يسامحك يا أمى )



الأب : ماشى يا بنى



خالد : ماشى يا عمو هتصل يوم الأربعاء مع السلامة



الأب : ماشى إتفضل مع السلامة



.................




الأم : خير يا حاج كان عاوزك ليه ؟



الأب : تفتكرى فى إيه ؟



الأم : أنا بظن شىء كده وأكيد هو بس قول إنت ؟



الأب : عايز يرجع لجنى ثانى



الأم : وإنت قولتله إيه ؟



الأب : هقوله إيه يعنى الرجل محترم وبيطلب طلب بإحترام هقوله إيه يعنى ؟



الأم : لا مش قصدى يا حاج تقوله حاجة وحشة قصدى قولتله إيه ؟ رأيك إيه يعنى ؟



الأب : الموضوع ده كله فى إيد جنى هى لأما توافق لأما ترفض



جنى : وإنت عارف رأى كويس يا بابا



الأب : اه عارفه بس الوضع إتغير دلوقتى



جنى : إتغير إزاى يعنى ؟



الأب : شكله إتغير وعرف غلطه وناوى على شىء كويس



جنى : ولو إتغير مش هرجع يابابا أنا خلاص نهيت الموضوع ده من زمان



الأم : بت بطلى دماغك الناشفة دى وإسمعى أبوكى الأول



الأب : سيبها على راحتها يأم يوسف الرأى رأيها والقرار قرارها



جنى : ماشى يعنى خلاص انا قولت رأى أنا مش موافقة



الأب : ليه عشان أحمد ؟؟



جنى : مين !! أحمد !!




الأب : اه أحمد فى إيه إتفزعتى كده ليه ؟



جنى : أحمد مين يابابا




الأب : أحمد جارنا



الأم : وأحمد ماله بموضوعنا يا حاج ؟



الأب : أصل أحمد متقدم لجنى



الأم : إيه !!!!




الأب : مالك إنتى كمان ؟؟



الأم : وإنت بقى رأيك إيه فى الموضوعين دول ؟؟



الأب : أنا مش هقول رأى فى شىء إلا لما أسمع رأى جنى



جنى : خلينا فى موضوع خالد دلوقتى ياأبى إنت عارف إنى مش موافقة



الأب : ماشى بس يابنتى لازم برده تعطى لنفسك فرصة



جنى : فرصة إيه ؟ دا شخص أنا عارفاه قبل كده وخلاص الموضوع منتهى



الأب : جنى حبيبتى أنا بكلمك براحة خالص أهوه لازم تفكرى برده وتصلى إستخارة وانا قولتله يسيبنا 3 أيام وبعدين نرد



الأم : 3 أيام بحالهم ليه ؟



جنى : بحالهم شايفهم كثير أوى ياماما



الأم : اه كثير لأنك عارفاه ومجرد بس تصلى إستخارة وخلاص



الأب : بصى دا أخر كلام عندى أنا هسمع رأيك النهائى يوم الثلاثاء بليل عشان هرد عليه يوم الأربعاء يلا قومى وإستعينى بالله



جنى : بس يابابا



الأب : ما فيش بس قومى وسيبنى أتكلم مع امك



جنى : ماشى قايمة أهوه




................




يا ترا يا هل ترا ماذا سيحدث ؟؟؟



هنعرف ايه اللى هيحصل الحلقة الجاية



حلقة طويلة وفيها .........



سيبوها مفاجأة



يلا أسيبكم مع توقعتكم



يا ترا إيه اللى هيحصل ؟ ويا ترا الحلم هيتحقق ولا هيتحول إلى سراب ؟؟

pr!nce$ & $o$o
14-10-2010, 07:26 PM
الحلقة 35




عايز ما تقلقش خلاص هقولك على حل كويس



( إحسن ظنك بالله )






فى بيت الحاج حسن




الأب : يوسف كلمنى النهاردة وقالى إنه ركب خلاص



الأم : بجد يا حاج يعنى هيوصل على الساعة كام كده



الأب : هنروح نقابله أنا وعادل أخوى بعد ساعتين



الأم : ماشى وأنا هقوم أجهز الأكل



...



وبعد مرور بعض من ساعات



.............




يوسف : هنروح لأبو منى إمتى يابابا ؟



الأب : إيه يا بنى لما ترتاح الاول كده وندبر أمورك وبعدين نبقى نحدد معاد ونروح



يوسف : أنا أجازتى صغيرة لازم نخلص كل حاجة بسرعة



الأب : إن شاء الله يإبنى ما تقلقش شقتك ما عدشى فيها إلا حاجات بسيطة تتعمل



يوسف : أنا هخطب وهسافر 6 اشهر وبعدين هأخذ أجازة هنزل أتجوز وبعدين ربنا يسهل مش عارف أستقر وأشوف وظيفة ولا أسافر لإنى متأكد إنى مش هلاقى وظيفة



الأب : أنا من رأيى بدل السفر والبهدلة إيه رأيك تفكر تفتح مشروع كويس وتشارك فيه ولاد عمك فتحى سامح وأحمد



يوسف : صعب يابابا المشاريع فى مصر بتخسر يعنى أحط فلوسى فى حاجة خسرانة



الأم : جرب يابنى ممكن ربنا يوفقك فى المشروع ده



يوسف : هجرب فى شىء متأكد منه



الأب : سيبها على ربنا خلينا دلوقتى فى خطوبتك وبعدين ربنا يسهل



يوسف : عملتوا إيه فى موضوع خالد ؟؟



الأب : منتظر الرد منا يوم الأربعاء



الأم : أنا من رأيى يا حاج إننا نوافق



يوسف : إيه يا ماما ؟؟ هى اصلا جنى موافقة



الأب : أنا سايب لها فرصة تفكر وربنا يسهل



الأم : يا حاج جنى لو إتجوزت خالد هترتاح ماديا الشباب كلهم أمورهم بايظة وخالد قدامنا أهوه وظيفة كويسة يعيش منها وشقة جاهزة



الأب : لما نشوف الأول جنى رأيها إيه ؟



الأم : ما أنت عارف بنتك دماغها ناشفة وأنا متأكدة إنها ما بتحاول تفكر أصلا فى الموضوع



يوسف : أنا من رأيى يابابا بلاش تضغطوا عليها



الأب : مش هضغط طبعا يابنى بس برده أنا بفكر فى كلام مامتك أى أب وأم فنفسهم يشوفوا بنتهم مرتاحة



يوسف: الراحة مش فى المال يا بابا وإنت عارف ممكن تعيش تعيسة طول عمرها لإنها هتبقى عايشة مع إنسان مش متفاهمة معاه ومش مرتحاله وكمان إزاى هيكون أسرة صح وكويسة



الأم : هى أصلا جربت الأول عشان ما تكون متفاهمة معاه



يوسف : أنا هقوم أتكلم معاها وأشوف رأيها



الأم : يابنى ريح نفسك وتعالى كل الأول



يوسف : ماشى هناديلها عشان نأكل سوا



..................




يوسف : يعنى إنتى شايفة إيه ؟



جنى : ما أنا قولتلك يا يوسف أنا مش هقدر أرجع لخالد مهما كان كويس



يوسف : أنا مش عاوز أقولك رأيى بس عايزك تفكرى كويس عشان ما تندمى على شىء



( وفجأة تدخل الأم عليهم )



الأم : إيه الأخبار يأبلة جنى ؟؟



جنى : أخبار إيه يأمى ؟



الأم : وصلتى لفين فى موضوع خالد



جنى : يأمى أنا من انبارح ما بطلت صلاة إستخارة ومش مطمنة وقلقانة



الأم : بصى إنتى أصلا مش عايزة تفكرى ومقفلة دماغك بس أنا إتكلمت مع أبوكى إنبارح وقولتله أنا عمرى ما هوافق على أحمد أنا هضيع بنتى بإيدى لاما خالد لاما ياسر إبن خالتك



جنى : إيه ؟؟؟؟؟؟؟ ياسر



الأم : اه ياسر هو هينزل من السفر قريب وناوى ينزل يخطب وخالتك كلمتنى إنه عايزك



جنى : لا يأمى ياسر بعتبره زى أخوى أنا مش عايزة جواز قرايب يأمى لا أرجوكى كلمى خالتى بذوق وعرفيها



يوسف : يأمى هو إحنا خلصنا من موضوع خالد عشان نفتح موضوع جديد



الأم : أنا قولت كلمة واحدة والله يا جنى لو رفضى خالد هيبقى فى كلام ثانى



جنى : حرام عليكى يأمى عايزة تجوزينى بغصب عنى أنا مش برتاح لخالد والشىء الأساسى فى القبول هو الإرتياح



الأم : خلاص لو رفضى خالد يبقى ياسر بس أحمد لا لا



جنى : ليه يعنى ظلم وخلاص مش عايزة أتجوز خالص .. إرتحتى



الأم : عنك ما اتجوزتى بس أنا قولت كلمة واحدة أحمد لا يا جنى هتجوزى واحد لسة مستقبله طويل ولا شقة ولا وظيفة



>>>


تابعونى

pr!nce$ & $o$o
14-10-2010, 07:32 PM
الأم : عملتوا ايه يا حاج حسن ؟؟



الأب : خلاص إتفقنا إن الخطوبة تبقى يوم الجمعة وهنشترى الشبكة يوم الخميس



الأم : كويس ومين اللى هيجهز ؟



الأب : إحنا إن شاء الله



الأم : بس ياحاج كان أوفر لينا نعطى لهم مهر وهم يجهزوا



الأب : مش مشكلة ياحاجة هم إتفقوا معانا إنهم هيجهزوا أوضة مع المطبخ



الأم : أوضة ايه ؟



الأب : أوضة الأطفال إن شاء الله



الأم : ماشى كده كويس يارب يسهل الأمور يارب وعملت إيه فى موضوع خالد ؟



الأب : خلاص قولتله على الرد



الأم : وإيه كان رد الفعل ؟



الأب : أظن كان متوقع الرفض بس ربنا يستر خالد من النوع اللى ما بيحبش يتهزم ابدا



الأم : قصدك إيه يا حاج ؟؟



الأب : مش قصدى حاجة ربنا يستر ويسهل



...



جنى : السلام عليكم



الأب : وعليكم السلام .. كنتى فين يا جنى ؟



جنى : كنت عند حبيبة يا بابا



الأب : ليه يا بنتى ؟



جنى : أصل هى تعبانة شوية وروحت أشوفها



الأب : ماشى يا جنى واجب برده بس بلاش مرواح ثانى هناك لان هناك شباب وكمان فى واحد متقدملك منهم يعنى ما ينفعش تروحى



جنى : يا بابا شباب إيه ؟ سامح مسافر وأنا قبل ما أروح إتصلت بحبيبة وما كانش أحمد هناك



الأب : ماشى بس أى حاجة ثانية تقوليلى الأول



جنى : حاضر يأبى . بس فى حاجة حصلت اليوم يا بابا ومش عارفة إنت على علم بيها ولا لا



الأب : خير يا بنتى



جنى : اسأل أمى وهى هتقولك



الأم : وأنا إيش عرفنى يا بنتى



جنى : ليه كده ياأمى ليه ؟؟ لو مش عاوزة تجوزينى لأحمد ماشى موافقة بس ما تروحيش بيته وتجرحيه بالشكل ده أحمد تعب خالص وراح المستشفى اليوم ونفسيته زى الزفت ليه يأمى ؟ فين الرحمة بقى فين الإنسانية ؟؟



الأب : يعنى إنتى كنتى فين دلوقتى ؟



جنى : كنت عنده يابابا أنا اسفة إنى كذبت عليك بس قولت أشوفك الاول لك علم بالموضوع ولا لا



الأب : إزاى يا جنى من غير إستئذان وكمان لازم كنتى تعطينى خبر



جنى : أنا اسفة يا بابا بغصب عنى أنا خوفت يكون حصله حاجة بس أنا ما دخلتلوش جوا المستشفى روحت إطمنت من بعيد بس



الأب : إدخلى دلوقتى أوضك



جنى : حاضر



.........



الأب : ليه تعملى كده يا حاجة ؟



الأم : يا حاج كان لازم أعمل كده الولد ملى دماغ البنت



الأب : بصوت عالى .. مهما كان ما تعملى حاجة من غير إذن رجل البيت إنتى شكلك نسيتى نفسك



الأم : يا حاج ما أنت خوفتنى لما وفقت مبدئيا



الأب : خوفتك . تعرفى عملتك السودة دى هتخلينى أخذ قرار ما كنتش عايز أخذه دلوقتى



الأم : قرار إيه يا حاج ؟



الأب : هعمل خطوبة جنى مع يوسف عشان تعرفى بس نتيجة اللى بيعاند قصادى



الأم : يا حاج أنا مش بعاند بس أنا خايفة على مستقبل بنتى



الأب : خلاص الموضوع إنتهى إدخلى عرفى جنى إنى وافقت على خطوبتها وهتفق مع الحاج فتحى على كل حاجة



الأم : (بخوف وقلق ) بس يا حاج كده أحنا بندمر مستقبل بنتنا



الأب : أقسم بالله يا أم يوسف لو إتكلمتى كلمة ثانية هتشوفى منى وش ثانى



الأم : خلاص يا حاج . أمرى لله وحده




( خرجت جنى تبوس إيد والدها بعد ما عرفت بالخبر الذى إنتظرته بفارغ الصبروبيقين من الله وثقة بأن الله لن يخذلها أبدا )




الأب : أنا وافقت على الخطوبة عشان يا بنتى ربنا علمنا الرحمة ولو ضغطنا على الشباب بطريقة دى يبقى كده إحنا بندمرهم لإنهم بيلتجئوا إلى أشياء تانيه وإحنا اللى هنأحذ ذنبهم



الأم : بس يا حاج إحنا ما بنضغط دا أبسط شىء يكون مطلوب شقة ووظيفة يعيشوا منها



الأب : أحمد كان كلمنى قبل كده وقالى إنه ناوى على حاجات كثير إن شاء الله وأنا متأكد ما دام عنده العزيمة والحماس ده خلاص إن شاء الله ربنا هيوفقه ويعينه



جنى : ربنا يخليك لينا يارب يابابا



الأب : يارب ويخليكم لى . أنا هروح دلوقتى أزور أحمد وأصلح الموقف اللى أمك عملته ده ولازم تعرفى يا أم يوسف لولا إنى متأكد إنك عملتى كده بسبب خوفك على مستقبل جنى كان رد فعلى هيبقى حاجة ثانية



جنى : يعنى هتروح لعمى فتحى إمتى يابابا ؟ عشان تتفقوا



الأب : هزور أحمد الأول وبعدين نشوف كده إيه اللى هيحصل ؟ ربنا يسهل ويستر



الأم : أستغفر الله العظيم



جنى : ربنا يعينك يارب يا بابا طمنى لما ترجع



الأب : إن شاء الله





تابعونااااااااااا

pr!nce$ & $o$o
14-10-2010, 07:33 PM
الحلقة 36




بعد الفراق




الحاج حسن : ماشى خلاص يا حاج فتحى إتفقنا يبقى إن شاء الله الخطوبة يوم الجمعة وهنعملها فى النادى



الحاج فتحى : ليه يا حاج التكاليف دى خطوبة



الحاج حسن : بس عرسين وعروستين وكمان أنا إتكلمت مع أحمد وإتفقنا إن جنى هتسافرله بعد ما تخلص دراسة يعنى مش هنعملها فرح فلازم نعوضها ونفرحها هى وأحمد وكمان يوسف إبننا الوحيد ومنى البنت الوحيدة لأهلها



الحاج فتحى : على بركة الله ومن حيث بقية الإتفاق



الحاج حسن : إحنا مش عاوزين حاجة يا حاج لغاية ما ظروف أحمد تتحسن وبعدين ربنا يسهلها



الحاج فتحى : ما ينفعشى يا حاج دى من الأصول وكمان جنى زى أى بنت لها حقوق إحنا هندفع إن شاء الله مهر 30 ألف جنيه وأول ما أحمد يسافر هيبعد لينا كل فترة مبلغ ونكمل بناء الشقة



الحاج حسن : هو إنتم بدأتم فى بناء الشقة



الحاج فتحى : الحمد لله إحنا قربنا نخلص شقة سامح بس أحمد لسة



الحاج حسن : كويس تعرف أنا كنت فاكر إيه



الحاج فتحى : إيه ؟؟



الحاج حسن : أصل أحمد مفهمنى إن الأرض اللى حضرتك وارثتها وناوى تبنى عليها مش مسموح لك تبنى عليها دلوقتى



الحاج فتحى : هو كان قايلك الكلام دا إمتى ؟؟



الحاج حسن : كان قايل ليوسف ويوسف قالى من زمان



الحاج فتحى : لا الحمد لله بدأنا فى البناء وعلى سنة كده هتكون كاملة إن شاء الله



الحاج حسن : يعنى إحنا اللى هنجهز إن شاء الله



الحاج فتحى : والله براحتكم ياحاج لو عاوزين تأخذوا أوضة مع المطبخ ماشى ولو عاوزين إنتوا اللى تجهزوا برده ماشى اللى يريحكم طبعا



الحاج حسن : إحنا اللى هنجهز إن شاء الله



الحاج فتحى : الحمد لله نحمد الله إننا ما اختلفنا على حاجة




فى بيت الحاج حسن




الأم : والله يا حاج إنت طيب خالص يعنى إحنا اللى هنجهز ليوسف وما رضيت تدفع مهر وجاى تأخذ مهر لجنى



الأب : بصى ربنا أمرنا بالرحمة لازم تفهمى إن ربنا كرمنا الحمد لله أنا كنت مسافر ومكون مستقبل البنات ويوسف مسافر وهيكون نفسه وإن شاء الله أنا هساعده برده أما الحاج فتحى بيعتمد على مرتبه فقط وأولاده شباب هما اللى هيجهزوا نفسهم وربنا يعينهم على جواز بنتهم حبيبة يبقى احنا ربنا مدينا والحمد لله ليه ما نوسع على غيرنا ونحس باللى قدامنا



الأم : مهما كان ياحاج بس كده هنضطر نزود على المهر



الأب : ليه 30 ألف جنيه كويسين جدا أنا كنت متوقع 20 ولا حاجة بس هما طلعوا ناس كويسة ومقدرنا



الأم : 30 ألف كثير يا حاج



الأب : اه بالنسبة لظروفهم كثير عموما صدقنى هى هى لو هم اللى جهزوا أو إحنا



الأم : لا والله مش هى هى لو جيت حسبتها هتلاقى أوفر لينا إنهم هم اللى يجهزوا ليه لأن العروسة جهازها بيدخل فى 50 ألف جنيه يعنى هنضطر نزود على 30 ألف عشان نجيب خشبات كويسة يبقى كده هندخل فى 60 او 70 الف كمان



الأب : يا حاجة إحنا مش هنطلع فى العالى إحنا هنجيب الوسط فى كل حاجة وسيبى أمورك على ربنا ربنا كريم وإرحمنى بقى وإرحمى بنتك وخلاص إحنا إتفقنا على كل شىء



الأم : والله أنا مش راضية على الجوازة دى لولا حكمك بس



الأب : خلاص يا حاجة مش عاوز كلام كثير



الأم : حاضر يا حاج




ومضى اليومين وجاء اليوم المنتظر الذى إنتظراه كلا من الحبيبان بفارغ الصبر وبزاد الحبيب أحمد فإنه لم يحب حب من أى نوع فأنا أعتبره حب من نوع خاص لانه صعب وجوده فى هذا الزمن



وبعد تجهيز كلا من العروستين جنى ومنى الصحبة الصالحة الذى دامت ودامت فى طاعة الله



والان



يجىء العروسين يوسف وأحمد ويمسك كلا منهم عروسته



وفى القاعة




أحمد : لا مش مصدق نفسى خلاص بجد الحلم إتحقق يا جنى خلاص ما عدشى قلق ولا خوف خلاص



جنى : الحمد لله يأحمد الحمد لله ربنا إستجاب لدعائنا



أحمد : مالك يا جنى حاسس إنك مضايقة



جنى : تفتكر هضايق فى يوم زى ده بس أنا كنت فنفسى نعمل القاعة منفصلة عشان أخذ راحتى



أحمد : ما أبوكى سأل النادى ولقى إنهم ما بيعملوش أفراح إسلامية بس أهوه أنا جبتلهم بعض أناشيد جميلة إنتى بتحبيها وهم يشغلوها ومنعتهم يشغلوا أى أغانى نهائى وكمان باباكى مخلى الرجالة برة



جنى : شكرا يأحمد مش عارفة أقولك إيه



أحمد : ما تقوليش حاجة بس إيه القمر ده والله فنفسى اخبيكي جوايا عشان أمنع عنك العين



جنى : والله




أحمد : والله قمر 14 وعسل والله. يارب يا جنى أقدر أسعدك وأكون زوج صالح اللى إنتى تتمنيه



جنى : إن شاء الله يأحمد وإحنا نساعد بعض على التغيير والأشياء السلبية اللى فينا هنغيرها ونحاولها إلى أشياء إجابية بإذن الله



أحمد : إن شاء الله يااااارب



جنى : ياااااااارب




ويبدأ الحفل والعرايس فى منتهى السعادة خلاص الحلم إتحقق ولكن لم يكتمل الحلم فلسة الليلة الكبرى الذى سوف تجمعهم للأبد فى بيت واحد وتحت سقف واحد ليلة وليست زى أى ليلة لإنها هتكون بداية لحياة جديدة وتكوين أسرة جميلة فيها كل الحب والمودة والرحمة وفيها التفاهم وفيها أسمى معانى الكلمات وأروعها





وتعالوا نشوف أيام الخطوبة هتكون إزاى بين الحبيبين وهيحصل فيها إيه ؟؟



ويا ترا ماذا سيحدث فيها وبعدها ؟؟



تابعوناااا

pr!nce$ & $o$o
14-10-2010, 07:35 PM
الحلقة 37





وبعد مرور شهور وتخرج أحمد من الكلية بتقدير إمتياز وإنتهت جنى من سنة رابعة





أحمد : ياااااه يا جنى تعرفى مش عاوز أسافر لولا لازم أسافر عشان مستقبلنا كنت زمانى قعد جنبك هنا مش عارف إزاى هبعد عنك



جنى : لازم تصبر ولازم تعرف إن البعاد ده فى مصلحتنا عشان مستقبلنا عشان نفضل مع بعض للأبد ولا يفرق بيننا غير الموت



أحمد : ماشى ياجنى أنا إتكلمت مع باباكى على كتب الكتاب



جنى : وإيه رأيه ؟؟



أحمد : أنا قولتله يا عمى ياريت نكتب الكتاب قبل مااسافر عشان لو بعتلك فى أى وقت تجيلى



جنى : يعنى وافق



أحمد : اه وافق يا حبيبتى



جنى : حبيبتك



أحمد : مستغربة ليه طبعا حبيبتى وروحى وكل شىء



جنى : وفر أى كلام حلو دلوقتى لغاية ما نكتب الكتاب



أحمد : ماشى هسكت اهوه مش عارف من سعات ما إتخطبنا وإنتى محرمة على أقول أى إحساس حاسس بيه



جنى : لانى حاسة بكل شىء عايز تقوله



أحمد : ماشى يا جنى بقولك فى حبة وصايا لازم أقولك عليها قبل ما اسافر



جنى : وصايا إيه ؟



أحمد : مش عاوزك تتكلمى مع الدكتور خالد نهائى ولو عوزتى حاجة منه أو حتى تسألى فى شىء إبعتى واحدة زميلتك



جنى : هو أصلا اتزوج ووأخذ أجازة



أحمد : وإنتى إيش عرفك ؟



جنى : يعنى يأحمد سمعت



أحمد : ماشى ومش عايزك تتكلمى مع أى أحد من زملائك ولو أى شاب حاول يكلمك ما تعبريه وتيجى تقوليلى علطول



جنى : ومن إمتى يأحمد بتكلم مع أحد



أحمد : أنا بقولك وخلاص عايزك تفكرى فى دراستك وفى وبس



جنى : إيه يأحمد خلاص ماشى



أحمد : ماشى أنا هاجى بليل عشان نروح للمأذون



جنى : إيه مستعجل كده ليه لا بص تعالى الاول عشان تشوف الموضوع مع بابا هنعمل إشهار فى الجامع ولا نروح لمأذون وخلاص



أحمد : ماشى خلاص مع السلامة مؤقتا



جنى : ماشى خلى بالك من نفسك



أحمد : وإنتى كمان مع السلامة



.............




فى بيت الحاج فتحى




أحمد : إيه يا بابا ما قولتلى رأيك فى موضوع أيمن ؟



الأب : يأحمد حبيبة لسة صغيرة



أحمد : ما أنا عارف بس أيمن عايز يعمل أى إرتباط عشان هيسافر الإمارات



الأب : خلاص خليه يجى يقابلنى



أحمد : بجد ماشى يابابا وأنا هقوم أكلم حبيبة وأعرفها



......




أحمد : إيه رأيك يا قمر ؟؟



حبيبة : رأيى فى إيه ؟؟ هو ما دام شخص كويس خلاص ماشى



أحمد : ماشى يعنى موافقة تقابليه وتقعدى معاه



حبيبة : ماشى إن شاء الله يأحمد



أحمد : ألف مبروك يا قمر مقدما كنت فنفسى أخطبلك قبل ما اسافر



حبيبة : يلا اهوه ياسيدى هتخطبلى قبل ما تسافر



أحمد : الحمد لله أنا حاسس إن كل حاجة نفسى فيها ربنا بيسهلى الأمر فيها وبتتحقق



حبيبة : الحمد لله عشان نيتك الطيبة



أحمد : الحمد لله



..............




جنى : فين الولد عبد الله يا سهيلة ؟



سهيلة : هتلاقيه مع ماما



جنى : هقوم أشوفه وحشنى موووت ما شوفته من زمان



سهيلة : هو فى أحد بقى بيشوفك



جنى : ما إنتى عارفة بعد الخطوبة إنشغلت فى الدراسة علطول



سهيلة : تعرفى يا جنى نفسى يجى اليوم اللى أشوف فيه إبنك أو بنتك



جنى : إن شاء الله هتشوفيهم



سهيلة : يااااارب أحمد هيسافر إمتى ؟



جنى : يعنى أسبوع كده او اقل والنهاردة جاى يعرف بابا ويتفقوا على معاد كتب الكتاب



سهيلة : بجد خلاص يعنى هتبقى مرأته



جنى : ههههه إيه يا بنتى دا بس كتب الكتاب عشان لو بعتلى فى أى وقت



سهيلة : كويس والله أحمد ده طلع ولد جدع بجد وبيحبك موت



جنى : ما تقوليش عليه ولد قولى راجل



سهيلة : هههههه راجل ماشى يا قمر ربنا يسعدكم يارب ويوفقكم حافظى عليه يا جنى وما تزعليوش , قليل لما تلاقى زوج بشكل ده وبيحاول يرضيكى بأى طريقة ويسعدك



جنى : فى عنيا إن شاء الله



سهيلة : تسلم عيونك يا عسل



عبد الله : ماما ماما



جنى : تعالى يا روح خالته شكلك عايز تعمل حاجة ما دام بتقول ماما



سهيلة :ربنا يكرمك يا جنى روحى معاه الحمام



جنى : ماشى



.................




الحاج حسن : لا هنخليه إشهار فى الجامع ونجيب المأذون هناك



أحمد : ماشى يا عمى يعنى بكرة بعد العصر



الحاج حسن : إن شاء الله ألف مبروك يأحمد عايزك تحط جنى فى عينك وتحافظ عليها جنى غالية عندى أوى أخر العنقود بقى



أحمد : ههههه ربنا يستر واخر العنقود دى تتدلع على وطلع عينى



جنى : والله قصدك إيه بقى يا أستاذ أحمد



أحمد : لا لا مش قصدى إنتى تدلعى براحتك هو إحنا لينا غيرك



الأب : ههههه ربنا يخليكم لبعض ويسعدكم ويزيد المحبة بينكم



أحمد . جنى : ( فى نفس واحد ) يااااااارب امين





تابعونا

pr!nce$ & $o$o
14-10-2010, 07:37 PM
الحلقة 38




رحلة لسعادة ( 1 )




أحمد : تعرفى يا جنى حاسس بإيه دلوقتى ؟



جنى : بإيه ؟



أحمد : حاسس إنى إتولدت من جديد حاسس إنى طفل لسة بيبدأ حياته



جنى : هههه إن شاء الله هتبقى بداية جميلة وهنساعد بعض على قد ما نقدر



أحمد : إن شاء الله اه على فكرة بابا وافق على ايمن وخطوبتهم هتبقى قريب إن شاء الله



جنى : بجد ألف مبروك بس أهم حاجة رأى حبيبة إيه ؟؟



أحمد : موافقة أصل هى إرتحتله وبتقولى يأحمد أهم حاجة الإرتياح وبعدين أيام الخطوبة نبقى نشوف



جنى : تعرف يأحمد الجواز ده بطيخة



أحمد : هههه إزاى ؟



جنى : يعنى أيام الخطوبة برده مهما كان الشخصية ما بتتعرفش وبعد الجواز بينكشف كل حاجة بتبقى بطيخة قرعة لو الشخص مش كويس وبطيخة حمرة لو الشخص كويس



أحمد : بس أنا من رأيى إننا ممكن نحول البطيخة القرعة إلى حمرة



جنى : إزاى يعنى ؟



أحمد : بصى إحنا اللى بنصنع السعادة بإيدينا وإحنا اللى بنتحكم فى أنفسنا وفى حياتنا وممكن نحاول نستطعم البطيخة القرعة أو نحاول نأكل نصها والباقى نرميه أو نسيبه للأيام
(قصد أحمد يا جماعة إن المرأة أو الرجل لو وقع مع زوجة او زوج صعب التعامل معاه ممكن نحاول بالتفاهم او الاندماج مع الاطباع السيئة والمحاولة فى تعديلها وعلى الاقل نص الاطباع والباقى نسيبه للأيام ممكن تغيره )



جنى : بس المشكلة إن فى أشخاص ما ينفع معاهم التفاهم ولا المحاولة



أحمد : فى الحالة دى بيبقى إبتلاء من الله ولازم الصبر والتحمل بس برده يا جنى المثل مش على الرجالة بس برده بينطبق على النساء



جنى : اه طبعا وكمان سعات فى ستات أعوذ بالله ما بتعرفش تقدر ولا عندها أى ذوق فى التعامل



أحمد : إوعى تكونى منهم



جنى : إخص عليك يأحمد



أحمد : لا لا بهزر وكمان إيه النقاش ده دا وقته دا إحنا كاتبين كتابنا عشان نعرف نخرج ونتكلم براحتنا إيه الكتمة دى



جنى : أهوه إحنا خارجين اهوه يلا إتكلم



أحمد : ماشى



جنى : تعرف يأحمد كنت دايما بقول لنفسى يا ترا مين الشخص اللى هيبقى نصيبى ياترا مين الشخص اللى هحقق معاه أحلامى كنت بكتب أشعار وقصائد فيه



أحمد : فى مين ؟



جنى : فى زوج المستقبل



أحمد : بجد يلا فين الأشعار والقصائد دى



جنى : إن شاء الله أول يوم جوازنا هتسمعها



أحمد : ماشى ياروحى منتظر اليوم ده بفارغ الصبر



جنى : إن شاء الله يا حبيبى هيجى قريب



أحمد : حبيبى يااااااه واخيرا سمعتها



جنى : ومن اليوم هتسمعها علطول



أحمد : لا دا أنا شكلى هيغمى على



جنى : ليه



أحمد : بحبك يا جنى بحبك أوى ويارب يدوم المحبة بيننا وأقدر أسعدك



جنى : إن شاء الله هتقدر ويارب أنا كمان أقدر أسعدك وأكون زوجة مطيعة



أحمد : ياااااااااارب بص أنا عايز اليومين دول قبل ما أسافر خروجات وكلام كثير عشان أشبع منك على ما إنى متأكد إنى مش هشبع



جنى : كل ده يا ميدو



أحمد : وأكثر من كده



جنى : تعرف يأحمد عمرى ما كنت مؤمنة بالحب أوى كنت بقول الحب فى الزمن ده مش موجود اللى موجود حب عشرة بس بين الزوجين عمرى ما فكرت إن فى حب بجد كده



أحمد : لا أنا بقى علطول كنت عايش الحب ده معاكى بدون ما تشعرى كنت سعات بحس إنى واقف معاكى وبكلمك وكنت علطول بحلم بيكى



جنى : مش عارفة حاسة إنى ما استحقش الحب ده كله



أحمد : ليه ما تستحقيش إنتى جميلة ياجنى جميلة أوى بجد



جنى : أنا جمالى عادى مقبول يعنى



أحمد : مش قصدى جمال الشكل يا قلبى قصدى جمال الروح



جنى : بس اللى أعرفه الحب بيجى من الكلام يعنى إزاى كنت بتحبينى بدون ما تكلمنى وتعرفنى



أحمد : كنت براقبك فى كل مكان كنت بشوف تحركاتك وكانت حبيبة تكلمنى عنك وعن طيبة قلبك وسماحتك وحسن ظنك كنت بحس إنك إنسانة فريدة من نوعك قليل لما يوجد مثلك



جنى : إيه الكلام الجامد ده دا كثير على أوى براحة على شوية



أحمد : براحة إيه إنتى لسة شوفتى حاجة



جنى : تعرف يا ميدو فنفسى فى إيه دلوقتى



أحمد : فى إيه ؟؟



جنى : فنفسى أجرى وألعب وأطير معاك



أحمد : سهل الجرى واللعب بس الطيران صعبة شوية بصى لولا الناس بس كنا زمانا جرينا ولعبنا بصى الشارع ده ما فيهوش أحد تعالى نجرى



جنى : ههههه لا طبعا ما ينفع



أحمد : لا ينفع يلا تعالى


ويشد جنى من إيديها ويجروا ويدوخوا بعض وكلا منهم فى قمة السعادة


..................



جنى : ألف مبروك يا حبيبة أحمد لسة قايلى إنبارح والله



حبيبة : الله يبارك فيكى يا جى جى



جنى : وإيه رأيك فى أيمن ؟



حبيبة : الحمد لله كويس فيه حاجات كثير شبه أحمد



جنى : حاجات زى إيه كده



حبيبة : حنانه وسماحته



جنى : وإيه ثانى ؟



حبيبة : أنا برده لسة ما عرفتوش دى مجرد قعدتين والقاعدة الثالثة كانت النهاردة



جنى : والخطوبة إمتى إن شاء الله ؟



حبيبة : بكرة إن شاء الله هنعمل حفلة بسيطة كده فى البيت يعنى أهلى وأهله المقربين فقط



جنى : ألف مبروك يا قمر طبعا أنا معزومة من غير كلام



حبيبة : طبعا يا عسل وكمان أنا محتاجالك جنبى لأنى بتكسف موت ومش عارفة هقابل أهله إزاى تعرفى يا جنى كنت نفسى يبقى لى أخوات بنات أوى سعات ببقى محتاجلهم أوى



جنى : إخص إخص يا وحشة وأنا روحت فين



حبيبة : إنتى دا إنتى أختى وصديقتى وكل حاجة ربنا يحفظك ويخليكى لى



جنى : امين يارب ولا يحرمنى منك يا قمر



حبيبة : امين منتظراكى بكرة



جنى : من العصر هكون عندك عشان المغرب أخليكى عروسة زى القمر



حبيبة : هههههه ماشى منتظراكى يلا سلام يا قمر



جنى : سلام




تابعونا

pr!nce$ & $o$o
14-10-2010, 07:40 PM
الحلقة 39





رحلة لسعادة ( 2 )





منى : إيه يا جنى ما عدتش بسمع صوتك ليه أحمد أخذك مننا خلاص



جنى : هههه ويوسف برده أخذك مننا



منى : ههههه ما خلاص يا جى جى هيسافر أهوه



جنى : هو هيسافر إمتى ؟



منى : والله مش عارفة هو مش أخوكى يا بنتى



جنى : ههههه أصل لسة ما سألته وكمان من يوم ما خطبك وأنا مش عارفة أتلم عليه خالص



منى : هههه عموما هيسافر باين مع أحمد



جنى : بجد امال أحمد ليه ما قاليش



منى : هتلاقيه نسى يقولك



جنى : اه وأخبار ليلى إيه ما كلمتنى خالص من يوم النتيجة



منى : أنا كنت مكلمها من يومين وهى كويسة وكمان قالتلى خبر كويس



جنى : خبر,
خبر إيه ؟



منى : فى واحد إبن خالتها إتقدملها وبتقولى خلاص هيلبسها الدبل بكرة



جنى : بجد والله فرحت خالص والكلبة دى ما تتصلش بى ولا تفرحنى



منى : أصلا هى مش فرحانة أوى يعنى



جنى : ليه العريس مش كويس



منى : لا بالعكس هى بتقولى إنه كويس جدا ومحترم وطيب



جنى : امال ايه بقى ؟



منى : بتقولى كنت نفسى أتخطب لواحد بحبه



جنى : هههه بكرة يحبوا بعض لغاية ما يشبعوا هو فى أحلى من الحب اللى بيبدأ فى الحلال ويكون كده فى النور دى تحمد ربنا غيرها بيحب وبيبقى نفسه الحب ده يكون فى النور وقدام العالم دا كله مش تزعل



منى : هى اصلا مش عارفة تحبه



جنى : يا بنتى الحب ما بيجيش من اول مرة بيجى مع الوقت ما أنا أهوه قدامك كنت فى الاول ما فيش أى مشاعر خالص من ناحيتى لأحمد بس دلوقتى الحمد لله بدأت أحبه وأرتحله



منى : ربنا يبارك لكم يارب



جنى : يارب امين ويبارك لكى



منى : يارب



...............




أحمد: حبيبة كانت قمر خالص النهاردة



جنى : بجد ورأى أيمن إيه ؟



أحمد : أيمن دا أصلا بيكسف من خياله خجول جدا



جنى : تعرف يأحمد البساطة حلوة والله على ما إن حفلة الخطوبة كانت بسيطة بس كانت جميلة أوى وجوها ممتع وجميل



أحمد : عشان إنتى بس كنتى فيها



جنى : والله يا بكاش



أحمد : ههههه بقولك بكرة معاد سفرى إوعى تكونى نسيتى



جنى : نسيت إيه يأحمد ؟ دا أنا خايفة من اليوم ده ومن لحظة الفراق دى



أحمد : وأنا خايف منها أكثر منك والله



جنى : خير إن شاء الله لازم نتحمل ونصبر



أحمد : ياااااااارب الهمنا الصبر



جنى : النهاردة هتخرج فى أى مكان



أحمد : اه هروح أسلم على أصحابى وأقاربنا قبل ما أسافر



جنى : كويس جدا



أحمد : إيه اللى كويس جدا



جنى : يعنى صلة الرحم وكده



أحمد : اه صلة الرحم بتطول العمر وأنا عايز عمرى يطول عشان أقضيه معاكى



جنى : إن شاء الله هترجع على إمتى كده ؟



أحمد : يعنى تبع التساهيل على 10 بليل كده ربنا يسهل



جنى : ماشى لما ترجع إبقى رن على



أحمد : ليه اشمعنى ؟



جنى : يعنى عادى عشان أكون مطمنة عليك



أحمد : اه ماشى خلاص



..................




جنى : إشتريتى كل اللى قولتلك عليه



حبيبة : اه كله وإنتى مش هتيجى بقى تظبطى معى الحاجات



جنى : لا جاية طبعا



حبيبة : تعرفى فكرتك دى روعة وهتفرح أحمد أوى



جنى : يارب تفرحه يارب



حبيبة : إن شاء الله يلا منتظراكى ما تتأخريش



جنى : 10 دقائق وهتلاقينى عندك



............




جنى : يلا يا حبيبة بسرعة أحمد رن على



حبيبة : ماشى خلاص أنا طلعت التورتة من الثلاجة



جنى : ماشى كويس جدا يلا نقفل الأنوار ونستخبى



يلا يا عمو فتحى يلا يا ماما سامية



الحاج فتحى . الحاجة سامية : ماشى يلا




ويدخل أحمد وفجأة



يلاقى الشموع والتورتة والجميع

يقول



سنة حلوة يا جميل سنة حلوة يأحمد كل سنة وإنت أحلى كل سنة وعمر جديد كل سنة وإنت مع جنى حبيبتك



وهو واقف مذهول وفى منتهى السعادة مش قادر يصدق إن حبيبته وروحه وعمره كانت مخططه لهذا اليوم فكانت دايما تقول له عندى ليك يوم جميل اوى مش هتنساه طول حياتك



وجاء اليوم أهوه



يوم عيد ميلاده وهو حاسس إنه يوم ولادته وبداية حياته




جنى : إنت هتفضل واقف كده تعالى يلا إطفى الشمع




ويتقرب أحمد من جنى ويبوس رأسها بكل حنين أمام الجميع ولا يحس بخجول من أحد



وبعد إنتهاء العيد الميلاد




أحمد : شكرا يا جنى شكرا يا قلبى شكرا يا روحى على اللحظة الجميلة دى وعلى الحفلة الروعة دى



جنى : أنا كنت ناوية نعملها لوحدنا فى أى مكان بس قولت هيبقى ليها طعم أكثر فى وسط أهلك



أحمد : اه ربنا يخليكى لى يارب وما يحرمنى منك مش عارف أقولك إيه بجد



جنى : يأحمد أنا اللى مش عارفة إزاى أقابل حبك لى وتقديرك ده بإيه مهما حاولت إسعادك برده مش هكفى قدر حبك لى



أحمد : بحبـــــــــــــــــــــــــــــــــــــــــــك



جنى : وأنا كمـــــــــــــــــــــــــــــــــــــــــان



أحمد : خايف من بكرة أوى



جنى : وأنا برده خايفة أوى



أحمد : ربنا يهون علينا اللحظة دى لولا عارف إن السفر لازم ما كنتش سافرت خالص



جنى : خييييير ( وعسى أن تكرهوا شيئا وهو خيرا لكم )



أحمد : يااااااااارب





تابعونا
فى
يوميات
حب من نوع خاص

pr!nce$ & $o$o
14-10-2010, 07:41 PM
الحلقة 40





لحظة فراق ولكنها بداية بناء أسرة




أحمد : ( وعينه تدمع ) لا عشان خاطرى بلاش تيجى توصلنى يا جنى مش عايز أحس باللحظة دى



جنى : ماشى عشان خاطرك بس . روحى إتماسك شوية وإصبر من النهاردة لازم تعرف إننا بنبدأ نبنى حياتنا وبنبنى أسرة إنت بتبنيها بالمال وأنا ببنيها بالأفكار أنا الحمد لله بقرء كتب تنمية وكتب فى تربية الأطفال والكتب اللى أعطتهالك إقرئها ماشى



أحمد : طبعا يا روحى كفاية إنهم من رحتك



جنى : ربنا يحفظك يا حبيبى من كل سوء ويبعد عنك كل شر خلى بالك من نفسك ومن صحتك وحافظ على قراءة الأذكار وقراءة القران ماشى ومش أوصيك على الصلاة فى وقتها



أحمد : طبعا يا قلبى دا أنا هدعى وأسجد لله طول الوقت إننا نتجمع فى اسرع وقت



جنى : هانت يا روحى



أحمد : يلا عشان هتأخر كده



جنى : ( وعيونها تبدأ فى الدموع )



ويلمس أحمد إيديها ويبوسها



أحمد : خلى بالك من روحك ماشى



جنى : ماشى ( وهى تبكى )



أحمد : بطلى عياط بقى عشان ما أتعبش



جنى : ماشى خلاص يلا ورينى إبتسامتك



أحمد : إبتسمى إنتى الأول



جنى : ماشى إبتسمت أهوه يلا إبتسم



أحمد : ( ويبتسم أحمد والإبتسامة شكلا فقط والقلب يتألم من الفراق )








وإفترق الحبيبان وكل واحد قلبه طاير مع الثانى



وبعد مرور سنة من حياة الشباب



تزوج يوسف منى



وتزوجت ليلى كريم إبن خالتها



وسامح خطب أميرة زميلة حبيبة




ممكن كلهم مشتركين فى شىء



شىء بيحصل ومعروف إنه سنة الحياة



ولكن الأم الناجحة والأب الناجح هو الذى يبنى أسرة صح على أسس قويمة وسليمة



للأسف الكثير منا اول ما خلاص يتجوز يعيش حياة عادية واسلوب معين عايش عليه ولا يعرف بأن الأسرة حامل كبير ولازم يديره صح لكى يطلع أجيال صح




وأخيـــــــــــــــــــــــــرا




يجىء اليوم المنتظر




وبعد إجتهاد رهيب من أحمد فى الشغل فكان لا ينام ليلا ولا نهارا فكان يجتهد ويبذل كل طاقته لكى يبنى حياة مستقرة لزوجته وحبيبته عندما تذهبله وأخيرا إستطاع يلاقى شقة بسيطة وجميلة وبثمن ايجار مريح



كان يحس أحمد بتفوق كبير من الله كان يحس إن ربنا راضى عنه وبيسهله فى كل شىء فى أموره حاسس إنه عمل إنجاز كان يقف أمامه صعوبات ولكن أول ما الباب يتقفل فى وشه يروح للرحمن ويلتجىء له ويتقرب إليه أكثر فأكثر ويدعو الله بأن ييسره أموره



فكثير من الشباب فى سنة واحدة لا يستطيع عمل شىء ولكنه حاسس بتفوقه ويقينه بالله وثقته فى الله الذى ليس لها حدود إنه وصل لمكانة كبيرة فى وقت قصير حيث كبرت مكانته فى الشركة من كثر تفوقه وعمله الجاد وإخلاصه



وجاء لحظة اللقاء من جديد لحظة جمع شمل الحبيبان وإتصل أحمد بجنى يعرفها موعد ذهابها وخلاص مش مصدق نفسه إنه رايح يقابل حبيبته وزوجته الذى عاش على الحلم ده طول حياته حلم زوجة صالحة تصونه وتعينه على طاعة الله وبالفعل جنى كانت كذلك



ولم يحس أحمد بأى لحظة فراق لأن جنى كانت تملأ عليه حياته ودايما تفكره بصلته من ربنا وكانت دايما تذكره بالعبادة وكلما تقرب لله أكثر تفتح له الأبواب




وجاء لحظة اللقاء



ووصلت جنى السعودية



وإلتقى الحبيبان والزوجان وكانت لحظة وما أجملها لحظة



فخلاص إنتهى الخوف من فراق جديد وإجتمعوا على طاعة الله ولن يفرقهم غير الموت





تابعونا



فى



يوميات

حب من نوع خاص

pr!nce$ & $o$o
14-10-2010, 07:43 PM
الحلقة 41





ما أجمل الإحساس بلذة عبادة الله والتقرب إليه




اللهم ارزقنا زيارة بيتك الحرام قبل مماتنا



يأرحم الراحمين يأكرم الأكرمين



اللهم امين يارب العالمين






فى بيت الحاج حسن




الأم : والله ياحاج أنا مش راضية على اللى عملته إنت وبنتك ده يعنى ينفع كده تبعد عنى وأفضل قلقانة عليها



الأب : إحنا مش هنخلص من الموال ده بقى خلاص مفروض دلوقتى تتمنى لها السعادة وبس



الأم : السعادة وهى هتحس بيها إزاى يعنى أول ما يحصل مشكلة مالية بينهم هنتدم على الجوازة دى



الأب : أهم حاجة التفاهم والمحبة وما دام هما متفاهمين ما فيش مشاكل هتقف معهم إن شاء الله



الأم : إفرض حملت ونزلت فجأة مصر هتنزل فين على شقة حمتها ولا على بيت أبوها



الأب : يبقى ربنا يسهل ساعتها وقدرى الخير بقى هما خلاص قربوا يخلصوا شقة أحمد وهو بيبعتلهم كل فترة مبلغ وكمان سامح بيساعد أخوه



الأم : وإيه اللى يخلينا نصبرعلى المر ده ما كان عندنا اللى جاهز من كله



الأب : أنا أقسمت كام مرة إنك لو فتحتى الموضوع ده هتلاقى وش ثانى منى خلاص إنتهينا بقى



الأم : ماشى يا حاج بس إعذرنى غصب عنى كنت نفسى بنتى تعيش مستقرة وفى حالة أحسن من كده



الأب : إن شاء الله اللى فى خير هو اللى هيحصل إرمى حمولك على الله



الأم : ونعم بالله



.................



أحمد : إن شاء الله ياروحى نروح نعمل عمرة شكرا لله على نعمه وتوفيقه وتيسيره لينا فى أمورنا وعلى إنه حقق حلمنا وجمع شملنا



جنى : بجد يا حبيبى كنت ناوية أقولك أصلا



أحمد : ما أنا عارف إنتى نفسك تروحى بيت الله الحرام من زمان



جنى : واخيرا حلمى الثانى هيتحقق وهروح أعمل عمرة مع زوجى وحبيبى



أحمد : إن شاء الله



............




فى بيت الحاج فتحى




الأم : أحمد وحشنى أووى يا حاج



الأب : وسامح لا



الأم : سامح لسة كان معى قريب بس خطيبته أميرة دى زى العسل بنت جدعة بجد كل شوية تتصل تطمن على



الأب : الحمد لله الطيبون للطيبات والحمد لله نسايب أحمد ونسايب سامح أطيب من بعض وناس كويسة



الأم : بس الحاجة نادية والدة جنى مش عارفة مالها كده حاسة إنها مش مبسوطة من جواز أحمد من جنى



الأب : بكرة لما تلاقى إبن جنى هتفرح وتنبسط



الأم : هى كانت هتلاقى زى أحمد فى طيبته وحنيته على جنى بنتها



الأب : هى برده مهما كانت أم وتلاقيها زعلانة من غربة بنتها وبعدها عنها



الأم : يلا خير بكرة الظروف تتحسن وينزلوا يستقروا هنا



الأب : يارب إدعى كثير يا حاجة ليهم



الأم : بدعى دايما يا حاج إن ربنا يسترهم ويقف جنبهم ويعينهم ويوفقهم ويفتح لهم كل باب مقفول



الأب : يارب امين . أحمد إتصل بى وقالى إنه رايح يعمل عمرة هو وجنى



الأم : بجد ربنا يصلح حالهم يارب أجمل حاجة إنهم يفتكروا ربنا دايما فى فرحتهم ويسعوا إلى طاعته معا



الأب : الحمد لله ربنا كرمنا بالبنت جنى دى بجد غيرت أحمد وساعدته على التقرب الى الله



الأم : الحمد لله رب العالمين



الأب : الحمد لله ألف حمد وشكر



الأم : إيه رأيك يا حاج نقوم نصلى ركعتين جماعة شكرا لله على توفيق أبنائنا وعلى نعمه التى لا تحصى ولا تعد



الأب : ماشى يلا قومى



................




جنى : الله يأحمد كنت عايزة أفضل جنب الكعبة هناك طول الوقت والله إحساس جميل أوى يارب أموت هناك يأحمد عايزة أموت جنب قبر النبى صلى الله عليه وسلم



أحمد : عليه أفضل الصلاة واسلام . بعيد الشر عنك يا روحى



جنى : وهو الموت شر دا راحة



أحمد : إيه يا جنى قلبتها نكت ليه



جنى : بس والله إحساس فظيع يأحمد راحة بال وإطمئنان رهيب وأنا هناك



أحمد : إن شاء الله ياروحى هنروح كل فترة هناك نعمل عمرة ما دام شىء يسعدك كده



جنى : وهو مش بيسعدك يأحمد



أحمد : لا طبعا بيسعدنى ونفس الإحساس اللى إنتى بتحسيه بحسه بس عشان أنا عملت عمرة قبل كده أما أنتى فدى أول عمرة لكى فأول عمرة ليها لذة ثانية خالص عن ثانى عمرة



جنى : الحمد لله يارب يكتبلنا الحج قبل الموت



أحمد : يارب قريبا إن شاء الله



جنى : بجد يأحمد




أحمد : اه بجد شوية بس كده ونروح نعمل حج

جنى : ربنا يخليك لى ويحفظك من كل سوء ولا يحرمنى منك يــــــــــــــارب



أحمد : يـــ امين ـــــارب ولا يحرمنى منك



جنى : يــــــــــــــــــــــارب






تابعونا




وقولوا



يـــــــــــــــــــــــــــــارب



فى كل أموركم



وعندما تضيق بكم الدنيا

pr!nce$ & $o$o
14-10-2010, 07:44 PM
الحلقة 42




ما أجمل الحب والمودة والرحمة بين الزوجين

قول الله تعالى : " ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون "


جنى : اه صحيح يأحمد هو سامح مالقشى ناوى يعمل إيه ؟


أحمد : ناوى يعمل إيه فى إيه ؟؟


جنى : فى موضوع جوازه


أحمد : لسة بدرى يا جنى أميرة خطيبته لسة قدامها سنتين لغاية ما تخلص دراسة يكون سامح كون نفسه خالص


جنى : ما خلاص شقته جاهزة


أحمد : اه جاهزة بس برده لسة الكماليات وكمان ربنا يحفظه يارب بيساعد بابا فى شقتى


جنى : ربنا يكرمه يارب بقولك يأحمد عايزين نعزمه عندنا ويقضى يوم معانا


أحمد : ماشى ياروحى هبقى أقوله بكرة فى الشركة


جنى : ماشى يا حبيبى وأنا ناوية أطبخلكم أكل جنان


أحمد : ربنا يخليكى يا قلبى لى


جنى : يــــــ امين ــــــــارب


...................



حبيبة : بقولك يأيمن شوفت برنامج عمرو خالد إنبارح ؟


أيمن : اه بجد الأستاذ عمرو خالد ده شخصية عظيمة ربنا يكرمه يارب


حبيبة : اه ربنا يكرمه لغاية دلوقتى هو والأستاذ مصطفى حسنى ليهم فضل كبير فى تغيير الشباب بعد الله طبعا


أيمن : اه والله وبزاد المشاريع اللى أستاذى عمرو خالد عملها تعرفى أنا اشتركت فترة فى صناع الحياة قبل ما أسافر بس اضطريت أسيبهم عشان السفر


حبيبة : بجد كويس والله ربنا يكرمهم يارب ويحفظهم تلاقى أعوذ بالله فى ناس كثير حاقدة عليهم ومش سيباهم فى حالهم


أيمن : ما طبعا يا بنتى أى شخص ناجح بتلاقى الهجوم عليه عالى والمنافسين بيكثروا


حبيبة : ياريت منافسة فقط دا قلوبهم مليانة حقد وحسد أعوذ بالله ربنا يكفينا شرهم


أيمن : يارب امين إيه أخبار الأجازة معاكى


حبيبة : الحمد لله يلا عشان ما أطول عليك


أيمن :تطولى على إيه بقولك إبقى إدخلى على الإيميل النهاردة بليل


حبيبة : ماشى إن شاء الله


..............



يوسف : مالك يا منى مضايقة ليه ؟؟


منى : مافيش يا حبيبى بس تعبانة بس شوية


يوسف : ليه مالك ؟؟


منى : يعنى حاسة بطنى مقلوبة وعايزة أرجع


يوسف : تحبى نروح نكشف


منى : لا خليك ما تتعبش نفسك ركز فى شغلك أنا هروح أنا وماما وهبقى أطمنك


يوسف : ماشى يا روحى بقولك عندى ليكى مفاجأة جنان


منى : إيه خير ؟


يوسف : إنبارح مدير المشروع اللى كلمتك فيه إتفقت معاه على إنى أدخل شريك معاهم بمجهودى


منى : اه بجد والله ممتاز وبالنسبة للأرباح


يوسف : هتبقى ممتازة إن شاء الله أصلا المشروع ماشى كويس وبرده ما تقلقيش فرصة سفرى موجودة أمامى لو الباب إتفقل فى وشى وما نفعش المشروع أو حصل شىء


منى : ربنا ييسر أمورك يارب بس مش عايزك تسافر ثانى عايزك تكون جنبى هنا


يوسف : وأنا إذ سافرت هسيبك لوحدك مع حد غريب دا إنتى معاكى ماما وبابا


منى : طبعا يا روحى هما أهلى بس برده لوحدة صعبة


يوسف : ربنا يسهل الأمور إدعيلى بس المشروع ده أمشى فيه كويس وما أسافرش


منى : بدعيلك ويارب يوفقك ويعينك


يوسف : يارب


................



جنى : تعرف يأحمد كنت بكلم منى مرأة أخوى النهاردة وقالتلى خبر فرحنى أوى


أحمد : خير يا حبيبتى


جنى : كانت عند الدكتور النهاردة وطلعت حامل فى الشهر 2


أحمد : بجد كويس والله ألف مبروك عقبالنا ياااارب


جنى : ياااااااارب يرزقنا بذرية صالحة يارب امين


أحمد : إنتى نفسك فى بنت ولا ولد ؟


جنى : والله اللى يجيبه ربنا كله كويس


أحمد : أنا نفسى فى بنوتة تكون زى القمر زيك كده


جنى : لا أنا نفسى فى ولد يكون طيب زيك كده وحنين


أحمد : ههههه بصى خلاص يبقوا توأم


جنى : هههه حرام عليك دا أنا كده هموت أقدر بس على واحد بس



أحمد : ما تقلقى يا روحى أنا هساعدك وكمان ماما حلمتلى قبل كده والله إن ربنا هيرزقنى بولد وبنت توأم


جنى : بجد


أحمد : اه والله


جنى : يـــــــــ ييسر الأمور ــــــــــارب


أحمد : يـــــــــــ امــــــين ـــــــــــارب





تابعونا


فى


يوميات


حب من نوع خاص

pr!nce$ & $o$o
14-10-2010, 07:48 PM
الحلقة 43


ضغوط الحياة


جنى : يعنى لازمة الكلام ده إيه دلوقتى يأمى ؟

الأم : عندك حق خلاص الندم ما ينفعش دلوقتى اللى حصل حصل

جنى : ندم إيه يا ماما أنا مش ندمانة على جوازى من أحمد


الأم : الكلام ده بتقوليه بس دلوقتى عشان لسة ما فيش حاجة عكننت عليكى بس أول ما يحصل أى مشكلة بينكم هتندمى أكبر ندم فى حياتك

جنى : يأمى ما خلاص بقى هندم على إيه ؟ أحمد بقى زوجى فاهمة يعنى إيه ؟ يعنى إيدى على إيده فى كل الأمور واللى هيصير عليه هيصير على أنا كمان


الأم : أنا على إنى فهمتك لازم تخليه يشد حيله فى موضوع الشقة عشان لو نزلتى مصر فى أى وقت واللى هيجننى وهيموتنى بجد إزاى عروسة تتجوز من غير شقة


جنى : يأمى هو أنا قاعدة فى الشارع ما أنا قاعدة فى شقة دلوقتى


الأم : بس إيجار ومش ملكك


جنى : يعنى أعمل إيه يعنى دلوقتى دى مقدرة زوجى ولازم أستحملها لغاية ما ربنا ييسر الأحوال


الأم : وليه رمينا نفسنا على المر من الأول كان قدامنا الراحة والمال


جنى : وإنتى كنتى فاكرة بقى بالمال هكون مرتاحة ومبسوطة ياأمى الواحدة مننا ما دام زوجها مقدرها وحنين عليها خلاص بالدنيا كلها


الأم : والله كله كلام فشنك أول بس ما يحصل مشكلة هتتصلى بى تعيطى بدل الدموع دم وتقوليلى ياريتنى سمعت كلامك


جنى : لا مش هيحصل كده ابدا إن شاء الله لأنى واثقة إن حياتنا مش هيقف فيها مشاكل إلا لما نلاقى لها حل إن شاء الله


الأم : أما نشوف بس أنا متأكدة إن هيجى يوم تشتكيلى


جنى : لا ياأمى مش هشتكى اللى كتبه ربنا لى هو اللى هيحصل وأنا متأكدة إنه هيحصل كل خير إن شاء الله


الأم : ماشى يا بنتى عموما لو إحتجتى أى حاجة إتصلى بى


جنى : إن شاء الله وبإذن الله

.........

جنى : إزيك يا أمى عاملة إيه ؟؟


الحاجة سامية : الحمد لله يا جنى عاملة إيه يا بنتى وأحمد عامل إيه ؟؟ طمنينى عليكم


جنى : كويسين الحمد لله وإنتى وبابا فتحى وحبيبة عاملين إيه ؟؟؟


الحاجة سامية : الحمد لله رب العالمين كويسين


جنى : الحمد لله على فكرة سامح جاى عندنا النهاردة


الحاجة سامية : بجد كويس بس إنتوا لسة عرايس ياقمر جاى ليه يغلس عليكم


جنى : هههه عرايس إيه بس ياأمى إحنا اللى عزمينه وقولت لأحمد يقضى معانا اليوم كله


الحاجة سامية : ربنا يكرمك ويحفظك يارب
بقولك يا جنى قولى لأحمد هو ليه ما بعت فلوس من زمان عشان بقى نخلص باقى الشقة لأن أمك كلمتنى وقالتلى هيروحوا يشتروا بقية الخشب عشان الشقة تكون جاهزة لنزولك فى أى وقت


جنى : فى سرها ( برده ماما عملت اللى فى نيتها . أستغفر الله العظيم ) ماشى يا ماما هقول لأحمد إن شاء الله

الحاجة سامية : ماشى يا بنتى بقولك مافيش نونة جاية فى السكة ولا إيه ؟؟


جنى : لا لسة والله يأمى إن شاء الله وبإذن الله سيرزقنا الله الذرية الصالحة إدعى لينا بس


الحاجة سامية : بدعيلكم يا حبيبتى دايما يلا عشان ما أطول عليكى


جنى : ماشى يا أمى سلملى على بابا فتحى وحبيبة ماشى و خلى بالك من نفسك يلا مع السلامة

الحاجة سامية : مع السلامة

..........

الحاج فتحى : ليه يا حاجة عرفتيها إن أحمد ما بعت فلوس من زمان ؟


الحاجة سامية : عادى يا حاج والله


الحاج : أنا عارف إن نيتك كويسة مش قصدك شىء بس أحمد كان قايلى إنى ممكن اتأخر المراتى فى إرسال الفلوس عشان المصاريف زادت عليه وإنتى عارفة الزواج ومصاريفه وهما دلوقتى بقوا فردين


الحاجة : يعنى أنا بوظت الدنيا ولا إيه ؟


الحاج : لا ما بوظتيها ولا حاجة يلا حصل خير بس إدعى لهم بتيسير الحال

...........


الحاجة نادية : أنا إتصلت بوالدة أحمد عشان أعرفها إننا هنشترى بقية الخشب


الحاج حسن : وإيه لازمتها تعرفيهم ؟


الحاجة : عشان يجدعنوا بقى ويخلصوا الشقة


الحاج : وهما يعنى يعملوا إيه يقطعوا نفسهم هما بيعملوا اللى عليهم وسايبين الباقى على ربنا


الحاجة : يا حاج هما فكرين موضوع الشقة ده مش مهم بالنسبة لينا عشان كده مطنشين ومهملين فيه

الحاج : لا حول ولا قوة إلا بالله مطنشين إيه دا هما كتر خيرهم أوى دا بيحاولوا يسرعوا فيها على قد جهدهم


الحاجة : بس أنا كنت عندهم قريب وكان الشغل واقف فى الشقة


الحاج : الله أعلم بأحوالهم سيبى أمرك لله وما تفكريش كثير

الحاجة : يا حاج دى بنتى وخايفة يحصلها شىء وتنزل مصر فى أى وقت


الحاج : أنا مقدر خوفك على بنتك بس ما ينفعش كده براحة شوية وإنتى فى إيدك تدعلهم وخلاص وأنا مش عارف ليه إنتى مش ناوية تجيبها لبر


الحاجة : خلاص يا حاج أوعدك إنى مش هدخل نفسى فى أى شىء بس لو حصل مشكلة مش هيبقى لى الذنب فيها الذنب فيك إنت وبنتك لأنك ساعدها على اللى فى دماغها


الحاج : خلاص بقى مش عايز كلام كثير


الحاجة : ماشى

........

تابعونا

pr!nce$ & $o$o
14-10-2010, 08:17 PM
الحلقة قبل الأخيرة




الحلقة 44





قصة حب





جنى : اه بالحق يأحمد إنت أخر مرة بعت فلوس لأهلك إمتى ؟؟



أحمد : ليه يا روحى ؟



جنى : عادى يعنى بسأل



أحمد : يعنى من 3 أشهر كده



جنى : اه ومفروض تبعتلهم إمتى ؟؟



أحمد : يعنى يا جنى عادى تبع الظروف لما بيبقى معى مبلغ كويس ببعته



جنى : اه ماشى بس ياريت لو معاك دلوقتى مبلغ كويس إبعته عشان يخلصوا الشقة بقى



أحمد : يعنى معى 5 ألاف جنيه بس مش هبعتهم دلوقتى سيبهم إحنا لسة فى بداية حياتنا مش عايزين نمسك على نفسنا من أولها كده



جنى : يعنى نبعثر فى الفلوس ولا إيه؟



أحمد : لا يا حبيبتى بس اللى نحتاجه ما نحرمش نفسنا منه ما دام معانا وربنا كرمنا



جنى : بس الأساس فين ؟؟ لما أحس إن شقتى جاهزة سعاتها هبقى مرتاحة بس كده إحنا بنصرف وأنا مضايقة ولازم إحنا نوفر عشان نكون الاساس من الأول



أحمد : مالك يا جنى فى إيه ؟؟



جنى : هو إيه اللى مالى أصل شايفك بتتعامل مع الموضوع ببرود كده



أحمد : يعنى عايزانى أعمل إيه بقى



جنى : تبعت 5 الاف جنيه وبعد كده نحاول نوفر على قد ما نقدر



أحمد : مش هبعت حاجة يا جنى دلوقتى أنا هسيب 5 الاف جنيه عشان لو إحتاجنا أى حاجة ما ينفعش ما يبقى معى فلوس كان ينفع فى الأول لما كنتى لوحدى بس دلوقتى الوضع إختلف وإنتى بقيتى معى ومحتاجة رعاية أكثر منى



جنى : أنا مش عايزة حاجة أنا عايزة شقتى تكون جاهزة عشان لو نزلت مصر فى أى وقت



أحمد : وإنتى إيه اللى هيخليكى تنزلى مصر



جنى : والله يعنى إنت فاكر إنى هقعد هنا كثير



أحمد : مش فاهم قصدك إيه ؟


جنى : إفرض حملت ساعتها لازم أنزل مصر عشان أولد هناك فى وسط أهلى



أحمد : ربنا يسهل يا جنى ساعتها يبقى ربنا يفرجها ما تسابقيش الأحداث



جنى: إنت بتكلم ببرود كده ليه كلمنى ووشك لى



أحمد : فى إيه يا جنى عايزانى أكلم إزاى يعنى ؟



جنى : تكلم زى الناس وكمان دا موضوع محتاجة وقفة جد



أحمد : ممكن لو سمحتى ما تعلى صوتك كده



جنى : أنا مش بعلى صوتى بس إنت مستفز فى طريقتك



أحمد : جنى حاسبى على كلامك وإحترمى نفسك



جنى : إيه أحترم نفسى دى
( وتتحدث جنى فى نفسها بصوت خافض جدا ولكن أحمد سمعها )



أنا شكلى هندم زى ما ماما قالتلى انك هتجى يا جنى فى يوم وهتندمى



أحمد : تندمى على إيه وقوليلى بقى إن حماتى داخلة فى الموضوع



جنى : ماما مالهاش دعوة بحاجة بس إنت بارد وخلاص ما عدشى بيهمك حاجة ولا بتفكر فى حاجة إنت بس كنت عايز تجوزنى فخلاص لما حلصت على اللى إنت عاوزه خلاص كفاية عليك أوى كده أنا بقى مش كفاية على لازم أحس إن لو حصلى أى ظرف فجأة تكون شقتى جاهزة



أحمد : يعنى عايزة إيه بالظبط ؟؟



جنى : مش عايزة حاجة غير إنك تكون إيجابى أكثر من كده وبطل سلبيتك دى



أحمد : إنتى غلطى فى بما فيه الكفاية ولو إتكلمنا أكثر من كده ممكن أتعصب بجد ويحصل منى تصرف ما تتوقعيه



جنى : تصرف إيه هتتضربنى يعنى ما هو دا اللى ناقص والله إنت شكلك عشان أنا فى غربة ومعاك وبس هتتعامل معى زى ما أنت عايز بس لازم تعرف حاجة أنا عندى أهلى يعنى مش لوحدى



أحمد : إيه الكلام الغريب ده يا جنى إنتى واخذة بالك من اللى إنت بتقوليه



جنى : اه واخذة بالى اوى



أحمد : جنى أنا هنزل لغاية ما تهدى شوية لإنك عصبية وما ينفعش نتكلم وإنتى كده



جنى : إستنى يأستاذ وعبرنى هنا



أحمد : لا كده مش هينفع خالص أنا ساكت وبتكلم معاكى بهدوء خالص عشان مش نعمل مشاكل بس إنتى زوديها أوى



جنى : أنا شكلى غلطت أكبر غلطة فى حياتى



أحمد : بتقولى إيه ؟؟ فى الأول شكلك ندمتى وثانى شىء غلطى أكبر غلطة فى حياتك غلطى ليه يا جنى عشان إتجوزتنى أنا مش هقولك حاجة دلوقتى بس ماشى يا جنى وياريت تفكرى فى كلامك ده كله هتلاقى نفسك غلطى فى أوى مع السلامة يأبلة جنى




وينزل أحمد من البيت وهو نفسيته زى الزفت ومش مصدق نفسه فين جنى الهادية الرقيقة العاقلة كان مذهول من موقفها وكلامها الغريب كان فى غاية الصدمة من اسلوب كلامها




جنى قعدت تفكر لقت إن الشيطان ضحك عليها وجعلها تفكر بطريقة خطأ وتتسرع فى الكلام مع أحمد بأسلوب غبى حاست إنها غلطت فيه وهانته وهو قابل ذلك بشكل حكيم وصبر منه حاسيت إنها بجد عملت مشكلة على ما فيش والشيطان سيطر عليها وعلى تفكيرها وهى كانت مذهولة من نفسها ومن تصرفها وقعدت تبكى تبكى ووصلت لدرجة الإنهيار مش عارفة تعمل إيه ؟ ولا عارفة أحمد نزل راح فين ؟ بتنهار أكثر كلما تتذكر أسلوبها وكلامها حاسيت إنها زوجة غبية تركت تفكيرها لوسوسة الشيطان ووسوسة أمها ووصلت لدرجة إنهيار جامدة بطريقة حاسة إنها أغمى عليها



وفجـــــــــــــــــــــــــــــــأة



يجىء لها إتصال يفوقها



جنى : السلام عليكم



وهى فى ذهول تام



بتقول إيه ؟؟؟



أحمد وحادثة وهو فين دلوقتى



وترمى السماعة من إيديها وتقوم تجرى تلبس أى حاجة وفى طريقها إلى المستشفى



جنى :وهى منهارة السلام عليكم يا دكتور أحمد حصله إيه ؟؟؟؟



الدكتور : للأسف حالته خطيرة جدا وما فيش أمل مش عليكى غير الدعاء



جنى : لا لا يا دكتور أحمد هيبقى كويس



الدكتور : إهدى يا مدام شوية كده هتتعبى



جنى : ممكن أشوفه يا دكتور



الدكتور : ممكن بس تتماسكى شوية



وتدخل جنى غرفة المريض وهو أحمد وهى فى ذهول تام وعقلها غايب عن أى شىء



ووتتحدث مع أحمد



جنى : أسفة يأحمد أسفة ما قدرتك ولا قدرت موقفك واللى إنت بتعمله معى عشان خاطرى يأحمد ما تسيبنى خليك معى هوعدك مش هزعلك ثانى منى أنا اسفة يا روحى عشان خاطرى قوى نفسك عشانى مش هقدر أعيش من غيرك أحمد حبيبى إنت سمعنى



أحمد : خلى بالك من نفسك وعيشى حياتك عادى وإدعيلى كثير



ويقف القلب عن النبض



جنى : لأ ياحمد انت هتعيش وهنكمل هدفنا مع بعض



دكتور الحقنى يا دكتور



الدكتور : للأسف ...... مات .. البقاء لله



جنى تصرخ بشدة



لااااااااااااااااااااا يا دكتور أحمد ما مماتشى هيعيش وهيبقى كويس



الدكتور : براحة يا مدام على نفسك شوية كده اتمسكى دا قضاء الله لازم نرضى بيه



وتقع جنى على الارض
مغما عليها وفقدت الوعى






تابعونا




غدا فى الحلقة 45
مش غدا اوى يعنى
الاسبوع الجي كدة;);)


والأخيـــــــــــــــــــــرة

lo0o0la
14-10-2010, 09:20 PM
ايه ده ازاى كده لالالا بجد صعبانه عليا اوى احمد وجنى كل ده بسب الحماه علشان كده الكل خايف يتجوز اهو بمجرد ان الام كلمت بنتها فى موضوع خاص بيها هيا قام الواد مات

يلا شكرا يا سوسو يا عسل ع القصه الجنان ما تكملى جميلك بقى وتنزلى الاخيرة النهاردة ؟؟

متابعاكى يا جميل

Princess Noor
15-10-2010, 12:05 AM
على فكرة انا والله ماقادره اكتب واعصابي ضاعت خالص والله انا شكلي حطيت نفسي مكان جنى وهيغمى علي انا منتظرة الاخيرة ويارب يكون ده كله مش حقيقه لاني بتعب نفسيا اوي لما بشوف نهاية حزينه

اسيـــــ خيالى ـــــره
15-10-2010, 12:21 AM
لييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييه النكد ده بجد احمد ماااااااااااااااااااات لازم الحب الطاهر يمووووووووووووووت الحقيقه دى مش هنهرب منها ابدا البشر دووووووووووووول قااااااااااااااااااسسسسسسسسسسسسسيييييييييييييين اووووووووووووى اسرعى ف الحلقه الاخيره لانى هعيط منك كده

pain of sensation
15-10-2010, 03:29 AM
ايه ده موش ممكن
شوفتى احنا كلنا هنعيط منك
بالله عليكى ماتتاخري

قلب حزين
15-10-2010, 10:47 PM
لا لا لا لا لا لا لا لا لا
اكيد ده حلم صح حرام بجد
لا بلاش تكون دى النهايه

passant
16-10-2010, 02:36 AM
kmly bsor3a yla eh el nhaya

pr!nce$ & $o$o
22-10-2010, 07:42 PM
$$ انا مش هنزل الحلقة الا لما الاقى على الاقل
كدة يعنى
بالميت
8975834725697 رد كدة
ههههههههههههههههههههههههههههههههه
يلا باة القناعة كنزا لا يفنى
خليهم
7 ردود بس
الى عايز الحلقة
يرد
داانا هسحلكوا على لما انزلها
ههههههههههههههههههههههههههههههههههههههههههههه
شريرة$$
:ناوى::ناوى:

pain of sensation
22-10-2010, 07:47 PM
انتى والله بجد شريرة مووووت
دانا مستنياها من الاسبوع اللي فات
ومستعدة املالك الصفحة ردود يالا بليييييييييييييييييييييييييييييييز

lo0o0la
22-10-2010, 08:33 PM
يلا يا سوسو يا قمر يا عسلوله انتى نزلى الحلقه الجديدة بسرعه :d

pr!nce$ & $o$o
22-10-2010, 11:04 PM
بعنيكوا لو نتزلتها دلوقتى
لسة لسة
انا قولت 7 ردود يعنى 7 ردود
انا كلمتى ماتنزلش الارض ابدااااااااااااااااااااااااااااااااا

اسيـــــ خيالى ـــــره
22-10-2010, 11:47 PM
مفتريه اوى وبتتشرطى كمان من حق الكبير يدلع نزلى يا بت الجديده احسنلك متاخره اسبوع بحاله ومش كفايه موتى الواااااااااااااااااد هتخلصى علينا من الانتظار هاجى اخد بتارى والتار ولا العار نزل يا ولد السلاح

اسيـــــ خيالى ـــــره
22-10-2010, 11:48 PM
ناااااااااااااااااااسى مش بتاجى الا بالعين الحمره

اسيـــــ خيالى ـــــره
22-10-2010, 11:49 PM
هنتلموا عليكى نضربوكى يا شبه نزلى يا بت الحلقات احسنلك

اسيـــــ خيالى ـــــره
22-10-2010, 11:54 PM
انا لو نمت قبل ما تكملى الحلقات هتقولى ع نفسك يا رحمن يا رحيم انا هقوم انام كمان شويه الحقى انفدى بعمرك ونزلى الحلقات

passant
23-10-2010, 01:27 AM
yla ya amr nzly b2a 2t25rty

manora
23-10-2010, 09:56 PM
Bosy b2a enty htnzly el 7l2a wla a3wrk :d
yla b2a nzleha w 2olely :(

lo0o0la
23-10-2010, 11:40 PM
اهو يا عسل كملت سبع ردود صح ولا انا غلطانه :d

manora
24-10-2010, 12:42 PM
طب ها بقى نزلى بجد احسن هعييط :( :(
يلاااا بققققققققى :((

pr!nce$ & $o$o
04-11-2010, 07:26 PM
الحلقة 45



والأخيــــــــــــــرة



بعنوان



مدرســــــة الحــــــب




( مات الحبيب الذى أعطانى كل شىء مات الصديق الذى أوفى معى كل الوفاء مات الأب الذى أعطانى كل حنان الأبوة مات حبى الوحيد ومت معه وحياتى دفنت معه فإن عشت بعده فسوف أعيش إنسانة بلا روح ولا حب ولا أى شىء لأنه كان كل شىء روحى وحبى وحياتى فهل كان أحدا مثله فى طيبته معى وحنانه وحكمته فى التعامل معى فعلمنى كيف أحب وأوفى لهذا الحب وعلمنى الود وعلمنى أسمى وأحلى معانى الكلمات ليس هناك مثله ولم ولن ألقى مثله والان بقول أحببتك يأحمد وهعيش على حبك وعلى ذكراك فأنت زوجى وروحى وحلمى الذى حلمت بيه وعشت عليه والان اقولك الوداع الوداع يا حبى الوحيد )



وفجـــــــــــــأة



.


.


.


.


.




تقوم جنى من النوم مفزوعة وعلى صوت فتح الباب وعيونها لم تكف عن البكاء بدرجة أنها نامت من كثر تعباها من البكاء


وتجرى على الباب وتجرى على


.


.


.


حضن الحبيب الوفى وتقول



جنى : أحمد إنت كويس أحمد أنا اسفة أسفة بجد أنا عارفة إنى غلطت فى حقك وعارفة إنك مفروض تزعل منى خالص بس والله الشيطان جعلنى أقول كلام أهبل والله ما كان قصدى أزعلك بجد أسفة يا روحى


أحمد : مالك يا جنى بتترعشى كده ليه هدى نفسك خلاص إهدى بطلى بكاء عيونك حمرة خالص خلاص يا جنى بقى


جنى : اسفة يأحمد سامحينى


أحمد : خلاص أنا اللى اسف أخلى عيونك تنزل الدموع دى كلها أنا وعدك إنى مش هخليكى تنزلى معى دمعة واحدة خلاص ما تعذبى نفسك إنتى شكلك تعبان خالص إهـــــــــدى بقى


جنى : خلاص ماشى هحاول أهدى بس سامحينى يأحمد


أحمد : خلاص يا جنى حصل خير بس يا حبيبتى لازم الإحترام ما بينا ما يقل درجة واحدة وما تخلى الشيطان يدخل ما بينا ولا تسمحى له إنه يدمر حياتنا يا جنى الأسرة المتحبة المتعاونة ما بتتأسس بسهولة لازم عشان نكون أسرة فيها كل معانى الحب والمودة والرحمة لازم نحافظ على الإحترام ما بينا والتفاهم عايز أولادى يعيشوا فى أسرة مستقرة نفسيا ويلاقوا الدفىء والحب يتربوا تربية حسنة على الإسلام عايزهم يكونوا شباب المستقبل يعملوا شىء لدينهم ولاخرتهم


جنى : أنا اسفة إنى عملت كده وإن شاء الله الشيطان لم ولن أسمح له أن يسيطر علينا ولا يفرقنا عن بعضنا أبــــــــدا


أحمد : ماشى يا جنى يارب يبارك فى حبنا ويرزقنا الحكمة ويلهمنا الصبر فى كل أمورنا


جنى : يـــــــــــــ امين ــــــــــــارب


أنا بقى عندى ليك مفاجأة هتنسيك الدنيا دى كلها


أحمد : مفاجأة


مفاجأة إيه ؟؟ وهتنسينى الدنيا دى كلها شكلها بقى مفاجأة كبيرة أوى


جنى : حظــــــر فـزر هى إيه ؟؟؟


أحمد : مش وقت حظر فزر يلا بسرعة قولى


جنى : أنـــــــا


.


.


.


حــــــامـــــــل يا ميدو


أحمد : بجـــــــــــد .. الحمد لله ألف حمد وشكر عرفتى إمتى الموضوع ده ؟


جنى : النهاردة الصبح وإنت فى الشغل دخت أوى وحاسيت إنى هقع حاولت أرتاح على السرير ممكن الدوخة تروح ما راحت وحاسيت إنى مش طايقة أشم ريحة الأكل إتصلت بمنى قالتلى إنها ممكن تكون أعراض حمل


أحمد : بجد يعنى اتأكدى ولا لا ؟


جنى : لا بس هتأكد إن شاء الله


أحمد : خلاص نروح لدكتور دلوقتى ونطمن


يلا قومى إجهزى


جنى : ماشى


.....



وبعد الرجوع من عند الدكتور



أحمد : الف حمد وشكر ليك يارب إن شاء الله هنروح نعمل حج شكرا لله على النعمة اللى جاية فى السكة بس أنا عايز أبعت لأبى ولأمى يحجوا معانا


جنى : فكرة جميلة إنهم يحجوا معانا


أحمد : أنا كنت ناوى من زمان خلاص هقولهم وإن شاء الله نروح نحج سويا وندعو الله أن يرزقنا بذرية صالحة تعيش لطاعة الله


جنى : يــــــــــــ امين ـــــــــارب



وبعد حج مبرور وذنب مغفور ورحلة لسعادة لباقى العمر


وبعد مرور 9 أشهر


ولدت جنى توأم فكانت تحب هى وأحمد سورة يوسف وسورة مريم جدااا وكانت دايما تحب قرأتهم فقد ختمت القران حفظا ومراجعة مع أحمد فكانت حياتهم مليئة بطاعة الله وعبادته على أحسن وجه وكانوا دايما فى فرحهم وحزنهم يلتجئوا إلى الله ويتقربوا إليه أكثر فأكثر


وأخيــــــرا


خلفوا يوسف ومريم


ويارب يكون يوسف ولد مطيع وصبور مثل سيدنا يوسف عليه السلام


ويارب تكون مريم بنت مطيعة وتقية فى كل أمورها


...



ياريت نحاول نأسس أسرة صح مش نجوز ونحقق هدفنا ورغبتنا وخلاص


تكوين أسرة على الحب والمودة والرحمة أمر سهل مش صعب أوى


ولكن محتاج مننا


الصبر والحكمة والإيمان بالله والتفائل فى الحياة


.


.



أحبكم فى الله وجزاكم الله خيرا على متابعتكم ومشاركتكم الجميلة التى أسعدتنى وجعلت الحياة لها طعم ثانى بالنسبة لى


وأنا على نفسى أستفدت من الرواية معكم وجعلتنى أكتشف أشياء جميلة





مش عايزة غير دعواتكم لى بظهر الغيب


" بتفريج الكرب عنى وعن أسرتى وتيسير الأحوال والهداية )




" اللهم إنك عفوا كريم تحب العفو فاعفوا عنا يأرحم الراحمين "



أحبكم فى الله


وربنا يرزق جميع بنات وشباب المسلمين بالأزواج والزوجات الصالحة


اللهم امين



والسلام عليكم ورحمة الله وبركاته

الجمال الحائر
04-11-2010, 08:05 PM
هههههههههههههههههه يسلمو يا قمر

lo0o0la
04-11-2010, 10:06 PM
بجد الحلقه تحفه اوى وكويس انو طلع حلم

ثانكس يا سوسو يا قمر ع القصه الجميله جدا دى

وان شاء الله قريب نشوف قصه جديدة حلوة منك

Princess Noor
14-11-2010, 03:43 PM
والله كنت واثقه انه حلم يابنتي ده انا نسيت القصه خالص وانشغلت بالمدرسه لسه النهرده افتكرت بنانيت قلت القصه ايه اللي حصل فيها ياترى

بس كده انا مرتاحه الحمدلله انه مكنش واقع احسن كنت مت فيها هههههه مش اوي يعني ...
شكرا ياسوسو على القصه الرائعه واحنا اكيد بندعيلك والله ربنا يكرمك ويسعدك ويحقق امالك لانك خلتيني استفاد كتيييييير من القصه ماتحرمناش من جديدك
اســــــــــــــــــــــــــــــــــراء

دلوعة الماماا
17-11-2010, 02:09 AM
يسلمــوو
قصهـ رووعهـ
لاا تحرمينا من جديدك

عجزت انساكـ
18-11-2010, 11:17 PM
القصة حلوه كتير
تسلمي يا اموره

7ala maraqa
21-08-2011, 10:41 PM
تسلم ايدك حياتي والله الحكاية جميلة جدا جدا جدا ويارب ربنا يهدينا كلنا ويرحمنا يارب

selen
30-03-2012, 10:54 PM
يلا يلا كملي شوقتينا

EISOOOOOOO
01-06-2012, 11:57 PM
تسلم ايدك يا قمر بجد تحفـــــــــــــــــــــــــــــــــــــــــــــــ ــــــــــــــــــــــــــــــــة لدرجة ما تتصوريهاش
انتى متعرفيش انا حسيت بايه لما قلتى ان احمد مات
يانهار ابيــــــــــــــــــــــــــــــــــــــــــــــض
بس الحمد لله وربنا يرزق كل مسلم ومسلمة بالزوج والزوجة الصالحة والذرية الصالحة
اللهم اميــــــــــــــــــــــــــــــن